Кошаркарите на Бостон Селтикс го победија Голден Стејт Вориорс на свој паркет со 119-114 во синоќешниот меч во НБА лигата. На овој меч имаше „револверашки дуел“ меѓу двајцата лидери во тимовите – Џејсон Тејтум и Стеф Кари.

Повеќе причини за славење имаше Тејтум кој со 44 поени донесе триумф за својот тим. Кари броеше со 47, недоволно за победа кај Бостон. Сепак, искусниот плеј промаши тројка на 18 секунди пред крај , по што Тејтум и кемба Вокер од слободни ја донесоа победата.

Вокер имаше учинок од 26 поени и 8 скока, а Маркус Смарт уфрли 16 поени.

Кај Вориорси освен Кари, се истакнаа и Вигинс со 22, односно Бејзмор со 16 поени.

Нова одлична партија на црногорскиот центар Никола Вучевиќ. Тој со 25 поени, 7 скока и 5 асистенции ги водеше Чикаго Булс до победа против Кливленд со 106-96.

Лари Марканен го следеше со 16, а Валентајн со 13 поени.

Кај Кавси по 22 поени имаа Секстон и Гарланд.

Јунак во победата од 127-115 на ЛА Лејкерс против Јута Џез беше Денис Шредер. Тој со кош на 3 секунди пред крајот обезбеди продолженија на кои екипата од Калифорнија потполно доминираше и дојде пресврт против моментно најдобриот тим во НБА лигата.

Освен 25-те поени на Шредер, кај Лејкерси Драмонд броеше до 27, а Кузма заврши на 13.

Кај Јута најдобар беше Џордан Кларксон со 27 поени.

Резултати:

ЛА Лејкерс – Јута 127-115
Чикаго – Кливленд 106-96
Вашингтон – Детроит 121-100
Бостон – Голден Стејт 119-114
Милвоки – Мемфис 115-128
Феникс – Сан Антонио 85-111

Популарниот Youtube борец, Џејк Пол синоќа победи во боксерски меч кој траеше помалку од 2 минути. Завршен беше мечот со првиот вистински погоден удар.

Пол го совлада Бен Аскрин кој по нокаутот се подигна и имаше намера да ја продолжи борбата, но судијата тоа не му го дозволи.

Youtube ѕвездата успеа да нокаутира легендарен ММА борец и да ја освои титулата апсолутен боксерски светски шампион.

Сега најверојатно ќе се очекуваат прозивки на адреса на Конор Мекгрегор.

Погледнете како изгледаше синоќешниот дуел:

BREAKING NEWS THAT WILL MOST DEFINITELY CHANGE YOUR LIFE: Jake Paul knocks out Ben Askren in the first round. pic.twitter.com/fbrDiMDOVN

— Def Noodles (@defnoodles) April 18, 2021

Барселона го освои Купот на Шпанија. Во 119.финале на Купот, на „Ла Картуха“ стадионот во Севилја, Барселона го декласира Атлетик Билбао со 4:0 и го освои 33. трофеј во ова натпреварување. Ова е прв трофеј за Роналд Куман на кормилото на Барселона. Атлетико Билбао, во интервал од две недели го загуби и второто финале во Купот.

Финалсниот меч од почетокот до крајот беше еднонасочна улица. Барселона го наметна својот стил, а Атлетик Билбабо се определи за ултра дефанзивна тактика. Се бранеа длабоко со сите играчи, оставајќи му противникот да напаѓа. Во еден дел од првото полувреме Барселона имаше повеќе од 80 осто од поседот на топка.

Барселона натпреварот го реши во периодот од 60 до 72.минута кога ги постигна головите. Серијата ја отвори Гризман, Де Јонг погоди во 63.минута, а серијата ја затвори Меси со два гола во 68. и 72.минута.

Атлетик Билбао во текот на целиот натпревар ниту еднаш не се заканија кон голот на Тер Штеген.