Спорт
Лучиќ: Горан Иванишевиќ ми го спаси животот, како во филмовите со Џејмс Бонд

Хрватската тенисерка Мирјана Лучиќ-Барони, повеќе пати зборувала за својот тежок животен пат, но сега откри дека нејзиниот живот бил спасен од хрватскиот тениски великан, а сега тренер на Новак Ѓоковиќ, Горан Иванишевиќ.
Се работи за инцидентот на Вимблдон во 1998 година, кога Лучиќ трпела семејно насилство од страна на својот татко, и таа призна дека тој се заканувал дека ќе ја убие нејзината мајка. Тогаш на сцена стапил Иванишевиќ, кој ја сокрил во Лондон тенисерката и нејзината мајка.
По ова, Лучиќ и нејзината мајка се вратиле во Загреб, каде што 18 дена чекале виза, пред да заминат во Њујорк заедно со шест бодигарди.
„Горан ми го спаси животот. Тоа наликуваше на филмовите за Џејмс Бонд, само што се работеше за реалност и за нашите животи. Мојот татко почна да ме тепа од мојата петта година, кога загубив од постара тенисерка. Потоа беше пекол“, открива Лучиќ-Барони.
На Мирјана најмногу и помогнал нејзиниот сопруг, Американецот Даниеле Барони, со кого е заедно од 2007 година, кога стави крај на најтешкиот период во животот. Од 2003 до 2007 година, Лучиќ ретко играла тенис, работејќи на благајна на еден тениски клуб на Флорида, бидејќи немаше пари за тренер
38-годишната Лучиќ-Барони, сега го доби своето прво дете и вели дека планира да се врати на тенисот и покрај нејзините години. Во својата кариера таа освои три ВТА титули, а највисоко беше на 20. место на ВТА-листата во 2017 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Партизан го прослави 80-от роденден, натпреварот со Војводина пет пати беше прекинат, траеше речиси три часа

Фудбалерите на Партизан ја победија Војводина во дербито од 11-то коло од српската Суперлига и со тоа го прославија својот 80-ти роденден. Натпреварот мина во дивеењето на навивачите на црно-белите. Партизан сигурно ќе биде жестоко казнет.
Партизан ја победи Војводина со 1:0, со голот на Милошевиќ од пенал во 18-та минута. Гостите од 30-та минута играа со фудбалер помалку, кога директен црвен картон доби Тањга.
Верувале или не натпреварот траеше речиси три часа. Пет пати беше прекинат, последен пат во 72-та минута кога главниот судија ги испрати играчите во соблекувалната. Прекинот траеше 20-тина минути, а според извештаите, играчите на Војводина биле на туширање кога им соопштиле дека повотрно треба да се вратата на теренот.
Најдраматично на теренот беше во 53-та минута кога играчот на гостинскиот тим, Марко Полетановиќ, остана да лежи на земја, откако во негова близина експлодира „топовски удар“.
Само 15 секунди подоцна, експлодира уште еден „топовски удар“, недалеку од главата на фудбалерот на Војводина. Полетановиќ веднаш стана, а потоа разни предмети полетаа кон теренот… За среќа, тука сè заврши.
Судијата Живковиќ накратко се консултираше со делегатот Владо Глоѓовиќ, познат службеник за обезбедување на УЕФА. Беше донесена одлука натпреварот да продолжи.
На потег е Фудбалскиот сојуз на Србија, но прашање е дали има моќ да се справи со навивачкото дивеење, бидејќи пред само една недела слични сцени имаше и на натпреварот на кој Црвена звезда го славеше својот роденден.
Foto/ Starsport/Peđa Milosavljević
Спорт
(Видео) Винисиус му ја обезбеди победата на Реал против Виљареал

Реал Мадрид ја забележа седмата победа во сезоната во Примера. Во осмото коло, Реа со 3:1 го победи Виљареал.
Коненчниот резултат на „Сантијаго Бернабеу“ не го прикажува она што се случуваше на теренот. Виљареал „скапо ја продаде кожата“. Виљареал имаше свои шанси, чисти зицери.
При 0:0 во 40-та минута, Олувасеџи го претрча Хаусен, излезе сам пред Куртоа, малку се двоумеше, а Куртоа покажа класа и излезе како победник од тој дуел еден на еден.
На полувреме беше 0:0, а казната за промашениот зицер Виљареал го стигна во 47-та минута, Винисиус шутираше од левата страна, топката го закачи Санти Конесања, го смени правецот и го остави голманот на Тенас без шанси да го одбрани тој шут.
Виљареал потоа имаше одлична шанса. Пепе добро продре по десната страна, нафрли во шеснаесетникот, Микаутадзе беше во чиста позиција, но топката беше малку посилна, па не можеше да ја фати.
Резултатот остана 1:0, а потоа во 69-та минута, Марин наивно направи пенал. Винисиус ја презеде одговорноста. Шутот не беше добар, Тенас практично ја имаше топката во свои раце. Но, на крајот таа сепак заврши во голот.
Само четири минути подоцна, „Жолтата Подморница“ заслужено постигна гол. Микаутадзе го совлада Куртоа со убав шут во 73-та минута и внесе драма во натпреварот.
Винисиус повоторно беше во главна улога, изнуди втор жолт картон од Мурињо и Виљареал остана со играч помалку.
„Кралскиот клуб“ ја искористи надмоќта на теренот и во 81-та минута кога Килијан Мбапе постигна нов гол, веќе деветти во лигата, и ги постави конечните 3:1.
На овој начин, Мбапе ја продолжи својата одлична серија, постигна барем еден гол во девет последователни натпревари во сите натпреварувања, и за клубот и за репрезентацијата, а не беше стрелец само во еден натпревар оваа сезона.
Foto/ EPA
Спорт
Македонските одбојкари на ЕП во група со европскиот првак и светскиот вицепрвак

Одбојкарската репрезетација на Македонија на претстојното Европско првенство,ќе играат во групата Б, заедно со селекциите на Бугарија, Полска, Украина, Португалија и Израел.
Претстојното Европско првенство во одбојка ќе се игра во четири земји, Бугарија (Варна), Финска (Тампере), Италија (Неапол). Премиерниот натпревар ќе се игра во Модена, осминафиналните и четвртфиналните натпревари ќе се играат во Торино и Варна. Полуфиналните мечеви и финалето ќе се играат во Милано.
Европското првенство ќе се одигра од 10 до 27 септември 2026 година,
На ждрепката во Бари, македонските одбојкари дознаа дека ќе играат во Варна, во Б групата.
Групата е исклучително тешка домаќинот Бугарија со новата генерација неодамна го освои второто место на Светското првенство, Полска е актуелен европски првак и третопласирана на последниот Мундијал, Португалија играше во нокаут фазата на Светското првенство. Македонија против Украина и Израел ќе ја бара шансата за пласман во осминафиналето.
Инаку, Европскиот шампион од 2026 година ќе се квалификува за Олимписките игри во 2028 година во Лос Анџелес.
Foto/ vfmkd.org.mk