Манчестер Сити активно ја следи ситуацијата околу Трент Александер-Арнолд (ТАА), чија иднина во Реал Мадрид станува сè понеизвесна откако англискиот репрезентативец не успеа да импресионира по трансферот од Ливерпул минатото лето.

Иако изворите од Шпанија велат дека Александер-Арнолд е решен да се бори за своето место, наводно постои растечка фрустрација зад кулисите, од начинот на кој се одвива неговата прва сезона во Шпанија.

Откако пристигна, 27-годишникот започна само пет натпревари во Ла Лига, а шпекулациите околу неговата иднина привлекуваат интерес од други клубови, пишува „TEAMtalk“.

Се шпекулира, дека менаџерите на ТАА, веќе воделе разговори со Манчестер Сити, кои бараат нов десен бек пред летниот преоден рок. Иако сè уште не е направен официјален пристап, вицешампионот од Премиер лигата внимателно ја проценува ситуацијата.

Минатото лето, ТАА потпиша петгодишен договор со Реал Мадрид кој го обврзува до 2029 година. Затоа, секој трансфер би барал значителна компензација. Реал Мадрид не е под притисок да го продаде, но незадоволството на играчот би можело да отвори врата за преговори ако пристигне вистинската понуда.

Новиот спортски директор на Сити, Уго Вијана, веќе покажа дека не се плаши од големи зделки по јануарските аквизиции на Марко Гуеи и Антоан Семењо, што најавува и смел пристап во следниот преоден рок.

Само неколку клубови можат да си дозволат да го доведат ТАА од Мадрид, а Манчестер Сити е сигурно меѓу нив. Неговото доаѓање би било значаен поттик, со оглед на тоа што додека играше за ривалот Ливерпул, тој се сметаше за еден од најдобрите дефанзивци во Европа, каде што освои осум големи трофеи.

Во 354 настапи за „Црвените“, тој забележа 23 гола и 92 асистенции.

Foto/ depositphotos

Вест Хем и Фламенго постигнале договор за трансферот на Лукас Пакета, објави бразилската филијала на ESPN. Според овој извор трансферот изнесува 41.000.000 милиони евра.

За да биде реализиран трансферот на Пакета, клубовите треба да ја договорат динамиката на плаќање.

Вест Хем бара целата сума да биде исплатена во рок од 12 месеци.

28-годишниот офанзивен играч од средниот ред има договор со Вест Хем до летото 2027 година, а „Трансфермаркт“ го проценува на 35 милиони евра.

Пакета пристигна во лондонскиот клуб од Лион во 2022 година за 43 милиони евра и стана важен играч за клубот и бразилската репрезентација.

Foto/ depositphotos

Поранешниот тимски шеф на Ред Бул, Кристијан Хорнер, е еден од инвеститорите кои сакаат да купат удел во Алпин, потврди францускиот тим.

Хорнер беше отпуштен од Ред Бул минатото лето, по изненадувачкиот пад на формата на тимот, и речиси две годишните конфликти во тимот. Алпин објави соопштение во кое се наведува дека група инвеститори предводени од Хорнер е меѓу заинтересираните страни со кои се разговара за потенцијални инвестиции.

Исто така, се наведува дека не е тајна дека малцинскиот сопственик „Отро Капитал“, кој купи 24 проценти од акциите во Алпин за 200 милиони евра во 2023 година, веќе водел прелиминарни преговори во врска со продажбата на својот удел.

Во времето кога „Отро Капитал“ купи удел во Алпин, тимот беше проценет на околу 700 милиони фунти.

Оттогаш, светските шампиони Мекларен се проценети на 3,5 милијарди фунти, а Мерцедес на 4,6 милијарди фунти, по некои промени во сопственичките структури.

Хорнер, кој го предводеше Ред Бул до осум титули кај возачите и шест титули кај конструкторите за 20 години на чело, не се огласи откако беше отпуштен. Сепак, тој им стави до знаење на одредени инсајдери во Формула 1 дека ако се врати во шампионатот, сака целосна контрола врз тимот, или како тимски шеф или како еден од сопствениците.

Доколку купи дел од Алпин, тоа нема да ги исполни тие услови, освен ако Рено не се откаже од поголемиот дел.

На отказот што го доби во јули му претходеа две турбулентни години во кои колешка го отпушти поради сексуално вознемирување, а сè се совпадна со пад на формата. Хорнер ги негираше обвинувањата, а по две внатрешни истраги, тие се покажаа како неосновани.

По неговото заминување, Ред Бул успеа да се стабилизира, а Макс Ферстапен се врати во трката за титулата, која на крајот му ја одзеде Ландо Норис за два бода.

Алпин, патем, ја заврши минатата сезона на последното место меѓу конструкторите.

Овогодинешното првенство во Формула 1 започнува со Големата награда на Австралија од 6 до 8 март.

Foto/ depositphotos