Најдобрата македонска фудбалерка, Наташа Андонова го продолжи договорот со Леванте на една година, со опција за уште една сезона со клубот од Валенсија.

26-годишната Андонова пристигна во Леванте од Барселона, а претходно играше и во германскиот Турбине Потсдам, шведскиот Розенгард и францускиот Пари Сен-Жермен.

Сезоната 2019/20 во Примера дивизион феменина беше прекината минатиот месец поради пандемијата на корона вирусот. Барселона ја доби титулата откако имаше девет поени предност пред Атлетико Мадрид, додека Леванте беа на третото место, пропуштајќи шанса за пласман во Лигата на шампиони.

Firmamos el póker de renovaciones ♠️♦️♣️♥️

Natasa Andonova (@natasa_andonova) seguirá vistiendo de azulgrana la próxima temporada 🤗

¡Otra pieza importante para nuestro proyecto!#PrimeraIberdrola

✏️ https://t.co/DvtEkWBR1m pic.twitter.com/oL4LM3d1TZ

— Levante UD Femenino (@LUDfemenino) June 5, 2020

Веселин Вујовиќ неодамна си замина од тренерското место во ППД Загреб поради „приватни причини“, кои сега во интересна дискусија со Лино Червар откри дека се поврзани со земјоделие.

Вујовиќ беше избран за најдобар тренер на просторите на поранешна Југославија од страна на читателите на популарниот веб-сајт „Балкан хендбол“, пред Црногорецот Зоран Рогановиќ и Хрватот Лино Червар, по што преку Фејсбук порача дека не ја заслужува победата, која треба да му припадне на Червар, кој освои сребро со Хрватска на Европското првенство.

Червар му се заблагодари на потегот, а потоа Вујовиќ откри зошто точно си заминал од Загреб.

„Вложив во приватен бизнис. Имам голема плантажа на овошки, одгледувам круши и цреши. Поради таа работа морав да им се заблагодарам на луѓето во Загреб кои сметаа на мене и во следната сезона. Работата е таква што ќе мора често да отсуствувам, а не сакам ништо да работам површно. Не им затворив врата на Загреби кога ќе им бидам потребен јас сум тука. Мојата тренерска кариера не е готова, иако размислував за тоа повеќе пати“, открива Вујовиќ.

Лос Анџелес галакси го отпушти српскиот фудбалер од средниот ред Александар Катаи во петокот, два дена откако неговата сопруга постираше расистички пораки на социјалните мрежи.

Постовите на Теа Катаи, кои подоцна беа отстранети, повикуваа на убиство на „гомната“ кои протестираат по смртта на Џорџ Флојд во Минеаполис. Платата на Катаи со Галакси не е јавна, но е сигурно поголема од 612.500 долари предвидени со колективниот договор, и клубот не планира да му ги исплати договорот.

Галакси објавија дека Теа Катаи била во Чикаго кога ги објавила постовите, додека нејзиниот сопруг бил во Калифорнија, каде што работел на физичката подготвеност.

29-годишниот Катаи пристигна во Галакси како слободен агент во декември по договорот со Чикаго фајр, каде што имаше 18 гола и 12 асистенции во 62 натпревари.

Поради расистичките коментари на сопругата Катаи ќе добие отказ во ЛА Галакси