Спорт
Масвидал сака да му ја „скрши фацата“ на Конор, пред тој да се „предозира со кокаин“

УФЦ ѕвездата Хорхе Масвидал по трите порази во низа, повторно побара меч против Конор Мекгрегор, велејќи дека сака да го направи тоа пред Ирецот да се „предозира со кокаин“.
Масвидал двапати загуби од Камару Усман и еднаш од Колби Ковингтон, а во минатото имаше неколку преговори за меч против Мекгрегор, но тие никогаш не се остварија. Сега, кога на двајцата им е потребна победа да ги вратат своите кариери на вистински пат, „Гејмбред“ Масвидал вели дека е крајно време за пресметка.
„Секако дека сакам меч, пред тој да се предозира на кокаин и потоа мечот никогаш да не се оствари и да загубам шанса за тие лесни пари. Сакам да му ја скршам фацата на Конор и да добијам чек. Но, тоа мора да се случи побргу пред тој да се повреди самиот себе или некој друг. Потребни ми се тие пари. Зошто не во ‘Медисон сквер гарден’ во декември?“, вели Масвидал.
Мекгрегор уште не го посочил својот следен чекор, бидејќи уште се опоравувал од скршената нога која ја доби минатото лето при поразот од Дастин Поаире. За време на паузата, тој очигледно успеа да изгради повисока мускулна маса и најави дека би сакал да се пресели во велтер категорија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Нагелсман и официјално ја презеде Германија

Јулијан Нагелсман и официјално е селектор на германската репрезентација и ќе ја води на следното Европско првенство следната година.
Младиот стручњак кој има само 36 години последен во март оваа година остана без работа, кога доби отказ во Баерн Минхен.
Интересно е што и сега како и претходно во Минхен, на клупата на германската репрезентација ќе го наследи Ханси Флик.
Германците се домаќини на претстојното ЕУРО 2024, но долго време се мачат, особено откако беа елиминирани во групната фаза на Мундијалот, влегоа во серија лоши резултати.
Нагелсман ќе влезе во историјата како најмладиот селектор на Германија. Своето деби на клупата ќе го има на 14. октомври на пријателскиот натпревар против селекцијата на САД во Конектикат.
Фото/ EPA
Спорт
Винисисус ќе го пропушти градското дерби

Фудбалерите на Реал Мадрид во недела ги очекува големо градско дерби, на „Метрополитено“ ќе му гостуваат на Атлетико Мадрид. Како што пренесуваат шпанските медиуми, Карло Анчелоти има проблеми во составувањето на тимот.
„Релево“, пишува дека бразилскиот репрезентативец Винисиус Жуниор нема да игра поради повредата на грбот.
Тренерот Анчелоти се надеваше дека Бразлецот ќе игра, но како што сега стојат работите покрај дербито, тој ќе го пропушти и натпреварот во среда, против Лас Палмас.
„Мадрилењо“ ќе се игра во недела од 21:00 часот по средноевропско време. Реал оствари максимални пет победи на стартот на сезоната, додека избраниците на Диего Симеоне на четири натпревари освоија седум бода.
Спорт
Едегард доби нов договор и највисока плата во Арсенал

Норвешкиот фудбалер Мартин Едегард го продолжи договорот со Арсенал до 2028 година.
Едегард пристигна во Арсенал од Реал Мадрид за 35.000.000 евра. За „тобџиите“ има одиграно 112 натпревари, постигна 27 голови и забележа 15 асистенции.
Играчот од средниот ред на Арсенал е финансиски награден и со тоа што неговата плата сега ќе биде значително поголема, досега добиваше 120.000 фунти неделно (околу 7.200.000 евра годишно). Едегард би требало да стане најплатен фудбалер на „топчиите“.
Тоа значи дека сега ќе зема поголема плата од Каи Хаверц кој е најплатен во тимот со 20.000.000 евра годишно.