Враќањето на Антоан Гризман во Атлетико Мадрид во текот на летото не наиде на воодушевување кај навивачите на „рохибланкос“, но тие сега мораат да му се заблагодарат токму на Французинот што влетаа во осминафиналето на Лигата на шампионите, ставајќи им крај на Порто и Милан за сензација во последното коло.

На гостувањето во Португалија кај Порто, Атлетико мораа да победат за да осигураат место меѓу најдобрите 16, а откако Луис Суарез по само 10-тина минути ја напушти играта со повреда, а Милан поведоа со 1:0 против Ливерпул, работите не изгледаа добро за Атлетико.

Сепак, Ливерпул предводени од Мо Салах и Дивок Ориги направија камбек за 2:1 победа на „Сан Сиро“ за уривање на сонот на „росонерите“ за сензација, а во 56. минута, Гризман се најде на вистинско место по корнерот на Лемар, а да ја смести топката во голот на домаќините. По ваквиот развој на настаните, тензијата растеше на „Драгао“ – Атлетико останаа со 10 играчи во 67. минута по црвениот картон на Караско, но само три минути подоцна и Вендел доби црвен картон за Порто, за израмнување на силите.

Тогаш следуваше лудата завршница – Гризман во 90. минута му асистираше на Анхел Кореа за 0:2, Родриго де Паул во 92. минута зголеми на високи 0:3, пред во 95. минута да биде досуден пенал за Порто, кој го реализираше Сержо Оливеира.

На „Сан Сиро“, Фикајо Томори со голот во 29. минута даде надеж на Милан за сензација против ослабениот Ливерпул, но Мо Салах со својот неверојатен 20. гол оваа сезона (во сите натпреварувања) израмни на 1:1 во 36. минута, пред „џокерот“ на Јирген Клоп во 55. минута да направи целосен пресврт. Милан, кои по седум години се вратија во Лигата на шампионите, се последни во групата и нема да продолжат во Лига Европа.

Другите мечеви не беа толку одлучувачки како тие во групата Б. Реал Мадрид со головите на Тони Крос и Маркос Асенсио стигна до 2:0 победа над Интер во меч за престиж и за обезбедување на првото место во групата Д, додека во групата Ц, Ајакс со 4:2 го декласираше Спортинг Лисабон, но двата тима одат во осминафиналето, така што 5:0 победата на Борусија Дортмунд над Бешикташ беше само за шоу пред публиката.

ЛИГА НА ШАМПИОНИ, 6.КОЛО

ГРУПА Б

Порто – Атлетико Мадрид 1:3

Милан – Ливерпул 1:2

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1463-36886”));

ГРУПА Ц

Ајакс – Спортинг Лисабон 4:2

Борусија Дортмунд – Бешикташ 5:0

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1464-36886”));

ГРУПА Д

Реал Мадрид – Интер 2:0

Шахтјор Доњецк – Шериф Тираспол 1:1

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1465-36886”));

Еурофарм Пелистер продолжи со одличните игри во Европската лига на ЕХФ, откако во распродадената сала „Боро Чурлевски“ во Битола стигна до голема 31:25 (14:13) победа над Спортинг Лисабон, за да го поминат португалскиот клубн а второто место во групата Д, зад фаворитите Ним.

По ремито на гости во Португалија, тимот на Жељко Бабиќ беше мотивиран да стигне до победа на домашен терен и во второто полувреме успеаја да го надиграат противникот за трета победа во шест кола во Европската лига. Во првото полувреме, Спортинг имаше три гола предност (5:8), но Пелистер се вратија за 14:13 водство на полувреме.

Стипе Мандалиниќ и Јосип Периќ го предводеа Пелистер до победа со по седум постигнати голови, додека за гостите,  Салвадор Салвадор постигна шест гола.

ЕХФ ЕВРОПСКА ЛИГА

ГРУПА Д

Еурофарм Пелистер – Спортинг Лисабон 31:25

АЕК – Кадетен 28:31

Татабања – Ним 30:38

Фото: РК Еурофарм Пелистер

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-22631-37701”));

Тајсон Фјури мора да ја брани својата ВБЦ титула во тешка категорија против британскиот предизвикувач Дилијан Вајт, во меч кој најверојатно ќе се оддржи во февруари или март на „Принсипалити“ стадионот во Кардиф.

Иако се веруваше дека Фјури преговара со другиот британски ривал Ентони Џошуа да се откаже од римечот со Олександер Усик, за тој да може да боксува со Украинецот, сега ВБЦ нареди почеток на преговорите со Вајт за меч во првата половина на 2022.

Промотерите на Фјури, Френк Ворен и Боб Арум сметаат дека веќе не можат да чекаат на одлука на Џошуа за меч за обединување на титулите со Усик (кој сега е ВБА, ИБФ, ВБО и ИБО шампион), а тука е и заканата од ВБЦ, така што ќе се одлучат на меч со Вајт.

Ова би бил прв меч по подолго време за Фјури во Велика Британија по долгата кампања низ Америка, каде што се оддржаа неговите три меча со Дионтеј Вајлдер.