Српскиот фудбалер Немања Матиќ му одговори на Андреа Онана, голманот на Манчестер јунајтед, кој пред првиот натпревар од четвртфиналето на Лига Европа против Олимпик од Лион најави доминација на „црвените ѓаволи“.

При најавата за натпреварот, Онана самоуверено изјави дека Јунајтед е подобриот тим.

„Треба само да одиме таму и да покажеме кои сме. Мислам дека сме подобри од нив“, изјави голманот пред заминувањето за Лион.

Немања Матиќ, кој играше за Манчестер јунајтед од 2017 до 2022 година, остро му одговори на Камерунецот.

Треба да имаш самодоверба за да кажеш нешто такво“, рече Матиќ низ насмевка, а потоа додаде:

„Онана го кажа тоа? Кога си еден од најлошите голмани во модерната историја на Манчестер јунајтед, мора да внимаваш што зборуваш“.

Српскиот играч за врска не застана тука.

„Да го кажеа тоа Давид Де Хеа, Петер Шмајхел или Едвин ван дер Сар, можеби ќе се запрашав. Но, кога ќе дојде од некој со статистика како онаа на Онана… не би му придавал преголема важност“, вели Матиќ.

Четвртфиналниот натпревар од Лига Европа меѓу Лион и Манчестер јунајтед се игра во четврток од 21 часот.

Новак Ѓоковиќ го заврши учеството на Мастерсот во Монте Карло со пораз во првото коло од Чилеанецот Алехандро Табило.

Табило по речиси час и половина игра го победи Ѓоковиќ со 2-0 во сетови (6:3, 6:4).

Новак е третпат елиминиран во својот прв меч во Монте Карло во кариерата.

Ова е втора победа за Табил во исто толку натпревари против Ѓоковиќ, откако лани на Мастерсот во Рим го елиминираше со 2-0 во сетови.

Неговиот ривал во третото коло на турнирот ќе биде подобар од пресметката меѓу Димитров и Вашеро.

Players with a positive H2H vs. Djokovic on clay

• 🇪🇸 Rafael Nadal (20-9)
• 🇨🇱 Alejandro Tabilo (2-0)

Min 2 matches played pic.twitter.com/PxgRRxCbqC

— Mario Boccardi (@marioboc17) April 9, 2025

Карло Анчелоти нема да остане на клупата на Реал Мадрид. Оваа вест, ден по дебаклот во Лондон и поразот од 3:0 во дуелот со Арсенал, ја пренесоа бројни мадридски медиуми. Според овие извори само чудо може да го спаси Анчелоти, а тоа е да се освои или Лигата на шампионите или Ла Лига.

Ваквото сценарио е доста тешко во овој момент, бидејќи Арсенал победи со 3:0, а Барселона му бега на Реал на четири бода и го пречекува на 11 мај.

„Релево“, пишува дека Флорентино Перез веќе тргнал во нова офанзива по потписот на Чаби Алонсо.

Шпанецот ова лето беше прва желба на претседателот на Реал Мадрид, но тој реши да остане уште една сезона во Баер Леверкузен.

Сега ситуацијата е поинаква, се знае дека негов сон е клупата на Реал Мадрид и тешко дека повторно ќе може да му каже „Не“ на Флорентино Перез.

Да потсетиме, Реал Мадрид се уште може да го освои Купот на кралот, во финалето ќе игра против Барселона на 26 април, но овој трофеј не моѓе да ги задоволи клупските апетити.

Инаку, Анчелоти во вториот мандат освои две Лиги на шампиони, во 2022 и 2024 година, заедно со два трофеи во Ла Лига, Купот на кралот, СП за клубови и европскиот и шпанскиот Суперкуп.