Спорт
Мбапе го „уништи“ Лион, па се повреди, ПСЖ се врати на прво место!
Пари Сен-Жермен со неверојатни 2:4 го доби дербито на 30. коло во француската Лига 1 против Лион, и го искористи „киксот“ на Лил за да се врати по подолга пауза на врвот на шампионатот.
Прва ѕвезда на тимот на Маурисио Почетино беше Килијан Мбапе, откако 22-годишниот француски репрезентативец постигна два гола за да стигне до неверојатната бројка до 100 постигнати гола во францускиот шампионат, иако постои загриженост во таборот на Парижани, откако мораше да биде повлечен од игра во 70-тата минута од мечот.
Мбапе уште во 15. минута го отвори резултатот, пред Данило во 32. минута да зголеми на 0:2. Почетокот на второто полувреме беше уште посилен – Анхел ди Марија стрелаше во 47. минута, а веќе во 52. минута Мбапе го постигна својот втор гол. Ислам Слимани веднаш по влегувањето во игра во 62. минута намали на 1:4, пред Максвел Корне во 81. минута да ги постави конечните 2:4.
Откако Ним стигна до изненадувачка 2:1 победа на гости кај Лил, ПСЖ сега се лидер во Лига 1 со 63 поени, колку што имаат и Лил (но со послаба гол-разлика), додека Лион остануваат трети со 60 поени.
ЛИГА 1, 30.КОЛО
Лион – Пари Сен-Жермен 2:4
Лил – Ним 1:2
Стразбур – Ленс 1:2
Брест – Анжер 0:0
Дижон – Ремс 0:1
Монпелје – Бордо 3:1
Нант – Лориен 1:1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.