Спорт
Манaсков и Веспрем ја покажаа „силата“ во Нант кај Лазаров

Новокрунисаниот шампион од СЕХА лигата, унгарскиот Веспрем покажа дека ќе биде сериозен кандидат за титулата во ЕХФ Лигата на шампионите, откако лесно со 28:24 славеше на гости кај Нант на Кирил Лазаров.
Унгарскиот клуб направи минимална предност од 11:10 по првите 30 минути, по што успеа да ја зголеми предноста во второто полувреме за на крајот да стигне до убедлив триумф. Македонскиот репрезентативец Дејан Манасков беше најефикасен кај Веспрем со 5 гола, колку што имаше и Андреас Нилсон, а и кај Нант најефикасен беше македонски репрезентивец, вечниот Кирил Лазаров со 5 гола, колку што имаше и Адријан Фигуераш.
Многу понеизвесно беше во Германија, каде што Флензбург со 31:30 го победи Кјелце во групата А, каде што е и Вардар.
ЕХФ ЛИГА НА ШАМПИОНИ, 1.КОЛО
ГРУПА А
Флензбург – Кјелце 31:30 (14:14)
ГРУПА Б
Нант – Веспрем 24:28 (10:11)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сензационалниот победник во Шангај „скокна“ 164 места на АТП листата

Сензационалниот победник на Мастерсот во Шангај, Валентин Вашеро, забележа огромен скок на АТП листата, на која првото место и понатаму го држи Карлос Алкараз.
Вашеро играше квалификации во Шангај, на крајот си замина со трофејот во рацете и 1.000 поени.
Тенисерот од Монако, турнирот го започна како 204-ти во светот, а по завршувањето на Мастерсот се наоѓа на 40-то место.
Шпанецот Карлос Алкараз ја држи првата позиција со 11.340 поени, Италијанецот Јаник Синер е сè уште втор играч во светот со 10.000 поени, додека Александар Зверев е трет, а Тејлор Фриц е четврти. Петтата позиција ја задржа Новак Ѓоковиќ.
Шестиот тенисер на планетата е Бен Шелтон, по него следуваат Алекс Де Минор, Лоренцо Мусети, Џек Дрејпер и Карен Хачанов.
Спорт
(Видео) Бисума се врати по повредата, па по 15 секунди повторно се повреди

Ив Бисума, репрезентативец на Мали, се повреди на квалификацискиот натпревар за Светското првенство во кој неговата репрезентација го победи Мадагаскар со 4:1.
Бисума против Мадагаскар го одигра првиот натпревар од почетокот на сезоната, бидејќи долго отсуствуваше поради повреда на коленото. Во првиот натпревар во сезоната Бисума на теренот мина 15-20 секунди.
При резултатот од 3:0 за Мали, Бисума веднаш стигна до топката и токму кога се спремаше да поведе контранапад, следеше стартот на противникот, по што Бисума мораше да биде изнесен од теренот.
Засега нема проценки колку ќе паузира.
Бисума има договор со Тотенхем до крајот на сезоната, како што сега стојат работите тој ќе го напушти клубот.
Bissouma was stretchered off for Mali just seconds into his first appearance of the season, and was visibly distressed.
Get well soon, Biss 🤍❤️🩹 pic.twitter.com/oydQtSnB5C
— Spurs Insider (@SpursInsider183) October 12, 2025
Спорт
Само победа е опција – Македонија вечерва против Казахстан

Фудбалската репрезентација на Македонија вечерва во седмото коло, во квалификациите за пласман на Светското првенство ќе го пречека Казахстан. Натпреварот на Националната арена „Тодор Проески“ ќе започне во 20.45 часот.
Само победа и опција во дуелот со Казахстан за избраниците на Благоја Милевски. Победа ќе го доближат националниот тим до Мундијалот во САД, Мексико и Канада.
Јасно е дека по оваа рунда, многу работи ќе бидат јасни во Ј групата. Во истиот термин во Кардиф, Велс ќе ја пречека Белгија.
„Ќе биде многу тешко. Казахстан на првиот меч во Астана покажа дека има квалитет. Сега има и нов селектор и нова филозофија, но ние сме подготвени“, изјави селекторот Милевски пред вечерашниот дуел.
Првиот натпревар одигран на 9.јуни, заврши с минимална победа на Македонија. Единствениот гол во Астана го постигна Александар Трајковски.
табела, Ј група:
Foto/ ffm.mk