Спорт
ЛШ: Актуелниот првак Сити на гости кај Реал, Арсенал го чека Баерн
По пауза од три недели повторно ќе се играат натпревари во Лигата на шампионите. Најквалитеното фудбалско натпреварување во светот стигна до четвртфиналето, осум екипи остнаа во трката за трофејот.
Во четвртфиналето ќе се сретнат Арсенал и Баерн, Реал Мадрид и Манчестер сити, Атлетико и Борусија Дортмунд и ПСЖ и Барселона.
Арсенал – Баерн (вторник, 21 часот)
Европските гиганти, ќе се сретант по пауза од седум години. Тогаш Баерн во осминафиналето ги декласираше „Топџиите“ со вкупен резултат 10:2. Сезонава двете пресметки ќе бидат многу поинтересни. Арсенал се бори за титулата во Премиер лигата, а за Баерн Лигата на шампионите е единствената шанса сезоната да ја завршат со трофек.
Арсенал е во добра форма. На последните седум натпревари шест пати победија, а еднаш ремизираа против Манчестер сити, со гол разлика 19:2. Букајо Сака и Габриел Мартинели се опоравија, истото важи и за Габриел, па Артета ќе може да смета на сите освен на Јулиен Тимбер.
Баерн цела сезона игра по системот „топло-ладно“. Поразени се во последните два натпревари во домашниот шампионат. Позитивно пред дуелите со Арсенал е што Томас Тухел ќе го има на располагање комплетниот тим.
Без разлика на моменталната форма, тешко е да се прогнозира кој ќе излезе како победник од овој двомеч. Арсенал одамна нема играно во Лигата на шампионите, додека Баерн секогаш е ривал кој треба да се избегнува. Првиот меч ќе се игра во Лондон, а реваншот во Минхен осум дена подоцна.
Реал Мадрид – Манчестер сити (вторник, 21 часот)
Пред три недели, ждрепката во Нион повторно ги спои Манчестер сити и Реал Мадрид. Четврти пат во последните пет сезони, Реал и Сити се среќаваат во нокаут фазата.
Минатата сезона, во полуфиналето, „Граѓаните“ ја демонстрираа својата сила во реваншот и го победија Реал со 4:0, но дури и Пеп Гвардиола изјави дека таков меч тешко ќе се повтори.
Реал се многу блиску до освојување на титулата во Ла Лига, додека Сити се мачи повеќе отколку што можеше да очекува. Џуд Белингем е еден од најдобрите играчи во Европа оваа сезона, а заедно со Винисиус ќе биде вистинска главоболка за десеткуваната одбрана на Манчестер сити. Натпреварот ќе го пропуштат Кајл Вокер и Нејтан Аке, а под знак прашалник е и Јошко Гвардиол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Без победник во Минхен, Реал е поблиску до големото финале
Баерн Минхен и Реал Мадрид одиграа 2:2, во првиот полуфинален натпревар во Лигата на шампионите. На „Алијанц арена“ во Минхен, Реал се спаси од пораз во 84.минута, кога Винисиус Жуниор од пенал го изедначи резултатот. Претходно, Бразилецот погоди за Реал во 24.минута, а Баерн во вториот дел, во само четири минути со головите на Сане и Кејн од пенал, направи пресврт.
Натпреварот на „Алијанц Арена“ беше извонреден, онака како што двете екипи сезонава играат во Лигата на шампионите.
На крајот заврши без победник, што пред реваншот на „Сантијаго Бернабеу“ му носи поголема предност на „кралскиот клуб“.
Сепак, Баерн покажа дека не е за отпишување и ќе има што да каже за осум дена во шпанската престолнина.
Спорт
Ферари демне: Наскоро ќе биде официјално – Њуи си заминува од Ред Бул
Еден од најзаслужните за успехот на Ред Бул во Формула 1 шампионатот, главниот инженер на австрискиот тим Адријан Њуи ќе го напушти актуелниот шампион во конкуренција на конструктори.
Како што пренесуваат многу европски медиуми, се е договорено и се очекува Ред Бул да ја потврди оваа вест пред почетокот на Големата награда на Мајами.
Њуи е најуспешниот дизајнер на автомобили во модерната Формула 1 и е член на Ред Бул од неговото основање во 2006 година. Причините за разделбата се наводно незадоволство од улогата што ја има во тимот и несогласување со тимскиот шеф Кристијан Хорнер.
Овој 65-годишник има актуелен договор кој е со важност до крајот на 2025 година, а за тоа досега не се огласил. Исто така, Ферари наводно веќе разговарал со Њуи и му испратил понуда за соработка.
Покрај загубата што би ја претставувало заминувањето на Њуи, тоа исто така потенцијално би го доведе во прашање статусот на трикратниот последователен светски шампион Макс Верстапен, кој е бескомпромисно лојален на Њуи и советникот Хелмут Маркo.
Њуи учествуваше во освојувањето на седум титули за возачи и шест конструктори за Ред Бул.
Во генералниот пласман сега води Верстапен со 110 бодови, а зад него е соиграчот Перез со 85.
Овогодинешниот шампионат во Формула 1 продолжува со Големата награда на Мајами од 3 до 5 мај.
Спорт
Турски милионер го купува Марибор
Турскиот милионер Ацун Иликали наскоро ќе го заврши преземањето на словенечки Марибор.
„Ги почитувам и другите клубови, Мура е успешен клуб, Олимпија е добро познато име во Европа, исто така и Марибор“, изјави тој за Спортклу Словенија“.
„На крајот морате да донесете одлука, баравме и размислувавме два месеци, но сега мислам дека тимот и јас одлучивме дека ова е вистинскиот проект со одлични навивачи, одлични луѓе и голем град. Ми беше многу важно да имам аеродром во близина бидејќи постојано патувам. Мал аеродром да доаѓам и заминувам, а работа да не трпи. Јас сум луд по фудбал и сакам да гледам што повеќе натпревари“.
Ова значи дека Марибор за прв пат во својата историја ќе има странски инвеститор.
Марибор 16 пати беше шампион на Словенија, освои девет Купа и четири словенечки Суперкупа, а три пати играше во групната фаза од Лигата на шампионите. Сезонава не им оди баш најдобро, се само третопласирани зад Целје и Олимпија.
Иликали веќе е сопственик на англиски Хал Сити, а претходно раководеше со холандската Фортуна Ситард и ирскиот Шелбурн.
Сопственик е на ТВ каналите TВ8 и TВ8.5, како и на турската дигитална платформа „Ексен“. Од 2018 до 2021 година тој беше на листата на 500 највлијателни бизнисмени во медиумскиот и забавниот сектор.