Спорт
ЛШ: „Бикот“ го победи ПСЖ, Мората блесна за Јуве, Халанд повторно во елемент!
РБ Лајпциг ја искомпликува ситуацијата во групата Х со 2:1 победа над Пари Сен-Жермен, додека другите фаворити немаа ваква мака во вечер полна со пенали во Лигата на шампионите.
Барселона со 2:1 го совлада десеткуваниот Динамо Киев (еден пенал – Лео Меси), Алваро Мората со два гола ги предводеше Јуве до 4:1 победа кај Ференцварош, Ерлинг Халанд го „збудале“ Бриж за 3:0 победа на Дортмунд, додека Челси со 3:0 (два пенали) го победи Рен во Лондон.
Лајпциг по 5:0 поразот од Манчестер јунајтед во претходното коло, рано беа во негатива и со ПСЖ, откако Анхел ди Марија го отвори резултатот уште во шестата минута, а Аргентинецот во 16. минута доби шанса за удвојување на водството од пенал, но голманот Петер Гулач му ја фати топката.
Тимот на Јулијан Нагелсман успеа да израмни преку Нкунку во 43. минута и потоа да дојде во водство (од пенал) преку Ерик Форсберг во 48 минута. Идриса Геје доби втор жолт картон за ПСЖ да го завршат мечот со играч помалку. Лајпциг се израмнија со Јунајтед со 6 поени, ПСЖ има 3 како и Башакшехир.
Јувентус ја оправда фаворитската улога во Будимпешта, со два гола на Алваро Мората и два на Пауло Дибала стигна до 4:0 победа над Ференцварош, додека Барса остана совршена со 2:1 победа над Динамо Киев.
ЛИГА НА ШАМПИОНИ, 3.КОЛО
ГРУПА Е
Челси – Рен 3:0
Севилја – Краснодар 3:2
Табела: 1.Челси 7, 2.Севилја 7, 3.Краснодар 1, 4.Рен 1
ГРУПА Ф
Зенит Санкт Петерсбург – Лацио 1:1
Клуб Бриж – Борусија Дортмунд 0:3
Табела: 1.Дортмунд 6, 2.Лацио 5, 3.Бриж 4, 4.Зенит 1
ГРУПА Г
Барселона – Динамо Киев 2:1
Ференцварош – Јувентус 1:4
Табела: 1.Барселона 9, 2.Јувентус 6, 3.Динамо Киев 1, 4.Ференцварош 1
ГРУПА Х
Башакшехир – Манчестер јунајтед 2:1
РБ Лајпциг – Пари Сен-Жермен 2:1
Табела: 1.Манчестер ј. 6, 2.Лајпциг 6, 3.ПСЖ 3, 4.Башакшехир 3
ЛАЈПЦИГ – ПСЖ
ФЕРЕНЦВАРОШ – ЈУВЕНТУС
БАРСЕЛОНА – ДИНАМО КИЕВ
ЧЕЛСИ – РЕН
БРИЖ – БОРУСИЈА ДОРТМУНД
СЕВИЛЈА – КРАСНОДАР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Голем удар за Лејкерси, се повреди Дончиќ
Првата ѕвезда на ЛА Лејкерс, Лука Дончиќ, ќе пропушти неколку натпревари поради повреда на прстот.
Станува збор за повреда на прстот на левата рака. Се очекува да биде во аут најмалку една недела.
Ова значи дека Лејкерс сигурно ќе бидат без Дончиќ против Сакраменто, Портланд и Минесота.
Дончиќ започна силно во првите два натпревари. Тој забележа вкупно 92 поени, 23 скока и 17 асистенции. Значи, ова е голема штета и голем удар за Лејкерс.
Проблемот за ЛА Лејкерс е поголем ако се знае дека поради повреда се зоната се уште не ја започнал Леброн Џејмс.
Спорт
(Видео) Јувентус ја продолши лошата серија, загуби од Лацио
Фудбалерите на Лацио го победија Јувентус со 1:0 во последниот натпревар од деветтото коло на италијанската Серија А. Единствениот гол на натпреварот го постигна хрватскиот фудбалер Тома Башиќ, кој беше стрелец во деветтата минута од натпреварот. Тоа беше неговиот прв гол по 907 дена.
Со оваа победа, Лацио скокна на 10-то место со 11 бода, додека Јувентус остана осми со еден бод повеќе.
Екипата на Игор Тудор на тој начин продолжи со серија од осум последователни натпревари без победа во сите натпреварувања, што е најдолгата таква серија во последните 16 години. Исто така Јувентус е во серија од четири натпревари без постигнат гол во сите натпреварувања.
Лацио, од друга страна, ја продолжи својата серија од четири натпревари без пораз.

Лацио поведе во деветтата минута. Башиќ го постигна голот по катастрофалната грешка на напаѓачот на Јувентус, Џонатан Дејвид, кој се обиде да ја врати топката кон својата одбрана со глава, но ја додаде директно до Данило Каталди.
Капитенот на Лацио веднаш ја препозна можноста и навремено го проигра Башиќ, кој шутираше по земја со левата нога од околу 20 метри. Топката отскокна од Федерико Гати и го измами голманот Матија Перин.
Foto/ EPA
Спорт
Доминантна победа на Норис во Мексико – Британецот сега е лидер во вкупниот пласман
Ландо Норис ја растури конкуренцијата и ја освои Големата награда на Мексико, кој во претпоследниот крууг за момент на прекина виртуелното возило за безбедност. Со оваа победа Норис ја презеде лидерската позиција во генералниот пласман, има бод повеќе од тимскиот колега Оскар Пјастри кој финишираше на петтото место.
Викендот во Мексико ја донесе една од највозбудливите трки оваа сезона и прва победа на Мекларен по четири трки и прва победа за овој тим по 1989 година, кога слеваше легендарниот Аиртон Сена.
Норис победи со 30 секунди пред Шарл Леклер. Возачот на Ферари во последните кругови успеа да се одбрани од Макс Ферстапен.
Брилијантна трка возеше младиот Оливер Берман од Хас, стартуваше од деветтото, го освои четвртото место.
Неверојатно возбудливи беа првите десет круга, неколку возачи во тој период возе по тревата крај патеката, дирекцијата на трката отвори неколку истраги, на крајот настрада само Луис Хамилтон со казна од 10 секунди која му ја уништи трката, бидејќи во тој момент беше трет.
Бодови во Мексико освоија и Оскар Пјастри, двоецот на Мерцедес, Андреа Кими Антонели и Џорџ Расел. односно Луис Хамилтон, Естебан Окон (Хас) и Габрел Бортолето (Заубер).
Во генералниот пласман Норис по шестата победа во сезоната има поен повеќе од Пјастри и 36 од Ферстапен.
Интересно е во борбата за второто место во конкуренција на конструкторите. Ферари сега е втор со поен повеќе од Мерцедес и десет од Ред Бул.
Наредната трка се вози во Бразил. Во Сао Паоло на програмата ќе бидат спринт и главната трка.
Foto/ EPA

