Спорт
Маркез: Роси е великан, но односите меѓу нас никогаш нема да се добри

Поранешниот Мото ГП-шампион, Марк Маркез, признава дека, најверојатно, навивачите на трката во Мизано овој викенд ќе бидат непријателски настроени кон него поради нетрпеливоста со нивната легенда Валентино Роси, но вели дека нема желба да го смени односот со Докторот, кој се повлекува на крајот на сезоната.
„Секако, тоа што Валентино го направи во Мото ГП и неговите спортски успеси се навистина посебни. Не верувам дека некој ќе го повтори тоа бидејќи тој беше првиот што победуваше толку многу. Тој направи многу за спортот, привлече многу луѓе во Мото ГП и мораме да бидеме благодарни за нив. И в година, ако не вози, патеките ќе продолжат да бидат негови. Зошто? Бидејќи имаше успешна и уникатна кариера, особено во медиумите. Знаете дека мојот однос со него не е најдобар и немам проблем да го признам тоа како реалност. Искрено, не бевме директни ривали во последните години. Не е до мене да ги менувам односите и искрено не ми е многу грижа“, изјави Маркез.
Главната причина за непријателството, секако, е борбата за титулата во 2015 година кога Роси го обвини Маркез дека му помага на шпанскиот сонародник и колега на Роси, Хорхе Лоренцо. Роси водеше од стартот на шампионатот, но Лоренцо се доближи на 11 поени на две трки пред крајот. На трката во Малезија, Маркез се тркаше со Роси откако испадна зад Лоренцо по што Роси го клоцна својот ривал во потег што беше клучен за титулата – тој доби казнеи поени и старт од последното место на трката во Валенсија.
Од последното место на таа трка тој стигна до четвртото место, но Лорецо победи и ја освои титулата со пет поени предост. Роси сметаше дека Маркез и Дани Педроза намерно не се обидувале да се тркаат со Лоренцо на врвот.
Пред неколку дена Грацијано Роси, таткото на Валентино, кој секогаш го следеше својот син на натпреварувањата, во интервју за „Газета дело спорт“ зборуваше за тоа кого најмногу мрази од ривалите на својот син.
„Најомразениот? Па, морам сериозно да го посочам Маркез. Неговиот карактер на крајот се покажа. Кога нема професионализам во спортот, кога се нема вкус за стил и за работа со почитување на противникот, тоа навистина не можам да го поднесам“, изјави Грацијано Роси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Интер оствари рекорден приход

Италијанскиот фудбалски гигант Интер оствари рекордни 567 милиони евра приходи во изминатата финансиска година, беше објавено на веб-страницата на клубот.
Финансиските извештаи за сезоната 2024/25 покажуваат приходи од 567 милиони евра, што е зголемување од 94 милиони евра во споредба со претходната сезона. Ова е рекорд, не само за Интер, туку и за италијанскиот фудбал како целина. Претходниот рекорд го држеше Јувентус кога имаше приходи од 464 милиони во првата сезона на Роналдо.
Рекордните приходи на Интер се резултат на зголемените приходи од домашните и европските натпреварувања, како и учеството во првото издание на проширеното Светско клупско првенство. Во исто време, имаше зголемување на комерцијалните приходи од спонзорства и натпревари.
Интер ја затвори финансиската година со нето добивка од 35,4 милиони евра, во споредба со загуба од 35,7 милиони евра во претходната финансиска година. Интер ја заврши рекордната финансиска година без трофеј.
Во финалето на Лигата на шампионите загуби од ПСЖ, во Серија А беше втор од Наполи, во Купот на Италија испадна во полуфиналето против градскиот ривал Милан, „росонерите“ беа подобри и во финалето на Суперкупот на Италија, додека на клупскиот Мундијал клубот загуби од Флуминензе.
Спорт
Детали го делат Бенитез од клупата на Панатинаикос

Трофејниот шпански стручњак Рафаел Бенитез (65) треба да го преземе грчкиот тим Панатинаикос во наредните денови, откако че бидат дефинирани деталите за идната соработка.
Великанот од Атина е во потрага по тренер по заминувањето на Португалецот Руи Виторија, кој беше отпуштен на 15 септември, еден ден откако „зелените“ загубија од Кифисија со 3:2.
Во меѓувреме, Панатинаикос значително ја подобри играта и резултатите под водство на привремениот тренер Христос Контис и забележа голема победа во Лигата на Европа против Јанг Бојс (4:1), но во клубот, и покрај очигледниот напредок, бараат ново, по можност звучно име за клупата.
Според грчките медиуми, изборот паднал на тренерот кој ја освои Лигата на шампионите со Ливерпул во 2005 година, две титули во Ла Лига и Купот на УЕФА со Валенсија и Лигата на Европа со Челзи.
Истите извори наведуваат дека Бенитез пристигнал во Атина со приватен авион во четврток наутро за финални преговори со челниците на клубот и најверојатно за потпишување на договорот.
Наводно, Панатинаикос му нуди дури пет милиони евра само за едногодишна соработка.
Спорт
Џексон Хејс ќе добие пасош на Словенија

Центарот на Лос Анџелес Лејкерс, Џексон Хејс (25), откри дека е во процедура за добивање словенечки пасош за во иднина да може да игра со Дончиќ и во репрезентацијата.
Хејс е член на Лејкерс од 2023 година, претходно играше за Њу Орлеанс.
Наскоро би можел да биде опција за селекторот на Словенија, Александар Секулиќ, кој бара играч на позицијата „пет“ по повлекувањето на Џош Нибо за последниот Евробаскет.
Нибо, да потсетиме, поради повреда, не доби дозвола од својот клуб Милано да игра за Словенија, што ги принуди челниците на КС Словенија да најдат посигурно решение за наредните години.
Изборот падна на Хејс, со кого неговиот соиграч Лука Дончиќ ги водеше преговорите.
„Лука е мој човек. Работиме заедно за да добиеме словенечки пасош и да можеме да играме за Словенија следното лето“, ги изненади Хејс новинарите по натпреварот со Далас.
Хејс со тоа би бил четвртиот странец во последните неколку години во дресот на Словенија, по Ентони Рандолф, Мајк Тоби и Џош Нибо.
Словенија беше европски шампион во 2017 година со Рандолф.