Спорт
ЛШ: ПСЖ се „израмни“ со Барса, Загреб со прва победа

Пари Сен-Жермен на поранешниот македонски селектор, Раул Гонзалес, се израмни со Барселона на врвот во групата А во Лигата на шампионите по победата од 32:29 на гости кај Алборг, додека Пик Сегед го „заддржа“ темпото со водечката двојка со импресивна 34:22 победа на гости кај Целје во Словенија.
ПСЖ имаше предност од три гола на полувреме, но победата не ја обезбеди до последните пет минути од мечот. Сандер Сагосен и Микел Хансен постигнаа по седум гола за гостите, а Лука Карабатиќ додаде пет гола. За Алборг, Магнус Јенсен беше најефикасен со шест гола.
Поранешните европски шампиони, ППД Загреб пак, конечно, успеаја да стигнат до првата победа во ЛШ оваа сезона, откако со 30:27 ги победија Елверум во дуел на двете последнопласирани екипи. Со победата, „плинарите“ на Веселин Вујовиќ останаа во игра за пласман во осминафиналето на ЛШ.
ЕХФ ЛИГА НА ШАМПИОНИ, ГРУПА А
Алборг – Пари Сен-Жермен 29:32 (14:17)
Целје – Пик Сегед 22:34 (11:19)
ППД Загреб – Елверум 30:27 (16:13)
Табела: 1.Барселона 16, 2.ПСЖ 16, 3.Пик Сегед 15, 4.Алборг 8, 5.Флензбург 7, 6.Целје 6, 7.ППД Загреб 3, 8.Елверум 1
FULL-TIME: #aalborghaandbold 29:32 @psghand
Aalborg kept pushing and pushing but Paris held firm to edge a fantastic game of handball and crucially pick up two more Group A points!#veluxehfcl pic.twitter.com/cOhWTv4nIM
— EHF Champions League (@ehfcl) November 24, 2019
FULL-TIME:@RKZagreb 30:27 @ElverumHandball @RKCPL 22:34 @pickhandball #Zagreb get the win! The match between Group A's winless pair was a gruelling one… but it's the hosts who are celebrating!
In Slovenia it was a comfortable day for #Szeged who won by 12 against #Celje pic.twitter.com/XyW96390Go— EHF Champions League (@ehfcl) November 24, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Поранешен играч на Барса сериозно повреден – Куче го каснало за гениталиите

Поранешниот фудбалер на Барселона, Карлес Перез, беше хоспитализиран, по бизарен инцидент. Куче го каснало за гениталиите додека го шетал својот миленик.
Перез, играч на Арис од Солун, бил во прошетка кога неговиот миленик бил нападнат од друго куче. 27-годишникот се обидел да ги раздели, во обид да спречи евентуални повреди, но наместо тоа, тој го извлекол подебелиот крај.
Се здобил со длабока рана во препоните, откако кулето скитник го каснало за гениталиите. Итно бил префрлен во болница и, како што е наведено, е во сериозна состојба.
Информациите од Солун покажуваат колку е сериозна ситуацијата, според кои лекарите размислуваат за можна операција за санирање на штетата.
Во меѓувреме, успеаја да го стабилизираат, но иако неговиот живот не е загрозен, состојбата на фудбалерот Арис е опишана како сериозна.
Перез кариерата ја започна во колата на Барселона. Дебитираше за првиот тим во сезоната 2019/2020, одигра 11 натпревари и постигна еден гол. Следеа периоди во Рома и Селта, а потоа и траен трансфер во клубот од Виго. Потоа помина една година во Хетафе, а оваа сезона беше позајмен на петтопласираниот тим од грчката Суперлига, Арис.
Фото/ Принскрин
Спорт
Чистка во Челзи – Енцо Мареска отпишал 16 играчи

Победникот на клупскиот Мундијал Челси, ќе биде исклучително активен до крајот на преодниот рок. „Сините“, во досегашниот тек од преодниот рок потрошија 290 милиони евра, се засилија со Жоао Педро (70 милиони), Џејми Гитенс (65 милиони), Естевао (34 милиони), Лиам Делап (35,5 милиони), Јорел Хато (42 милиони).
Челси, во овој момент има многу фудбалери на платниот список, па ќе мора да продава и да позајмува за да направи место во составот и буџетот.
Мадуеке и Кепа заминаа во Арсенал, Петровиќ во Борнмут, а Жоао Феликс во Ал Наср. Италијанскиот инсајдер Николо Скира пишува дека Челзи сака да се ослободи од дури 16 играчи кои не се во плановите на менаџерот Енцо Мареска до крајот на преодниот рок.
Наводно им било кажано дека можат да бараат нов клуб или да одат некаде на позајмица. Меѓу нив се „јаки“ имиња како Николас Џексон, Кристофер Нкунку и Рахим Стерлинг.
Мареска не смета на следниве играчи:
– Веига
– Брете
– Сар
– Бадијашил
– Анселмино
– Чилвел
– Гилкрист
– Угочукву
– Чуквуемека
– Дјусбери-Хол
– Паес
– Стерлинг
– Џексон
– Енкунку
– Нумберс
– Адер
Фото/ Принскрин
Спорт
ДР Конго нов спонзор на Барселона

Фудбалскиот клуб Барселона објави дека потпишал четиригодишен договор за спонзорство со Демократска Република Конго, со кој африканската земја ќе стане спонзор на дресовите на каталонскиот клуб.
Во соопштение на веб-страницата на клубот, Барселона соопшти дека договорот е потпишан со цел да се промовира фудбалот, културата и мирот. Клубот не објави финансиски детали, но шпанските медиуми објавија дека договорот е вреден 44 милиони евра.
Во следните четири сезони, дресовите за тренинг на сите професионални клубови на Барселона ќе го имаат натписот „R.D Congo – Coeur d’Afrique“, што во превод значи „Д.Р. Конко – Срцето на Африка“, отпечатен на задната страна.
„Овој договор означува заедничка посветеност за поттикнување на развојот на спортот во Конго и, како дел од соработката, клубот ќе придонесе за збогатување на тренингот на младите спортисти преку пренесување на својот екосистем на вредности, несомнен столб на моделот и стилот на Барса“, се вели во соопштението.
Барселона се обврза да учествува во развојот на кампови и програми за фудбал, кошарка, ракомет, футсал и хокеј на ролерки.
Договорот, исто така, вклучува и отворање на Домот на Демократска Република Конго во комплексот на стадионот „Камп Ноу“.
Договорот беше критикуван од бројни организации, поради тешката ситуација во Демократска Република Конго, каде што мнозинството од населението живее под линијата на сиромаштија, но и прашањата за почитување на човековите права, по извештаите за вонсудски егзекуции во последните месеци.
Фото/ Принскрин