Барселона ја доби битката со Баерн Минхен околу потписот на талентираниот десен бек на Ајакс Сержињо Дест. Челниците на барселона ги искористиле врските кои со клубот ги има актуелниот спортски директор на Ајакс Марк Овермарс за го договорат трансферот.

Барселона за услугите на младиот репрезентативец на САД ќе плати фиксни 20.000.000 евра, а преку бонусите во касата на Ајакс ќе се слеат уште 5.000.000 евра.

Според медиумите Дест ја одбрал Барселона бидејќи таму сигурно ќе биде во стартниот тим, додека во Баерн за конкуренти на позицијата десен бек би ги имал Бенжаман Павар и Џошуа Кимих.

Дест доаѓа на „Ноу Камп“ на местото на Рубен Семедо кој за 38.000.000 евра се пресели во Вулверхемптон.

Били Донован е новиот тренер на НБА франшизата Чикаго Булс. Донован пред три недели доби отказ во Оклахома Тандер откако не успеа да ја мине првата рунда во плејофот на Западот. Тандер во седум натпревари испаднаа од Хјустон.

Донован ја прифатил понудата од Чикаго поради визијата што ја има франшизата и поради големиот број на млади кошаркари кои го носат дресот на Булс.

Инаку, Оклахома под водство на Донован пет сезони по ред играше во плејофот. Во првата сезона кога во тимот беа Кевин Дурент и расел Вестбрук Тандер играа во финалето на Западот.

На клупата на Оклахома тренерот забележал 243 победи и 157 порази.

Фудбалската репрезентација на Холандија доби нов селектор. „Лалињата“ во иднина ќе ги предводи поранешниот фудбалер на Ајакс и Барселона, Франк де Бур.

Франк де Бур (50) на функцијата доаѓа на местото на Роналд Куман кој пред нешто повеќе од еден месец стана тренер на Барселона. 50 годишникот тренерската кариера ја започна во Ајакс, а работел и во Интер, Кристал Палас и Аталанта јунајтед.

Има искуство во националниот тим како помошник на Берт ван Марвјик.

Де Бур на функцијата ќе дебитира на 7 октомври на пријателскиот меч против Мексико, додека на официјален меч прв пат ќе ја предводи Холандија на 11 октомври против Босна и Херцеговина.