Спорт
Лукаку: Не сум задоволен од ситуацијата во Челси, еден ден ќе се вратам во Интер
Ромелу Лукаку не е среќен во Челси под системот на Томас Тухел и чувствува носталгија кон претходниот клуб Интер, открива Белгиецот во неверојатно интервју за „Скај спортс“.
„Физички сум добар. Но, не сум среќен со ситуацијата во Челси. Тухел реши да игра со поинаков систем. Нема да се предадам, ќе бидам професионалец. Не сум среќен со ситуацијата, но сум професионалец и не можам да се предадам сега“, вели Лукаку.
28-годишниот Белгиец го постигна единствениот гол при 1:1 ремито со Брајтон во средата, што беше негов петти гол во 13 настапи оваа сезона откако се врати на „Стемфорд Бриџ“ за рекордни за клубот 97,5 милиони фунти од Интер, каде што во две сезони имаше 47 гола во 72 меча.
Тој признава дека чувствува носталгија за Интер и верува дека еден ден ќе се врати кај „неаѕурите“.
„Се надевам од дното на срцето дека ќе се вратам во Интер не на крајот на кариерата, туку кога уште ќе сум на врвно ниво за да освоиме уште нешто заедно. Сакам да им се извинам на навивачите на Интер бидејќи не ги избрав зборовите добро – тоа што го направивте за мене, ќе остане засекогаш“, вели Лукаку.
Лукаку претходно беше играч на Челси од 2011 до 2014, но имаше само 10 настапи, по што беше позајмен на Вест Бромвич Албион и Евертон. Тој исто така играше и за Манчестер јунајтед и неговите 118 гола во Премиер лигата го прават 20. на вечната листа и трет меѓу активните фудбалери зад Хери Кејн (170) и Џејми Варди (127).
Romelu Lukaku to @SkySport: “Physically I am fine. But I’m NOT happy with the situation at Chelsea. Tuchel has chosen to play with another system – I won’t give up, I’ll be professional. I am not happy with the situation but I am professional – and I can’t give up now”. ? #CFC pic.twitter.com/KGNoJ10cwp
— Fabrizio Romano (@FabrizioRomano) December 30, 2021
Lukaku to @SkySport: “I really hope from bottom of my heart to return to Inter not at the end of my career, but when I’m still at top level to win more together”. ? #CFC
“I want apologize to the Inter fan, timing of my words was wrong: what you did for me will remain forever”. pic.twitter.com/4Oz6ztuWMx
— Fabrizio Romano (@FabrizioRomano) December 30, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Познати се сите учесници во Лигата на шампионите – Ждрепката е во четврток

По последните квалификациски натпревари, познати се сите учесници на 71-то издание на Лигата на шампионите. Наградниот фонд за Лигата на шампионите оваа сезона е 3,317 милијарди евра.
Следната сезона 2025/26 ќе биде втора по ред во новиот формат со 36 екипи, при што секој од нив ќе игра најмалку осум натпревари.
Сите екипи ќе бидат поделени во четири шешири од по девет екипи, а ждрепката ќе се одржи во четврток во 18:00 часот во Монте Карло.
Прв шешир: Пари Сен Жермен, Реал Мадрид, Манчестер сити, Баерн Минхен, Ливерпул, Интер, Челзи, Борусија Дортмунд, Барселона
Втор шешир: Арсенал, Баер Леверкузен, Атлетико Мадрид, Бенфика, Аталанта, Виљареал, Јувентус, Ајнтрахт, Клуб Бриж
Трет шешир: Тотенхем, ПСВ, Ајакс, Наполи, Спортинг Лисабон, Олимпијакос, Славија Прага, Боде/Глимт, Олимпик Марсеј
Четврти шешир: Копенхаген, Монако, Галатасарај, Унион Сен Жилоа, Карабаг, Атлетик Билбао, Њукасл, Пафос, Каират
Првото коло ќе се одигра на 16 и 17 септември, додека финалето е закажано за 30 мај во Будимпешта.
Спорт
(Видео) Клуб од Четвртата лига го елиминира Манчестер јунајтед од Лига купот

Членот на Лига 2 (четврти ранг на англискиот фудбал) Гримзби го елиминира Манчестер јунајтед во второто коло, во Лига купот. Гримзби, клуб основан пред 147 години, победи на пенали со 12:11. Натпреварот во регуларното време заврши 2:2 (2:0).
Дека на „Бландел Парк“ може да се случи една од најголемите сензации во историјата на англискиот фудбал, можеше да се насети во првото полувреме, кое Јунајтед од апсолутниот аутсајдер го загуби со 2:0.
Првиот гол го постигна Вернам во 22-та минута, а Ворен го дуплираше водството на Гримзби по половина час игра.
Манчестер јунајтед се врати во живот во последните 15 минути, со головите на Брајан Ембумо во 75-та и Хари Магваер во 89-та минута.
Бидејќи немаше победник во 90 минути се шутираа пенали. Таму се случуваше вистинска драма, се шутираа 13 серии, а трагичари беа играчите за кои Јунајтед летово издвои речиси 150 милиони евра.
Матеус Куња не успе да ја заврши работата во петтата серија кога резултатот беше 4:4, а Ембумо ја погоди гредата во 13 серија.
Фото/ Принтскрин
Спорт
(Видео) Бенфика го испрати Мурињо во Лига Европа, Бриж ги растури Глазгов Ренџерс

Бенфика, Клуб Бриж и Копенхаген ја комплетираа листата на учесници во главнаѕа фаза, во Лигата на шампионите.
Во најпривлечнит натпревар, Бенфика со 1:0 го победи Фенербахче. Жозе Мурињо и втора сезона по ред не успева со Фенер да дојде до Лигата на шампионите. По 0:0 во Истанбул, Бенфика подобро влезе во реваншот, ВАР им поништи два гола, а во 35.минута Актуркоглу го постигна единствениот гол.
Најдобрата шанса за Фенер ја имаше Ен Несири во вториот дел кога ја погоди гредата.
Копенхаген со 2:0 забележа победа над Базел и со вкпни 3:1 се пласира во ЛШ. Двата гола беа постигнати во вториот дел. Корнелиус погоди веднаш на стартото од второто полувреме, а во 84.минута точка на мечот стави Мукоко.
Клуб Бриж со 6:0 го декласира Глазгов Рензерс и со вкупни 9:1 го мина плеј-офот. Гостите од осмата минута играа со играч помалку. Аронс доби црвен картон. Бриж во првиот дел постигна пет гола и уште еден во вториот.
Foto/ EPA/RODRIGO ANTUNES