Спорт
Луди „конференциски“ мечеви – Вилјареал со драма против Лех, Словацко и Партизан со 3:3 реми
Стартот на новата сезона во Конференциската Лига Европа на УЕФА го одбележаа два апсолутно неверојатни мечеви со многу голови.
На „Керамика“, Вилјареал стигна до 4:3 победа над полскиот Лех Познањ во меч полн со пресврти. Михал Скорас ги изненади домаќините уште во втората минута за неочекувано водство на Лех, но до полувремето, тимот на Унаи Емери ја презеде контролата – Баена со два гола и Чуквуезе донесоа 3:1 водство за „подморницата“. Полскиот клуб врати со двата гола на Ишак, за Кокелин да обезбеди победа за Вилјареал во 89. минута од мечот.
Луд меч имаше и во Ухерско Храдиште, Чешка, каде што Словацко и Партизан одиграа 3:3. Словацко имаа далеку подобар старт на мечот, поведувајќи со 2:0 на полувреме, а гостите од Србија останаа со играч помалку по црвениот картон на Белиќ. Сепак, Дијабате ги врати во игра Партизан со два гола за 2:2 израмнување. Рикардо во 61. минута го комплетираше пресвртот за 3:2 водство, пред Кадлец во финишот на мечот да извлече реми за чешкиот клуб.
КОНФЕРЕНЦИСКА ЛИГА ЕВРОПА, 1.КОЛО
ГРУПА А
Фиорентина – РФС Рига 1:1
Хартс – Башакшехир 0:4
ГРУПА Б
Андерлехт – Силкеборг 1:0
Вест хем – ФЦСБ 21.00 ч.
ГРУПА Ц
Австрија Виена – Хапоел Бер Шева 0:0
Вилјареал – Лех Познањ 4:3
ГРУПА Д
Ница – Келн почна во 19.45 ч.
Словацко – Партизан 3:3
ГРУПА Г
Балкани – ЦФР Клуж 1:1
Сиваспор – Славија Прага 21.00 ч.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Неочекуван епилог на последната трка во бијатлон, Дале-Шјевдал ја растури конкуренцијата
Изненадувачки епилог доби бијатлонската трка на 15 кимолемтри, масовен старт, на Зимските олимписки игри во Милано и Кортина. Норвешка го освои своето трето злато на Олимписките игри во биатлон, новиот шампион е Јоханес Дале-Шјевдал. Поврфила Французите, лоши беа на стрелиштетот, честа им ја спадси Фијон Маје, додека Перо и Жакелан завршија на 20-то и 21-то место.
Јоханес Дале-Шјевдал , 28-годишникот од Лоренского го постигна најголемиот успех во својата кариера, бидејќи досега имаше две сребра и една бронза од Светските првенства во 2020 и 2021 година, а забележа и три триумфи во Светскиот куп.
Наследникот на големиот имењак Тингнес Бо, кој го освои златото во оваа дисциплина во Пекинг пред четири години, ја заврши „трката во кариерата“ без промашување (20 од 20 во целта), добар беше на скиите и не им даде никаква шанса на своите ривали да го загрозат во последниот круг.
Дале-Шјевдал триумфираше пред сонародникот Стурла Холм Лагрејд, кој со освојувањето на среброто дојде до петтиот медал во пет трки на овие Олимписки игри. Тој Игрите и заврши со три сребра и две бронзи. Лагрејд заостануваше 10,5 секунди, со едно промашување.
Со брилијантен финиш, во кој „прелета“ покрај Германецот Филип Хорн, легендарниот Французин Контан Фијон Маје го освои бронзениот медал, својот трет медал, по две злата. Неговото заостанување беше 25,6 секунди, но со четири промашувања на стрелиштето.
Foto/ EPA
Спорт
(Видео) Тежок пад на малдиот Новозеланѓанец во квалификациите во халфпајп
Репрезентативецот на Нов Зеланд, Финли Мелвил Ивс, главен фаворит во дисциплината скијање во слободен стил, беше изнесен од снегот на носилка во петокот по тежок пад за време на неговиот втор настап во квалификациите на ЗОИ во Милано и Кортина.
Младиот, 19-годишен Ивс, светски шампион во 2025 година, веднаш доби лекарска помош, откако го промаши слетувањето, силно удри на земјата и остана без скиите и стаповите.
Натпреварот беше прекинат неколку минути, пред спортистот да биде изнесен од патеката.
Please pray for Finley Melville Ives 🙏 pic.twitter.com/KjctijLYpa
— Denzel Updates Sports (@DenzelEmpire1) February 20, 2026
Претходниот ден, Канаѓанката, Кејси Шарп исто така доби медицинска помош по спектакуларниот пад за време на квалификациите за жени.
Двократната олимписка шампионска сега е во стабилна состојба, објави Канадската скијачка асоцијација.
Foto/ X
Спорт
Воркапиќ го засили Вардар 1961
Вукашин Воркапиќ, репрезентаивец на Србија, потпиша договор на две и пол години со Вардар 1961.
Договорот беше Воркапиќ да се пресели во Скопје на крајот од сезоната, но финансиските тешкотии со кои се соочува Војводина ја забрзаа реализацијата на трансферот.
Тој ќе дебитира во дресот на македонскиот шампион, ви кендов, во дербито против Алкалоид.
Воркапиќ е роден во Белград и има 28 години. Игра на позицијата десно крило и поголемиот дел од кариерата го помина во Војводина, за која играше во Челинџер купот и Лигата на Европа.
Покрај Војводина, го носеше дресот на Металопластика од Шабац и француски Иври.
Foto/ facebook.com/rkvardar

