Спорт
Луд меч во Неапол! Фиорентина со 2:5 по 120 минути за четврт-финале во Копа Италија
Фиорентина успеа да стигне до импресивна 2:5 победа на „Диего Армандо Марадона“ по многу драма, три црвени картони и 120 минути исцрпувачка игра за да го елиминира Наполи на Елиф Елмас во осмина-финалето на италијанскиот куп.
Душан Влаховиќ ја продолжи голгетерската серија оваа година кога во 41. минута ги донесе Виола во водство, но Наполи бргу реагира и во 43. минута Дрис Мертенс израмни на 1:1. Се веруваше дека Наполи има одлична предност кога голманот на Фиорентина, Бартоломеј Драговски, доби црвен картон за бизарниот старт над Елмас во финишот на полувремето, но на крајот тоа не донесе ништо за „партенопеи“.
Во 58. минута од мечот Кристијан Бираги, по неуспешниот обид од слободен удар, постигна убав гол од далечина за изненадувачко водство на гостите со играч помалку. И Наполи остана со играч помалку кога во 84. минута Ирвинг Лозано доби црвен картон за еден брутален старт над Нико Гонзалез. Мечот потоа доби и брутална димензија со многу дуели на теренот за Фабијан Руиз во 92. минута да добие втор жолт картон и Наполи да игра со 9 играчи. И покрај ова, по еден очајнички обид на домаќините, Петања во 94. минута израмни на 2:2 за да дојде до продолженија.
Во продолженијата се почуствува дека Наполи игра со девет играчи, нешто што го искористи Лоренцо Венути во 105. минута од мечот и Кшиштоф Пјонтек со својот прв гол за клубот од Фиренца во 108. минута за 2:4 за Јусуф Малех да стави сол на раните на домаќините со гол во 119. минута за конечни 2:5.
Фиорентина во четврт-финалето ќе игра со Аталанта, која претходно со 2:0 ја елиминира Венеција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.