Спорт
Мароканскиот херој од 1986 година верува во ново чудо
Поранешниот марокански фудбалер Абдеразак Хајри изјави дека верува во нов подвиг на Светското првенство во Катар. Хајри со два гола на Светското првенство во Мексико во 1986 година го испрати Мароко во втората фаза од натпреварувањето, а Португалија дома.
„Мароко е способен да направи изненадување“, прогнозира поранешниот марокански репрезентативец, главниот „архитект“ во историската победа од 3:1 против Португалија пред 36 години.
„Мисијата нема да биде лесна, но јас верувам во неа“, вели 60-годишниот Хајри во телефонско интервју за „Франс прес“.
На 11 јуни 1986 година тој стана херој откако постигна два гола против Португалија во последниот натпревар од групната фаза.
Тоа беше историски триумф што му овозможи на Мароко да стане првата африканска и првата арапска селекција што стигнала до осминафиналето на Светското првенство.
Доколку избраниците на Валидо Реграџо утре ја победат Португалија, ќе станат првата африканска селекција што играла во полуфинале на Светското првенство.
Потсетувајќи се на натпреварот од Мексико, Хајри изјави дека по двете ремија против Полска и Англија притисокот бил жесток.
„Португалија беше ‘страшна’, но ние ги носевме надежите на една нација, еден континент и на целиот арапски свет. Не беше лесно психички, но сакавме да дадеме сè од себе“, рече тој.
Хајри го постигна првиот гол во 19. минута, потоа го зголеми водството на Мароко само осум минути подоцна, пред Абделкрим Мери во 62. минута да ги зголеми на 3:0. Честа на Португалецот во 80. минута ја спаси Дијамантино Миранда.
„Кога постигнав два гола, мојата радост беше неопислива. Успеавме да ги победиме играчите што ги гледавме на телевизија. Кога зборувам за тоа, ме преплавуваат емоции. Спомените се недопрени, како да беше вчера”, изјави Хајри.
„Никој не веруваше во нас, но ние го направивме тоа“, гордо истакнува Хајри и толку години подоцна.
Мароко, тогаш предводен од Бразилецот Хозе Фариа, потоа загуби од Германија со слободен удар на Лотар Матеус во 88. минута.
И покрај поразот, „лавовите“ со високо кренати глави си заминаа од Мексико.
„Ја освоивме љубовта на јавноста и пред сè го отворивме патот за поголема застапеност на африканските нации на Светското првенство“, рече Хајри.
На следното Светско првенство во Италија, Камерун испиша историја како прва африканска репрезентација што стигнала до четвртфиналето, пред Сенегал да го направи тоа повторно во 2002 година.
На Светското првенство во 2010 година Гана не успеа да стигне до полуфиналето во епски и контроверзен натпревар против Уругвај.
„Ништо не е невозможно во фудбалот, тоа е магијата на овој спорт. Денеска тоа го докажува селекцијата на Мароко“, изјави Хајри.
„Се разбира, овој марокански тим е различен од нашиот, бидејќи фудбалот многу напредуваше во овие 36 години, но неговата константа е одлучноста и желбата да се претставува својата земја што е можно подобро. А играчите тоа го прават брилијантно“, додаде тој.
Четвртфиналниот натпревар на Светското првенство меѓу Мароко и Португалија се игра утре од 16 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Левандовски е подготвен за реваншот со Интер
Напаѓачот на Барселона, Роберт Левандовски, се опорави од повредата и ќе биде подготвен за реваншот од полуфиналето на Лигата на шампионите против Интер во Милано, потврдија од клубот.
Тренерот на Барселона, Ханси Флик, не можеше да смета на Левандовски откако 36-годишникот од Варшава се повреди на 19. април на натпреварот од Примера против Селта.
Левандовски постигна 40 гола за клубот оваа сезона, вклучувајќи 25 во домашното првенство и 11 во Лигата на шампионите.
Реванш натпреварот од полуфиналето на Лигата на шампионите помеѓу Интер и Барселона ќе се игра во вторник од 21:00 часот на „Џузепе Меаца“, а првиот натпревар на „Монжуик“ беше вистински спектакл кој заврши 3:3.
Спорт
(Видео) Луда Ф1 трка во Мајами, во Лего болиди
Големата награда на Мајами, шестата трка во Ф1 шампионатот, имаше спектакуларна најава за главната трка.
