Реал Мадрид нагости кај градскиот ривал Хетафе одигра 0-0 во рамки на редовно коло од Ла Лига.

„Кралевите“ без Бензема, Крос и Рамос во првата постава беа надиграни од Хетафе. Домашните упатија 6 удари во рамките на голот на Куртоа, додека избраниците на Зидан само двапати гаѓаа меѓу стативите.

Со вечерашното реми Реал заостанува 3 бода зад лидерот Атлетико на 7 кола до крајот на превенството.

Засега Барселона е трета со 65 бода, но и меч повеќе за играње од ривалите.

Леванте понижен на свој терен од Вилјареал, 1-5. Македонскиот репрезентативец Енис Барди ги одигра сите 90 минути за тимот од Валенсија.

Домаќините си постигнаа два автогола, преку Постиго во 9 минута, и Везо во 72 минута. Останатите три погодоци за „жолтата подморница“ беа дело на Морено и на двапати Чиквиезе.

Единствениот погодок за домашниот тим беше дело на Малса во 21 минута, тогаш за 1-2.

Вилјареал останува петти на табелата со 49 бода, додека Леванте по 31 одигран меч во Ла Лига има 38 поени, доволно за деветтата позиција.

Лидерот на табелата во Серија А, милански Интер одигра само 1-1 на „Диего Армандо Марадона“ во Неапол. Домашниот Наполи по цели 12 кола успеа да му откине бод на тимот од Милано.

Иако во првото полувреме иницијативата беше на страна на домашниот тим, гостите предводени од тандемот Лаутаро – Лукаку беа поконкретни.

Сепак, Наполи е тимот кој на полувреме отиде со предност од 1-0.

Се играше 36 минута, Инсиње нафрли топка од левата страна, Хандановиќ ја имаше в раце, но на него налета невнимателниот Де Фрај, па топката заврши во мрежата.

Во второто полувреме повторно Наполи ја имаше иницијативата, но Интер беше поконкретен.

По една мешаница во шеснаесетникот на Мерет, на околу 16 метри Ериксен собра еден отпадок и со прецизен удар лево долу израмни на 1-1.

До крајот двете екипи играа отворен фудбал, Политано ја погоди пречката на Хандановиќ, но мрежите мируваа.

Македонскиот фудбалски репрезентативец Елиф Елмас мечот го следеше од клупата за резерви се до 88 минута, тогаш влезе во игра на местото на Зиелински.

Последен пат меч без триумф „Нероазурите“ одиграа на 23 јануари годинава, 0-0 нагости кај Удинезе.

Интер останува лидер на табелата со 75 бода, 9 повеќе од градскиот ривал Милан на 7 кола до крајот на првенството.
Наполи, пак, останува петтопласиран со 60 бода.

По полуфинални 90 минути на легендарниот „Вембли“ избраниците на Брендан Роџерс се изборија за финале во англискиот ФА куп.

Вечерва „лисиците“ со 1-0 го совладаа тимот на Саутемптон и на тој начин им се отвори можноста за освојување на трофеј сезонава.

Статистиката на мечот вели дека само еден удар одел во рамките на двата гола, а тоа е оној на Келечи Ихеаначо во 55 минута кога се затресе мрежата на голманот Фостер.

Противник на Лестер во финалето ќе е тимот на Томас Тухел – Челси кој вчера беше подобар од Манчестер Сити.

Погледнете ги дел возбудувања кои можеа да се видат на овој тактички меч: