Спорт
Марка: ПСЖ не го исполни она што му го вети на Мбапе
Неисполнетите ветувања на првиот човек на ПСЖ се главната причина поради која Килијан Мбапе решил да го напушти клубот, пишува шпанскиот спортски весник „Марка“.
„Клупските челници не го направија она што го ветија кога го обновија договорот со Мбапе, кој стана најплатениот фудбалер во светот. Првото ветување беше дека Мбапе ќе стане неприкосновен спортски лидер на проектот, а тоа требаше да го имплицира заминувањето на Нејмар од ПСЖ“, пишува весникот.
„Марка“, потсетува дека Мбапе во мај го продолжил договорот со парижаните, а за да остане во францускиот клуб биле мобилизирани сите национални ресурси, вклучувајќи го и претседателот на Франција, Емануел Макрон.
„Продолжувањето на договорот со Мбапе беше гордост за целата земја. Мбапе беше консултиран при изборот на Луис Кампос за спортски директор, челниците на клубот побараа од него одобрение да го назначат тренерот Кристоф Галтие, а пред се го уверија дека Нејмар, неговиот голем ривал, нема долго да остане во клуб и покрај тоа што има договор до 2026 година“.
Раководството на ПСЖ не можеше да се ослободи од Нејмар и покрај тоа што во текот на летото го нудеше на клубови ширум Европа, но пречка беше високата плата од 30 милиони евра.
Мбапе пристигна во ПСЖ во јули 2017 година од Монако, првично на позајмица, а следната сезона парискиот клуб го откупи неговиот договор за вкупно 180 милиони евра.
Во мај оваа година тој го продолжи договорот до 2024 година, иако се чинеше дека кариерата ќе ја продолжи во Реал Мадрид. Досега има 229 настапи во дресот на ПСЖ и постигна 182 гола, што го прави втор стрелец во историјата на клубот. Пред него е Уругваецот Единсон Кавани со 200 гола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Палмер најдобар млад играч во Премиер лигата
Фудбалерот на Челзи Кол Палмер е најдобриот млад играч во Премиер лигата оваа сезона.
Палмер, кој летово пристигна во Челси од Манчестер сити, постигна 22 гола на 33 натпревари и забележа десет асистенции.
Тој е водечка сила на сините оваа сезона, а на последните три натпревари постигна по два гола.
Тој победи во конкуренција на Александер Исак (Њукасл), Коби Мајно (Манчестер јунајтед), Букајо Сака и Вилијам Салиба (Арсенал) и Дестини Удоги (Тотенхем).
Траката за Златната копачка во Премиер лигата, Палмер ќе ја заврши на второто место зад Ерлинг Халанд од Манчестер сити, кој постигна 27 гола.
И не само тоа, 22-годишниот Палмер е номиниран и за најомилен играч на гласањето на навивачите во Премиер лигата.
Офанзивниот играч за врска на Челзи неодамна беше прогласен и за играч на месец април во Премиер лигата, откако постигна седум гола на четири натпревари.
Треба да се додаде дека тој со огромно мнозинство ја освои наградата за најдобар играч на Челзи оваа сезона.
Спорт
Салфетката на која Меси потпиша за Барселона продадена за 760.000 фунти
Салфетата на која Лионел Меси ја потпиша согласноста дека ќе и се приклучи на Барселона во 2000 година е продадена за 760.000 фунти (околу 888.000 евра), објави во петокот британската аукциска куќа Бонамс.
Бонамс првично очекуваше продажната цена да биде во опсег од 300.000 фунти до 500.000 фунти. Онлајн аукцијата траеше од 8 до 17 мај.
„Салфетката ја промени судбината и на клубот и на Меси, кој стана еден од најголемите играчи на сите времиња“, објави Бонамс.
Овој фудбалски сувенири бил внимателно чуван во сеф од Хорасио Гаџиоли, тогашниот менаџер на Меси. На салфетката не е само потписот на Меси, туку и потписите на Карлес Рексач, тогашниот спортски директор на Барселона и Хосеп Марија Мингела, скаутот за таленти кој го препозна потенцијалот на Меси.
Салфетката, која беше потпишана за време на ручекот во „La Reial Societat de Tennis Pompeia“ во Монжуик, содржи писмена обврска од Рексач.
„Во Барселона, на 14 декември 2000 година, во присуство на господата Мингела и Хорасио, Карлес Рексач, спортски директор на ФК Барселона со ова се согласува, под негова одговорност и без разлика на какви било спротивни мислења, да потпише договор со играчот Лионел Меси под услов да се држиме до договорените суми“, пишува на салфетката.
Меси, кој оттогаш освои голем број големи титули, вклучувајќи ја Лигата на шампионите и Светското првенство, имаше само 13 години кога се приклучи на академијата на Барселона, откако дојде од аргентинскиот клуб Њуелс Олд Бојс.
Спорт
Алкалоид го победи Вардар 1961, ќе се бори за трофејот во Купот
Фото/ facebook.com/rkalkaloid
Алкалоид ќе му се спротивстави на Еурофарм Пелистер во борбата за трофејот во Купот на Македонија. Вечерва, Алкалоид славеше победа над бранителот на пехарот, Вардар 1961 со 25:24 (15:13).
Со исклучок на почетните минути кога црвено-црните поведоа со 4:0, натпреварот беше изедначен, а во финишот крајно драматичен.
Во последните осум минути Алкалоид влезе со предност 24:22. Во последната минута екипата на Кире Лазаров влезе со 25:24, не го искорсит последниот напад, а Вардар 1961 во последната секунда избори седмерец.
Голамнот Галевски го одбрани ударот на Срдановиќ. Најдобар стрелец на мечот беше Мартин Серафимов со седум гола, пред Арно Бинго со шест гола.
Финалниот натпревар во СЦ „Борис Трајковски“ ќе се одигра в недела од 19:30 часот.