Спорт
Медиумите му бараат наследник, а Валверде ја има поддршката од Меси
Ќе биде ли Ернесто Валверде и наредната сезона тренер на Барселона? Одговорот на ова прашање е она што најмногу ги интересира медиумите и сите навивачли на славниот клуб.
Валверде во февруари го продолжи својот договор, меѓутоа сензационалната елиминација од Ливерпул во полуфиналето во Лигата на шампионите ги разниша неговите позиции во клубот.
Иако лани ја освои двојната круна, а во тековната сезона Барса веќе ја одбрани титулата и ќе игра финале во домашниот куп, многумина сметаат дека Валверде нема капацитет за да направи значаен резултат во Лигата на шампионите.
Лани, Барселона против Рома во четврт-финалето испушти предност од 4:1, а оваа сезона против Ливерпул не ѝ беше доволна ниту предноста од 3:0 за да се пласира во финалето.
Медиумите шпекулираат со имињата на двајца тренери како можни наследници на Валверде. Според клупската филозофија, двајцата се од Холандија, а еден е клупска легенда.
Роналд Куман е човекот што на Барселона ѝ ја донесе првата титула во Лигата на шампионите, тој е актуелен селектор на Холандија и во моментот ги прави последните планови за настап на „лалињата“ на завршниот турнир во најсилната група во Лигата на нациите, што ќе се одржи на почетокот на наредниот месец.
Доколку 56-годишниот тренер ја одбие понудата, тогаш втор пик ќе биде Ерик Тен Хаг, човекот што правеше чуда со Ајакс во Лигата на шампионите. Тех Хаг во средата немаше среќа да се пласира со Ајакс во финалето.
Пречка за евентуалното доаѓање на еден од овие двајца може да биде Лионел Меси. Според каталонските медиуми, Аргентинецот на челниците им кажал дека Валверде треба да остане на клупата и наредната сезона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Феникс Санс го отпуштија Франк Вогел
Феникс Санс го отпуштија тренерот Френк Вогел, 11 дена откако беа поразени во првото коло од плеј-офот од Минесота.
„По внимателен преглед на сезоната, заклучивме дека ни треба поинаков тренер за нашиот тим. Ја цениме напорната работа и посветеноста на Френк“, рече генералниот директор на Санс, Џејмс Џонс.
Вогел ја плати цената за катастрофалната серија на Санс во плејофот, бидејќи тие беа поразени од Минесота со 4:0.
Феникс забележа 49 победи во регуларниот дел од сезоната, но сето тоа пропадна со раната елиминација во НБА плејофот.
Вогел на почетокот на сезоната дојде во тимот од Аризона, а претходно работеше со Лејкерс, Орландо и Индијана.
Поранешниот тренер на Милвоки Бакс, Мајк Буденхолцер, како што тврди ЕСПН е најсеризен кандидат за нов тренер на франшизата од Аризона.
Спорт
Борусија ќе заработи повеќе ако загуби од Реал во финалето
Борусија Дортмунд и Реал Мадрид ќе се сретнат на 1.јуни на „Вембли“ во финалето на Лигата на шампионите.
Реал во своето 18.финале ќе се обиде да го освои 14. трофеј, додека Борусија трет пат ќе се бори за титулата во ЛШ. „Милионерите“ имаат една титула.
Сепак, ако на дуелот во Лондон се гледа само од финансиска перспектива, на Борусија повеќе и се исплати да загуби!
УЕФА победникот ќе го награди со 20 милиони евра, додека поразениот клуб ќе заработи 15,5 милиони евра.
Доколку загуби Борусија ќе добие дополнителни 25 милиони евра, но не од УЕФА туку од Реал.
Џуд Белингем, минатото лето за сума од 103 милиони евра, од Борусија се пресели во Реал. Во неговиот договор има клаузула според која Реал мора да и исплати на Борусија дополнителни 25 милиони евра доколку Белингем со Реал ја освои Лигата на шампионите во наредните пет години.
Спорт
Баер Леверкузен ги собори сите рекорди на непобедливост
Фудбалерите на Баер Леверкузен, предводени од тренерот Чаби Алонсо, станаа рекордери во светскиот фудбал. „Фармацевтите“ 49 натпревар не знаат за пораз. Тие, синоќа, го урнаа рекордот на Бенфика стар 59 години.
Она што особено инпресионира во оваа нестварна серија се головите што ги постигнуваат играчите на Алонсо по 90.минута. Сезонава одиграле 17 такви натпревари.
Синоќа против Рома, исто како и пред десет дена против Штутгарт, Баер од пораз се спаси со гол во 97.минута.
„Фармацевтите“ ќе имаат можност да ги освојат сите можни трофеи оваа сезона. Тие одамна ја освоија титулата во Бундеслигата, што беше нивна прва во клупската историја, а до крајот на овој месец ги очекуваат финалните натпревари во Купот на Германија и Лига Европа.
Избраниците на Чаби Алонсо последен пат загубија на 27 мај минатата година во последното коло од Бундеслигата против Бохум со 3:0.
Bayer everkusen 90th minute goals this season:
90′ vs Ottensen
90′ vs Bremen
90+1′ vs Leipzig
90+1′ vs Stuttgart
90+1′ vs Hoffenheim
90+1′ vs West Ham
90+2′ vs Sandhausen
90+2′ vs Qarabag
90+3′ vs Qarabag
90+4′ vs Bayern
90+4′ vs Qarabag
90+4′ vs Augsburg
90+5′ vs Bayern
90+7’… pic.twitter.com/Oxh2BymdRI— StatMuse FC (@statmusefc) May 9, 2024