Спорт
Лукаку им објасни на навивачите на Интер зошто не можел да го одбие Челси
Ромелу Лукаку им се заблагодари на навивачите на Интер и во исто време се обиде да им објасни зошто не можел да ја одбие понудата од 115 милиони евра од неговиот поранешен клуб, Челси.
Лукаку дојде од Манчестер јунајтед за 74 милиони фунти во 2019 година, по што ја врати својата репутација на еден од најдобрите европски напаѓачи со „нераѕурите“, освојувајќи ја титулата од Серија А по 11 години пауза. Но, тој реши да не го исполни својот договор до 2024 по богатата понуда од Челси, каде што играше од 2011 до 2014 година.
„Драги фанови на Интер, ви благодарам. Ви благодарам што ме сакавте како еден од вашите. Ви благодарам што направивте јас и моето семејство се чувствувавме како дома во Милано. Ви благодарам за безрезервната поддршка која ја добивав секојдневно, што ме мотивиравте уште повеќе по првата сезона. Кога дојдов во Интер, веднаш знаев дека можам да помогнам на клубот. Пречекот на аеродромот Малпенса беше само почеток на прекрасната приказна и ветив дека никогаш нема да ве разочарам кога го носам дресот на Интер. дадов 100 отсто на секој тренинг, на секој натпревар за да ве направам горди. Првата сезона беше најтешка, но вие ми дадовте сила да продолжиме и затоа станавме шампиони заедно. Се надевам дека ќе ја разберете мојата одлука да отидам во Челси. Тоа е шанса која се добива еднаш во животот за мене и во ова време од мојата кариера нешто за што сонував. Секогаш ќе останам интериста, бидејќи без вас немаше да бидам човекот и фудбалерот кој сум. Ви благодарам од дното на срцето. Ромелу“, напиша Белгиецот.
— R.Lukaku Bolingoli9 (@RomeluLukaku9) August 15, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.