Спорт
Мбапе побарал да стане лидер во ПСЖ и барал да се растури „аргентинската република“
Килијан Мбапе, наводно побарал од Пари Сен-Жермен да се растури „аргентинската република“ во клубот и посакал тој да биде единствениот лидер во клубот, тврди „УОЛ еспорте“, одговорајќи на зголемената тензија во клубот која беше забележана на последниот меч против Монпелје, кога влезе во директен конфликт со Нејмар.
Според нивните извори, Мбапе е во конфликт со повеќе фудбалери на клубот, и наводно побарал од претседателот на клубот, Насер Ал-Хелаифи да се растури „аргентинската република“ во соблекувалната, во која биле Лионел Меси, Анхел ди Марија, Мауро Икарди и Леандро Паредес, како и Шпанецот Андер Ерера и голманот од Костарика, Кејлор Навас. Тие додаваат дека иако статусот на Меси е „недопирлив“, другите фудбалери веќе ја почувствувале моќта на Французинот.
Ди Марија веќе замина во Јувентус, Икарди и Паредес добија порака да бараат нов клуб, додека се очекува и Ерера и Навас да бидат продадени до крајот на преодниот рок. Почетокот на „растурањето“ на Аргентинците, почнало со отказот на тренерот Маруисио Почетино, нешто на што посебно инсистирал Мбапе.
Мбапе исто така го поддржувал новиот „француски ред“ во клубот почнувајќи со тренерот Кристоф Галтие, како и доаѓањето на дефанзивецот Норди Мукиеле и Иго Екитике.
???????? Kylian Mbappé requested that the Argentine group close to Neymar at PSG be dissolved by the club management. ????
???? This explains why Angel Di Maria did not extend the contract and why Leandro Paredes wanted to leave.
???? UOL Esporte#PSG #Ligue1 #UCL pic.twitter.com/1fFg2oEuSL
— Noxwin (@noxwin12) August 19, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино: ВАР го нарушува имиџот на англискиот фудбал
Менаџерот на Челзи, Маурисио Покетино, изјави дека употребата на ВАР технологијата го нарушува имиџот на англискиот фудбал. Аргентинецот ова го изјави по натпреварот во Бирмингем, каде на Челси против Астон Вила му беше поништен гол за победа во 95.минута.
Челзи, на „Вила Парк“, губеше со 2:0, се врати во мечот со головите на Мадуеке и Галагер, а во петтата минута од судиското надополнување, по употребата на ВАР технологијата, голот на Аксел Дисаси беше поништен поради прекршок на почетокот на акцијата.
„Ова е болно и го нарушува имиџот на англискиот фудбал. Мислам дека ниту играчите на Астон Вила, ниту нивните навивачи не разбираа зошто голот е поништен. Судиите рекоа дека е прекршок, а ако на секој таков дуел гледаме како фаул, тогаш ние не би го завршиле натпреварот со 11 играчи. Можеме да зборуваме за играта или за одлуката, таа му штети за на фудбалот“, рече Покетино.
Спорт
(Видео) Два гола и две асистенции, Меси го реши Њу Ингланд
Фудбалерите на Интер Мајами ја продолжија победничката серија во МЛС лигата, а Меси ја продолжи голгетерската серија.
Избраниците на Херардо Тата Мартино славеа над Њу Ингланд со резултат 4:1 на гостински терен, во рамките на 11. коло и ја задржаа лидерската позиција во Источната конференција.
Ова беше шести триумф за Интер сезонава, за него најзаслужен беше Лионел Меси, двоен стрелец и асистент на стадионот „Жилет“ во Фоксборо, Масачусетс.
Аргентинецот на тој начин се проби на првото место на листата на стрелци со девет гола, а воедно е и прв асистент во лигата со осум асистенции.
Гол за гостите постигна и Луис Суарез, а меѓу стрелците се запиша и Американецот Бенјамин Кремаски.
In case you guys missed…here's highlights of Lionel Messi vs New England Revolution | 2 goals and an assist🐐pic.twitter.com/hu4l8fhgvq
— SK10 𓃵🇵🇸 (@SK10_Football) April 28, 2024
Спорт
Порто го смени претседателот по 42 години
Хорхе Нуно Пинто повеќе не е претседател на Порто, а на негово место е избран поранешниот тренер на овој клуб Андре Вилаш Боаш.
Новиот претседател доби дури 80 отсто од гласовите, со што заврши најдолгата претседателска ера во светот на фудбалот.
-„Порто повторно е слободен“, изјави Вилаш Боаш откако беше избран.
Хорхе Нуно Пинто, беше претседател на трофејниот клуб од 1982 година. Кога го презеде, Порто беше далеку зад ривалите од Лисабон (Бенфика и Спортинг) по бројот на национални титули (седум), а 42 години подоцна имаат 30, дури 11 повеќе од Спортинг, а Бенфика е напред со 38.
Покрај тоа, Порто во неговата ера освои дури пет европски трофеи и два Интерконтинентални купа.
Еден од тие пет трофеи како тренер го освои Вилаш Боаш, Лига Европа во 2011. Таа сезона, единствената во која беше тренер на Порто, ја заокружи со сите три домашни трофеи. Потоа ги водеше Челзи, Тотенхем, Зенит, Шангај СИПГ и Олимпик од Марсеј.