Фудбалерите на Џенова со победа стартува во новата сезона. На домашен терен екипата на Горан Пандев славеше против повратникот во Серија А, Кротоне со 4:1.

Мечот на „Луиџи Ферарис“ го обележаа Пандев и дебитантите во дресот на Џенова Давиде Запакоста и Марко Пјаца.

Џенова во првите десет минути го реши прашањето околу победникот. Дестро го отвори резултатот во шестата минута, а четири минути подоцна Пандев го постигна првиот свој гол во новата сезона.

Кротоне намалија во 28 минута со голот на Ривиере, но само шест минути подоцна Запакоста ја врати предноста на Џенова од два гола. Запакоста сезонава како позајмен играч од Челси игра за Џенова.

Пандев доби жолт картон во 44 минута, а во 68 беше заменет од Пјаца. Позајмениот играч од Јувентус во 75 минута го постави конечниот резултат.

Новак Ѓоковиќ е првиот финалист на мастерсот во Рим. Првиот носител во полу-финалето го победи Каспер Руд од Норвешка со 7/5, 6/3. Мечот на Централниот терен траеше два часа и 10 минути. Ѓоковиќ утре ќе го игра своето 52 финале на Мастерс турнирите и ќе се обиде да ја освои 36 титула.

Каспер Руд веројатно го одигра најдобриот меч во кариерата, но ниту тоа не му беше доволно да слави против најдобриот во светот. Младиот Норвежанец прв стигна до брејк во воедниот сет, во десеттиот гем сервираше за водство од 1:0, имаше и две сет топки, а откако не ги искористи Ѓоковиќ го врати брејкот, потоа беше сигурен и во наредните два гема и го освои првиот сет.

Вториот сет беше малку полесен за Ѓоковиќ, покрај сервисот кој одлично му функционираше во текот на целиот меч проработе и неговиот бекхенд. Во раната фаза направи брејк кој не го испушти до крајот.

Покрај со мотивираниот противник Ѓоковиќ мораше да „бори“ и со судијата Адел Нур кој три пати направи груби грешки на штета на првиот носител.

#IBI20 (🎥@Eurosport_RU ) pic.twitter.com/pLYCGGXa4L

— doublefault28 (@doublefault28) September 20, 2020

#IBI20 (🎥@Eurosport_RU ) pic.twitter.com/JYo647pABZ

— doublefault28 (@doublefault28) September 20, 2020

На крајот Ѓоковиќ имаше 36 директни поени, Руд 26, а и двајцата направија по 19 грешки.

Утре во финалето Ѓоковиќ ќе игра против Денис Шаповалов од Канада или Диего Шварцман од Аргентина кој во четврт-финалето го победи Рафаел Надал.

Капитенот на македонската фудбалска репрезентација Горан Пандев на најдобар начин ја започна новата сезона во Серија А.

Пандев во стартната постава го започна мечот против Кротоне и постигна гол во 10 минута за 2:0. Претходно Дсетро го постигна првиот гол за Џенова.