Спорт
Мбапе: Енрике си ги лечи фрустрациите
Килијан Мбапе незадоволен од одлуката на тренерот Луис Енрике, го напушти теренот во 64. минута од дербито против Марсеј. ПСЖ на „Велодром“ од 20.минута играа со фудбалер помалку, но сепак славеа со головите на Витиња и Гонзало рамос.
Капитенот и најдобриот играч на ПСЖ, за кого се шпекулира дека по завршувањето на сезоната како слободен играч ќе се пресели во Реал, уште еднаш беше понижен од шпанскиот стручњак кој го менуваше на претходните четири натпревари и секој пат во иста минута.
„Не знам дали го заслужив ова. Некои луѓе ги лечат своите фрустрации, но јас не се замарам со тие работи искрено. Разговарав со претседателот на клубот Ал Келаифи и му кажав каков проблем имам во моментов додека се уште сум член на неговиот тим“, изјави Килијан Мбапе.
Францускиот репрезентативец изјави дека најмногу го изнервирало тоа што на Луис Енрике пред мечот на „Веледром“ му рекол дека треба да игра што е можно повеќе по паузата поради повреда за подобро да се подготви за учество на континенталниот шампионат со Француска репрезентација.
„Имав разговор со тренерот Енрике, иако многу медиуми тврдат дека меѓу нас нема никаква комуникација. Му кажав дека сакам да го одиграм целиот натпревар против Марсеј и дека сум целосно подготвен, но кога видов дека четвртиот судија сигнализира за да излезам, навистина не можев да се контролирам, но на излегување иронично му кажав дека мислам дека се уште сме пријатели, а тој само се насмеа и ме изнервира уште повеќе. После тоа се сретнавме во соблекувалната, тој само ја спушти главата“, рече Мбапе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Спортинг ја освои титулата во Португалија
Фудбалерите на Спортинг од Лисабон вторпат во последните три години ја освоија титулата во Португалија.
Екипата од Лисабон на две кола пред крајот на првенството има недостижни осум бода повеќе од Бенфика која во неделата вечерта беше поразена на гостувањето кај Фамаликао со 2:0.
Спортинг го одработи својот дел во саботата со победата од 3:0 против Портимоненсе, а Фамаликао потоа направи преостанатите две кола да бидат формалност во борбата за титулата.
Клубот од Лисабон го освои 20. шампионски пехар и се наоѓа на третото место на вечната листа зад Бенфика (38) и Порто (30).
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.