Спорт
ЛШ: Митревски и Порто елиминирани по драматичниот финиш во Данска
Данскиот Алборг и актуелниот шампион Кил се следните два четвртфиналисти од ЕХФ Лигата на шампионите откако бундеслигашот лесно пак го мина Пик Сегед, а Алборг во драматичен меч го елиминира Порто на македонскиот голман Никола Митревски откога стигнаа до 27:24 победа.
Бидејќи во првиот меч загубија со идентични три гола разлика (32:29), Алборг влезе меѓу осумте најдобри поради повеќе постигнати голови на гости.
Португалците имаа фантастичен почеток на мечот со 0:3 водство и со фантастичните одбрани на Митревски на голот, но Алборг се врати и по 14 минути игра, го презедоа водството со 6:5 за на полувремето да направат еден гол разлика (10:9). Алборг и во второто полувреме постојано го имаше водството, но само со гол или два гола разлика за првпат да стигнат до посакуваните +3, дури во 57. минута од мечот. Феликс Клар со шест гола беше најефикасен за Алборг, а за Порто, Виктор Итуриза исто така постигна шест гола.
WATCH: 1, 2, … #Mitrevski! ?
Brilliant start for the @FCPorto goalkeeper in this #MOTW against #AalborgHåndbold.#ehfcl #showtimeforMOTW pic.twitter.com/0FGKK82nJO— EHF Champions League (@ehfcl) April 7, 2021
Актуелниот шампион од ЛШ, германскиот Кил, пак, немаше вакви проблеми стигнувајќи до втора победа над Пик Сегед, овој пат со 33:28. Кил имаше +5 од првиот меч во Унгарија и не дозволи никакво изненадување правејќи три гола предност по првото полувреме (18:15).
Вчера, во четврт-финалето влезе и Барселона по новата победа над Елверум, како и Флензбург, откако ЕХФ дозволи да не се игра реваншот против ППД Загреб поради Ковид-19 во хрватскиот клуб.
ЕХФ ЛИГА НА ШАМПИОНИТЕ, ОСМИНА-ФИНАЛЕ, 2. МЕЧ
Алборг – Порто 27:24 (10:9), прв меч 29:32, вкупно 56:56, Алборг има повеќе постигнати голови на гости
Кил – Пик Сегед 33:28 (18:15), прв меч 33:28, вкупно 66:56
Барселона – Елверум 39:19, прв меч 37:25
Флензбург – ППД Загреб вториот меч нема да се игра, прв меч 36:30
Кјељце – Нант 07.04, прв меч 25:24
Пари Сен-Жермен – Целје 08.04, прв меч 37:24
Мешков Брест – Мотор Запорожје 08.04, прв меч 30:32
Веспрем – Вардар 08.04, прв меч 41:27
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед стави 11 играчи на трансфер листата
Манчестер Јунајтед игра уште една лоша. Поради тоа Сер Џим Ретклиф и останатите челници на „црвените ѓаволи“ донеле радикална одлука, во летниот преоден рок на продажба ќе биде половина од тимот.
Шестото место, 53 бодови и 24 бодови зад лидерот Арсенал по 33 одиграни натпревари сигурно никого не задоволува на „Олд Трафорд“.
Покрај тоа, клубот го загуби финалето на Лига купот и заврши на четвртото место во групата на Лигата на шампионите во конкуренција на Баерн, Копенхаген и Галатасарај.
Пред неколку дена Манчестер Јунајтед на „мускули“, по изведувањето пенали го елиминираше Ковентри во полуфиналето на ФА Купот. За трофејот ќе игра против Манчестер Сити на 25 мај на Вембли.
Поради тоа во клубот донеле радикална одлука. 11 играчи ќе бидат ставени на трансфер листата и ќе можат да го напуштат клубот во летниот преоден рок.
На списокот има Во него има неколку звучни имиња:
Арон Ван-Бисака
Виктор Линделоф
Хари Мегваер
Рафаел Варан
Касемиро
Кристијан Ериксен
Антони
Дони Ван де Бик
Џејдон Санчо
Ентони Марсијал
Маркус Рашфорд
Спорт
Судењето на Манчестер Сити ќе започне во „блиска иднина“
Првиот човек на Премиер лигата, Ричард Мастерс, изјави дека „во блиска иднина ќе се одржи рочиште за случајот со Манчестер Сити по сите 115 точки“.
Бен Рамсби, истражувачки новинар на англиски Телеграф, ја објави веста на својот профил на мрежата „Х“.
Со коментар дека „ова е најблиску до кое Мастерс дошол да спомне конкретен датум“.
Некои информации кои се појавија во јавноста на крајот на минатата година укажуваа дека судењето би можело да започне есента 2024 година.
Сити е обвинет по 115 точки од обвинението за повеќекратни финансиски прекршоци. Истрагата започна уште во 2018 година и продолжи до почетокот на 2023 година, а беа проверени и одлуките и работењето на клубот од сезоната 2009/10.
Што значи тоа „во блиска иднина“ останува да видиме. Судењето веќе е одложено поради откривање на нови докази и сведоци подготвени да сведочат.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.