ВБА, синоќа, го победија Саутепмтон со 2:0, освоија вредни бодови со кои им порачаа на конкурентите дека до крајот на сезоната жестокот ќе се борат за опстанок. И на овој натпревар, Англичаните, уште еднаш имаа контроверзна примена на ВАР.

ВБА, во четвртата минута, постигнаа гол. Помошникот означи офсајд, а потоа ВАР потврди дека играчот на ВБА, Кајл Бартли, бил во минимален офсајд. Она што е проблематично во оваа ситуација е што Бартли воопшто не влијае на играта, голот го постигна Мбаје Диањ, кој се наоѓа во регуларна позиција.

Англичаните се прашуваат дали е можно ВАР да ги измешал играчите на ВБА.

„Поради позициите на камерите, не можеа да ги извлечат линиите низ телото на Диањ, поради што одлуката дека е офсајд остана“, рекол коментаторот на Скај спорт.

На крајот ВБА славеа со 2:0, со головите на Переира, Филипс и Робинсон.

Погледнете ја контроверзната ситуација.

Голден стејт Вориорс, предводен од спектакуларниот Стеф Кари, забележа победа над Денвер Нагетс 116:107. Вориорс со оваа победа остана во плејоф-зоната, со скор 26 победи и 28 порази е 10-ти на Западот. Денвер се четврти со 30 победи и 24 порази.

Кари одигра неверојатен натпревар, постигна 53 поени (10 тројки), на кои придодаде седум скока и четири асистенции. Најдобриот шутер во лигата на овој меч го надмина Вилт Чембрлен. Со 17.783 поени Кари стана најдобриот стрелец во историјата на франшизата.

Покрај Кари, кај Вориорс се истакнаа и Дрејмон Грин со 18 поени и по седум скока и асистенции, односно Ендрју Вигинс со 17 поени.

Денвер го предводеше Никола Јокиќ со 27 поени, 12 скока и осум асистенции, три поени помалку постигна Мајкл Портер Јуниор. Проблем за Денвер е повредата на Џамал Мареј, кој во последната минута со болна гримаса го напушти теренот.

Њујорк Никс убедливо ги порази ЛА Лејкерс со 111:96. Џулиус Рендл, поранешниот играч на Лејкерси, забележа 34 поени. Во отсуство на Ентони Дејвис и Леброн Џејмс кај Лејекрси се истакна Денис Шрудер со 21 поен и шест асистенции.

Вашингтон Визардс го изненади најдобриот тим во лигата, Јута Џез, со победата 125:121.

Бредли Бил постигна 34 поени, а Расел Вестбрук запиша нов трип-дабл (25 поени, 14 скока, 14 асистенции).

Кај Јута се истакнаа Донован Мичел со 42 поена и Бојан Богдановиќ со 33. Мичел на последните три натпревари постигнува најмалку 40 поени.

Резултати:
Далас-Филаделфија 96:113
Орландо-Сан Антонио 97:120
Мемфис-Чикаго 101:90
Њу Орлеанс-Сакраменто 117:110
Финикс-Хјустон 126:120

Евертон одиграа само 0:0 на гостувањето кај Брајтон во вториот понеделнички меч во Премиер лигата, што е нивни четврти меч без победа и со кој остануваат на далечни 7 поени од топ 4 пласман на место кое води во Лигата на шампионите. Од друга страна, за Брајтон, и овој поен може да биде клучен во борбата за опстанок.

Евертон се на осмото место со 48 поени, еден зад Тотенхем и дури 7 зад Вест хем на четвртото место. Брајтон се на 15. место со 33 поени, исто како 16-пласираниот Барнли и седум над зоната за испаѓање.