Спорт
Команданти на своите одбрани – Младиот лав Гвардиол против ветеранот Тијаго Силва
Хрватска и Бразил, попладнево ќе го одиграат првото четвртфинале на Светското првенство во Катар. Хрватите никогаш не го победиле Бразил, само еднаш одиграле нерешено во четирите меѓусебни дуели.
Хрватска е актуелен вице-правк, но Бразил влегува како голем фаворит во оваа пресметка.
Во првите четири натпревари Хрватска има гол разлика 5:2, а Бразил 7:2.
Бразилците напаѓачки, веројатно најмоќниот тим на турнирот, но можат да се потпрат и на дефанзивата. Од друга страна најголемата сила на Хрватска е редот за врска (Модриќ, Брозовиќ, Ковачиќ) и одбраната која ја предводи Јошко Гвардиол.
20.годишниот Гвардиол, со досегашните изданија во Катар, дополнително си ја крена цената. Јасно е дека е дека ќе го урне трансфер рекордот на Хари Мегваер за најскап дефанзивец. Се шпекулира дека по завршувањето на сезоната за 100 милиони евра ќе го напушти Лајпциг.
Гвардиол е водечки играч на Мундијалот според бројот на спасени големи шанси пред својот гол. Особено овој податок беше изразен во дуелот со Белгија.
Во овој параметар, Гвардиол е далеку подобар од капитенот на Бразил, 38. годишниот Тјаго Силва.
Кога ќе се погледнат останатите статистички категории, тука се речиси израмнети.
Прашање е само дали Гвардиол ќе успее да се справи со огромниот напаѓачки потенцијал што го поседува Бразил. Од друга страна, Хрватска нема таков талент во нападот, но доколку Силва и колегите од одбраната се опуштат, „коцкестите“ ќе знаат тоа да го казнат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.