Манчестер сити успеа да стигне до славна победа на гости кај Реал Мадрид од 2:1, и Кевин де Брујне, човекот кој имаше асистенција и го постигна победничкиот гол од пенал, вели дека и покрај тоа што соработува со тренерот Пеп Гвардиола толку години, вечерва бил изненаден.

„Се мачевме во првите 15 минути, но морате да го изддржите тоа. Првото полувреме беше израмнето, а на почетокот на второто игравме навистина добро, кога дојде нивниот гол. Но, одговорот беше брилијантен, а голот на Габриел Жесус прекрасен. Во четири години со Пеп, тој уште знае да не изненади. Понекогаш не ни кажува до стартот на мечот што сака да направиме. Но, ова е само половина завршена работа. Сега мораме да се подготвиме за неделното финале во Карабао купот против Вила“, изјави Де Брујне.

Гвардиола во изјава за шпанските медиуми по мечот предупреди дека ништо не е готово.

„На ’Бернабеу’ морате да страдате. Примивме гол кога игравме подобро, а дадовме голови кога тие беа подобри, но така е во ова натпреварување. Но, ако некој тим знае како да ја сврти работата во Лигата на шампионите тоа е Реал Мадрид“, вели Гвардиола.

Гвардиола е тренерот кој го победил Реал Мадрид најмногу во 21. век, дури 10 пати, поминувајќи ги Ернесто Валверде и Диего Симеоне, кои имаат по 9 победи над „кралевите“. Покрај тоа, Гвардиола има неверојатен скор на „Бернабеу“ – во 9 мечеви има шест победи, 2 ремија и само еден пораз.

Пеп и Сити го освоија „Сантијаго Бернабеу“, Јувентус загуби во Лион (видео)

Јувентус доживеа разочарувачки 1:0 пораз од Лион во првиот меч од осминафиналето од Лигата на шампионите, во кој имаа разочарувачка игра и според официјалната статистика не упатија ниту еден удар во рамките на голот во 15 обиди.

Леонардо Бонучи, кој уште пред стартот на мечот ја покажа нервозата со расправијата со Блез Матуиди вели дека морале да играат подобро.

Quindi #Bonucci cazzia pubblicamente #matuidi?#OLJuve #OLJUV pic.twitter.com/ES2g8qJarV

— FabioRussello 🖤💙 (@FabioRussello) February 26, 2020

„Првото полувреме беше многу лошо и наопаку. Бевме втори до секоја топка, а во некои мечеви плаќаш за најмалата грешка. Не бевме доволно агресивни и тоа е проблем со менталитетот, требаше да се разбудиме порано. Не го карав Матуиди, туку му кажав дека тимот ги вклучува и тие кои се на клупата и дека треба да е подготвен да се активира“, објасни Бонучи по мечот.

Голот на Лион падна во период кога Јувентус беа на теренот со 10 играчи поради санирањето на повредата на главата на Матијс де Лихт и Бонучи беше незадоволен.

„Не ’удрија’ кога бевме со 10 играчи, тоа беше малиот момент во кој тие беа умни и тргнаа по гол. Сега мораме да се соземеме и мораме да се бориме за квалификација во вториот меч“, изјави Бонучи.

Пеп и Сити го освоија „Сантијаго Бернабеу“, Јувентус загуби во Лион (видео)

Манчестер сити успеа да стигне до фантастична 2:1 победа во дуелот на „титаните“ на „Сантијаго Бернабеу“ против Реал Мадрид, благодарение на неверојатната Кевин де Брујне, кој имаше гол и фантастична асистанција, за тимот на Пеп Гвардиола да остане фаворит за трофејот од ЛШ кај букмејкерите, додека Јувентус на Маурицио Сари ќе мора да се потруди на домашниот меч против Лион, откако си замина од Франција со 1:0 негатива.

Реал Мадрид немаше најдобро прво полувреме, во кое упати само три удари на голот, најмалку на „Бернабеу“ од ноември 2013 година, додека Сити покрај тоа што успеаја да ги минимизираат шансите на противникот, имаа и неколку добри шанси.

Откако Ријад Марез пропушти две шанси на почетокот на второто полувреме стигна казната во 60-тата минута од мечот, кога по грешката на Илкај Гундоган, Жуниор Винисиус и Иско имаа одлично проигрување и Иско успеа да го совлада Едерсон.

Меѓутоа, финишот дефинитивно им припадна на англиските шампиони. Во 78. минута, Кевин де Брујне имаше фантастично „влетување“ во шестнаесетникот на Реал, и со одлична асистенција го пронајде Габриел Жесус за 1:1. Во 83. минута, Рахим Стерлинг, кој беше замена на Пеп Гвардиола, беше соборен во шестнаесетникот од Карвахал, а од пенал својот 50. гол за Сити го постигна Де Брујне.

Нервозата раснеше кај домашниот тим, за капитенот Серхио Рамос во 88. минута да добие црвен картон за повлекувањето на Жесус, со што нема да биде достапен за реваншот на „Етихад“, каде што „кралевите“ ќе мораат да направат нешто посебно.

Домашна задача ќе има и Јувентус, откако на „Групама“ во Лион не успеа да се опорави од голот кој го прими во првото полувреме и во Торино ги очекува негатива од 0:1, бидејќи во второто полувреме им беше поништен гол, а имаше и неколку повици за пенал, иако на крајот статистиката вели дека не упатија ниту еден удар на гол!

По спориот старт, Лион ја презеде иницијативата и дојде во водство преку Тусар, кој одлично реагираше и го совлада Шчесни, а набргу имаа уште една шанса за удвојување на водството преку Екамби. „Бјанконерите“ во второто полувреме ја презедоа контролата, доминирајќи со топката, но во 88. минута голот на Пауло Дибала беше поништен поради офсајд, а двапати се бараше и пенал, по паѓањето на Роналдо.