Пред почетокот на трката, фановите можеа да ја видат најинтересната парада што досега во Ф1, која се претвори во најлудата трка во историјата, трка во Лего автомобили.
Оваа година, Лего пушти колекција посветена на Ф1, а во таа чест, на патеката се најдоа 10 автомобили во природни големини, зад чиј волан беа најдобрите возачи на денешницата, а совозачи им беа нивните соиграчи.
Секој од тие 10 автомобили тежи околу 1.500 килограми, што е речиси двојно повеќе од стандардните автомобили, бидејќи тие не смеат да тежат повеќе од 800 килограми.
Лего автомобилите, патем, се направени од по 400.000 коцки, кои се поставени околу челична конструкција, за да се изработат биле потребни 22.000 часа. Во изградбата учествувале 26 дизајнери и инженери, а автомобилите биле изградени во фабрика во Кладно, Чешка.
Иако достигнуваат брзина од само 20 км/ч, бидејќи имаат само околу седум или осум коњски сили, трката на патеката околу стадионот „Хард Рок“ во Мајами ги забавуваше возачите и фановите како никогаш досега.
Just 20 big kids living their best lives 😎#F1 #MiamiGP pic.twitter.com/vt1wvSrB3E
— Formula 1 (@F1) May 4, 2025
„Ова беше најзабавната парада што некогаш сме ја имале. Беше навистина забавно“, рече Луис Хамилтон, кој му беше совозач на Шарл Леклер.
За време на најлудата трка во историјата, имаше неколку инциденти, за среќа без последици, но стјуардите мораа да ја исчистат патеката пред самата трка, поради бројните расфрлани парчиња.
Joining drone cam as the drivers bring their LEGO cars home 🎥#F1 #MiamiGP pic.twitter.com/CHUqJcBoU1
— Formula 1 (@F1) May 4, 2025
Интересно е што не беше прв пат Лего автомобили да се најдат на патеката, но никогаш не биле во толкав број. Минатата година, возачот на Мекларен, Ландо Норис, возеше автомобил направен од коцки на Силверстоун.
Што се однесува до Големата награда на Мајами, таа ја освои Оскар Пјастри во Мекларен, пред неговиот колега Норис и возачот на Мерцедес, Џорџ Расел.
Следната трка во Формула 1 е во Имола за Големата награда на Емилија Ромања од 16 до 18 мај.
Спорт
Јанакопулос: Бартомеу беше гангстер, Бодирога едноставно нема моќ
Димитрис Јанакопулос, газдата на Панатинаикос, повторно го привлече вниманието на јавноста, овој пат преку низа одговори на прашањата на неговите следбеници на неговиот „Инстаграм“ профил.
Пред решавачкиот петти натпревар од плејофот на Евролигата против Ефес во Атина, Јанакопулос го коментираше потенцијалното финале против Олимпијакос, можноста за враќање на Јоргос Папајанис, но исто така упати остри зборови до раководството на Евролигата.
На прашањето дали би сакал финале против неговиот најголем ривал Олимпијакос, Јанакопулос беше многу јасен.
„Не ми е важно… Сакам да го освоиме тој трофеј!“ Кога станува збор за евентуалното враќање на Јоргос Папајанис во Панатинаикос, грчкиот бизнисмен рече дека одлуката не е негова.
„Лично, воопшто не би го направил тоа, но тие одлуки не се мои… Тренерот одлучува.“
Сепак, се издвојува неговиот остар одговор кога ги спореди поранешниот и сегашниот претседател на Евролигата, Џорди Бертомеу и Дејан Бодирога.
„Нема споредба. Едниот беше гангстер, а другиот едноставно нема моќ.“
За потсетување, Евролигата покрена постапка против Јанакопулос поради неговите коменатри на „Инстаграм“, по четвртиот натпревар меѓу Ефес и Панатинаикос (85:82).
Поевтинуваат дизелот и бензините
Цените на горивата од ноќеска на полноќ ќе поевтинат за половина и за еден денар, соопшти Регулаторната комисија за енергетика,...
Мицкоски му даде две опции за избор на Таравари, да остане во Влада или да оди со ДУИ: Во политиката образот или го имаш или го немаш
Премиерот Христијан Мицкоски денес во Штип потврди дека попладнево ќе се сретне со лидерот на едно крило од Алијанса за...
