Светската кошаркарска федерација (ФИБА) денеска во 17 часот ќе ја репризира историската победа на кошаркарската селекција на Македонија над Литванија 67-65 на ЕП 2011 токму во нивната земја.

На четвртфиналниот натпревар кој Македонија ја одведе во прво историско полуфинале најпрецизен во нашиот состав беше Лестер Бо Мекејлеб со 23 поени.

Сепак славата по тој меч ја собра Владо Илиевски кој погоди клучна тројка на неколку секунди до крајот, а по мечот имаше легендарна изјава:

„Леле, луѓе, што направивме“.

Снимката од овој меч ќе се емитува на Фејсбук и Јутјуб каналите на ФИБА.

Bo McCalebb (@lmccale4) erupts for 2⃣3⃣ PTS in @Makbasket 🇲🇰's biggest ever @EuroBasket win!

📺 16:00 GMT on https://t.co/ZohoZyLCrk & https://t.co/Gz8KmZPuen pic.twitter.com/GF7wNbbpup

— FIBA EuroBasket (@EuroBasket) July 15, 2020

Менаџерот на Манчестер Јунајтед, Оле Гунар Солкјер отпиша 6 играчи за следната сезона, а најзвучното име на тој список е Алексис Санчез кој наскоро ќе се врати по позајмицата во Интер.

Јунајтед игра одличен фудбал по продолжението на сезоната, но за да биде конкурентен за титулата, му недостасуваат неколку квалитетни фудбалери, на различни позиции.

На трансфер листата освен Чилеанецот, се најдоа и Крис Смолинг, Моаркос Рохо, Фил Џонс, Џеси Лингард и Диого Далот, информираше денеска британски „Мирор“.

Санчез е најголемиот проблем затоа што има договор со 25 милиони евра годишна плата, па „ѓаволите“ би сакале да се ослободат од него и да го растоварат буџетот на клубот.

Јунајтед пропушти можност викендов да се пробие на третата позиција во ПЛ, но Саутемптон постигна гол за реми, 2-2 во 96 минута.

Лидерот во шпанската Ла Лига, Реал Мадрид ги повика своите навивачи во случај титулата да заврши на „Сантијаго Бернабеу“ да не се собираат на јавни простори затоа што тоа би било чекор назад во борбата против коронавирусот.

Реал има 4 бода предност пред Барселона, на 2 кола до крајот и веќе утре може да ја обезбеди 34-тата титула шампион на Шпанија.

„Победите и титулите секогаш ги споделуваме со навивачите, но во овој момент мораме да бидеме свесни за ситуацијата во која се наоѓаме. Поради тоа мораме да дадеме свој придонес и да покажеме одговорност за да го избегнеме ризикот од зараза“ порачаа од Реал Мадрид.

Шпанија е една од државите во Европа кои беа најтешко погодени од пандемијата, со околу 300.000 заразени и безмалку 30.000 починати.

Градоначлникот пак на Мадрид, рече дека прослава сепак ќе има, но сите ќе мора да бидат со маски:

Во Мадрид ќе има голема прослава ако Реал стане шампион, и покрај короната