Спорт
ЛШ: Ди Марија го „казни“ Реал, Динамо ја декласираше Аталанта (видео)
Пари Сен-Жермен и без Нејмар во составот (ја отслужува суспензијата за навреда на УЕФА), успеа да стигне до 3:0 победа над Реал Мадрид, откако Анхел ди Марија постигна два гола против својот поранешен клуб, додека Динамо Загреб забележа неверојатна 4:0 победа над дебитантот во ЛШ, Аталанта.
Во другите мечеви, Јувентус не „изддржа“ водство од 0:2 и дозволи Атлетико да се врати за 2:2 реми, Баерн Минхен со 3:0 ја реши Црвена звезда, додека Манчестер сити лесно се „прошета“ до 3:0 победа кај Шахтјор, додека Локомотив Москва со 2:1 ги изненади Баер Леверкузен.
ПСЖ уште во првото полувреме го реши победникот во дербито на колото, откако Анхел ди Марија двапати успеа да ја „скрши“ одбраната на „кралскиот“ клуб, прво во 14. минута, а потоа и во 33. минута. Герет Бејл потоа постигна еден гол каков што ретко се гледа, но тој беше поништен поради играње со рака. Томас Муние во 91. минута ги постави конечните 3:0.
Неверојатен меч се одигра на „Максимир“, каде што Динамо Загреб, полесно од очекувањата со 4:0 ја „сотре“ италијанска Аталанта, чии навивачи нема по добро да го паметат првиот меч на клубот во Лигата на шампионите. Мислав Оршиќ постигна хет-трик против италијанскиот прволигаш, но според многумина човек на одлука беше неверојатниот Шпанец, Дани Олмо кој му намести два гола.
Баерн Минхен, исто така со победа го стартуваше настапот во Лигата на шампионите, по 2:0 триумфот над мотивираната Црвена звезда. Кингсли Коман ја продолжи одличната форма со гол во 34. минута, а Роберт Левандовски на 10 минути пред крајот ја осигура победата, пред Томас Милер да ги постави конечните 3:0 во 91. минута.
ГРУПА А
Клуб Бриж – Галатасарај 0:0
Пари Сен-Жермен – Реал Мадрид 3:0
ГРУПА Б
Олимпијакос – Тотенхем 2:2
Баерн Минхен – Црвена звезда 3:0
ГРУПА Ц
Шахтјор Доњецк – Манчестер сити 0:3
Динамо Загреб – Аталанта 4:0
ГРУПА Д
Атлетико Мадрид – Јувентус 2:2
Баер Леверкузен – Локомотив Москва 1:2
ПСЖ – РЕАЛ МАДРИД
ДИНАМО ЗАГРЕБ – АТАЛАНТА
БАЕРН МИНХЕН – ЦРВЕНА ЗВЕЗДА
АТЛЕТИКО МАДРИД – ЈУВЕНТУС
ШАХТЈОР – МАНЧЕСТЕР СИТИ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед стави 11 играчи на трансфер листата
Манчестер Јунајтед игра уште една лоша. Поради тоа Сер Џим Ретклиф и останатите челници на „црвените ѓаволи“ донеле радикална одлука, во летниот преоден рок на продажба ќе биде половина од тимот.
Шестото место, 53 бодови и 24 бодови зад лидерот Арсенал по 33 одиграни натпревари сигурно никого не задоволува на „Олд Трафорд“.
Покрај тоа, клубот го загуби финалето на Лига купот и заврши на четвртото место во групата на Лигата на шампионите во конкуренција на Баерн, Копенхаген и Галатасарај.
Пред неколку дена Манчестер Јунајтед на „мускули“, по изведувањето пенали го елиминираше Ковентри во полуфиналето на ФА Купот. За трофејот ќе игра против Манчестер Сити на 25 мај на Вембли.
Поради тоа во клубот донеле радикална одлука. 11 играчи ќе бидат ставени на трансфер листата и ќе можат да го напуштат клубот во летниот преоден рок.
На списокот има Во него има неколку звучни имиња:
Арон Ван-Бисака
Виктор Линделоф
Хари Мегваер
Рафаел Варан
Касемиро
Кристијан Ериксен
Антони
Дони Ван де Бик
Џејдон Санчо
Ентони Марсијал
Маркус Рашфорд
Спорт
Судењето на Манчестер Сити ќе започне во „блиска иднина“
Првиот човек на Премиер лигата, Ричард Мастерс, изјави дека „во блиска иднина ќе се одржи рочиште за случајот со Манчестер Сити по сите 115 точки“.
Бен Рамсби, истражувачки новинар на англиски Телеграф, ја објави веста на својот профил на мрежата „Х“.
Со коментар дека „ова е најблиску до кое Мастерс дошол да спомне конкретен датум“.
Некои информации кои се појавија во јавноста на крајот на минатата година укажуваа дека судењето би можело да започне есента 2024 година.
Сити е обвинет по 115 точки од обвинението за повеќекратни финансиски прекршоци. Истрагата започна уште во 2018 година и продолжи до почетокот на 2023 година, а беа проверени и одлуките и работењето на клубот од сезоната 2009/10.
Што значи тоа „во блиска иднина“ останува да видиме. Судењето веќе е одложено поради откривање на нови докази и сведоци подготвени да сведочат.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.