Семејно насилство во Охрид: татко ја истепал ќерка си, по што се вклучиле и други членови на семејството
Денеска во 00.15 часот во СВР Охрид е пријавено дека Р.Б. од Охрид физички ја нападнал неговата ќерка, по што...
(Фото) Каде заглави реконструкцијата на тротоарите на „Владимир Комаров“, прашува СДСМ Аеродром
„Неспособноста на ВМРО-ДПМНЕ и Дејан Митески во Општина Аеродром е видлива буквално на секој чекор. Реконструкцијата на тротоарите на половина...
Дали Филипче ќе учи од Заев како да профитира со лажни идентитети и како се штанцаат пасоши за 215 белосветски криминалци, прашува ВМРО-ДПМНЕ
„СДС и Заев 7 години беа заштитници на криминалот и криминалните банди. СДС, Заев и Спасовски им дадоа пасоши на...
„Тошковски наместо да обвинува треба да одговори дали има пропусти при рацијата“, велат од партијата Левица
„Министерот за внатрешни работи, Панче Тошковски, наместо да дава одговори пред јавноста за дилеми кои оправдано се наметнуваат околу истрагата...
Фицо: Им велат на Русите „Па, славете, би можеле да фрлиме дрон врз вас или нешто друго“, ова се неприфатливи работи
Словачкиот премиер Роберт Фицо го критикуваше украинскиот претседател Володимир Зеленски за неговото предупредување до „странските делегации да не доаѓаат“ на...
(Видео) Нападнат лидерот на турската опозиција, се појави снимка
Лидерот на главната опозициска партија во Турција беше нападнат вчера додека ја напушташе комеморацијата во Истанбул. Озгур Озел, кој ја...
Трамп: Светот ни ја одзема филмската индустрија, тоа е безбедносна закана
Американскиот претседател Доналд Трамп објави на својата социјална мрежа Truth Social дека планира да воведе царина од 100 проценти на...
Вучиќ се огласи по приемот во болница: „Одам пред вас за да бидам штит“
Српскиот претседател Александар Вучиќ се обрати за прв пат откако ја прекина посетата на САД поради болки во градите, по...
Кривична против 38-годишниот скопјанец кој ја уби својата невенчана сопруга
СВР Скопје го расчисти убиството кое на 3 мај, околу 15 часот во скопската населба Шуто Орузари го изврши 38-годишниот...
Хорор во Скопје, пред очите на 5-годишната ќерка ја усмртил мајката со убоди од нож по вратот и градите
Скопското Обвинителство спроведе истрага против едно лице за убиство на својата партнерка со која живеел во вонбрачна заедница. На жртвата,...
Трамп нема да се кандидира за трет мандат
Претседателот на САД, Доналд Трамп, изјави дека не планира да се кандидира за трет мандат како шеф на државата, иако...
Во чест на загинатите во Пулс во Кочани се возеа велосипеди
Над 300 велосипедисти, рекреативци, спортисти и граѓани учествуваа на велосипедската тура „По патеката на оризот“ во чест на трагично загинатите...
Сиљановска Давкова: Делчев беше и ќе биде дел од нас, од нашата историја, сегашност и иднина
Претседателката на државата Гордана Сиљановска Давкова денеска положи цвеќе во црквата „Св. Спас“ по повод 122-годишнината од смртта на великанот...
Тајната на Тито која никој никогаш не ја разјасни
На денешен ден, пред 45 години, почина Јосип Броз Тито, доживотен претседател на Социјалистичка Федеративна Република Југославија и Сојузот на...
АХВ казни 14 месарници кои продавале небезбедно месо
Казни во вредност од 8.350 евра во денарска противвредност изрекоа инспекциските служби на Агенција за храна и ветеринарство (АХВ) на...
122 години од смртта на македонскиот револуционер и борец за слобода Гоце Делчев
Во земјава денеска се одбележуваат 122 години од смртта на македонскиот револуционер и борец за слобода Гоце Делчев. По тој...
Ја убил сопругата, па го фатиле на Табановце
МВР соопшти дека попладнево околу 17 часот на граничниот премин Табановце, полициски службеници го лишиле од слобода Н.А. (38) од...
Од Скопје до Охрид ќе се патува час и половина по новиот автопат од Тетово до Гостивар, ама за две години
За две години ќе биде готов новиот автопат од Тетово до Гостивар, рече директорот на Јавното претпријатие за државни патишта...
