Кошаркарот на Лос Анџелес Лејкерс, Леброн Џејмс, се запиша во историјата на НБА-лигата како најефикасен играч.

Триесет и осумгодишниот Американец постигна 36 поени на натпреварот со Оклахома одигран изутринава во Лос Анџелес. Леброн сега има 38.388 поени на своето конто. Тој го собори рекордот на Карим Абдул-Џабар од 38.387 поени во текот на неговата кариера.

Карим Абдул-Џабар ги постигна своите последни поени во регуларниот дел од сезоната во НБА на 24 април 1989 година, кога Леброн имаше само 4,5 години.

Леброн Џејмс ги постигна првите поени во НБА на 30 октомври 2003 година. Му требаа 19,5 години да го собори рекордот на Џабар.

Абдул-Џабар лично му оддаде почит на Џејмс со тоа што дојде на натпреварот во Лос Анџелес и присуствуваше на еден од најголемите настани во историјата на НБА.

Леброн Џејмс имаше просек од 27,1 поен на 1.367 натпревари за 19 години со Кливленд Кавалирс, Мајами Хит и Лејкерс.

Тој одамна стана единствениот играч со 30.000 поени, 10.000 скока и 10.000 асистенции, па ќе видиме дали ќе успее да стигне до уште поимпресивната статистика од 40.000 + 10.000 + 10.000.

Инаку, ЛА Лејкерс загубија од Оклахома со 133:130 и со биланс од 25 победи и 30 порази се на 13. место во Западната конференција.

38,388 POINTS

LeBron James hits the fadeaway jumper to become the NBA’s all-time leading scorer! #ScoringKing pic.twitter.com/P5LyTZAZn3

— NBA (@NBA) February 8, 2023

Почина Мирослав Ќиро Блажевиќ, легендарниот хрватски селектор и поранешен селектор на фудбалската репрезентација на Хрватска. Тој ја загуби долгата борба со ракот на 88-годишна возраст.

Болеста првпат му беше дијагностицирана во 2011 година, двапати ја победи, но за жал третпат не успеа.

„Тренерот на сите тренери“, како што го нарекуваа во регионот на поранешна Југославија, е роден во Травник, и автор е на еден од најголемите успеси на хрватскиот фудбал и спорт воопшто, светскиот бронзен медал од Мундијалот во 1998 година.

Фудбал играше до 31 година, а ги носеше дресовите на Динамо Загреб, Локомотива, Сараево, Риека и на Сион, а потоа реши да стане тренер во швајцарскиот Мутие.
Тој остана во Швајцарија и ги водеше Вевеј и Сион пред да ја преземе швајцарската репрезентација во 1979 година.

Неговиот подем започна во 1979 година, кога дојде во Ријека, со која стигна до четвртфиналето на Купот на победниците на куповите, каде што беше елиминиран од Јувентус.

Тогаш почна легендата за големиот тренер Мирослав Ќиро Блажевиќ.

Своето име како тренер го прослави со титулата што му ја донесе на Динамо Загреб, по 24 години чекање, во сезоната 1981/82, четврта и што подоцна ќе се покаже како последна титула на шампионот на Југославија. Со „модрите“ следната сезона го освои и пехарот „Маршал Тито“ во Купот на Југославија а подоцна во хрватското првенство освои титула уште два пати (1993 и 2003 година).

Грасхоперс беше под негова палка во сезоната 1983/84 со триумф во првенството на Швајцарија, а во неговите успеси секако може да се вбројат и фактите дека ја задржа Приштина во елитниот фудбалски ранг на СФРЈ и ја внесе и Слобода Тузла во Премиер лигата на Босна и Херцеговина.

Душан Влаховиќ постигна два гола и асистираше уште еден до својот сонародник Филип Костиќ за да ги предводи Јувентус до рутинска 3:0 победа на гостувањето кај Салернитана, прв триумф по три меча за „бјанконерите“ во ситуација на криза на клубот од Торино.

Влаховиќ прво во 26. минута од мечот беше прецизен од белата точка за водство на гостите, а во финишот на полувремето да му асистира на Костиќ за 0:2. И покрај обидите на Салернитана да се врати во игра со поголем посед на топката, Јувентус имаа повеќе шанси, за во 47. минута, Влаховиќ да ги постави конечните 0:3.

Со победата и трите поени, Јувентус се искачи на 10. место на табелата со 26 поени (по казната од 15 поени), додека Салернитана се на 16. место со 21 поен.

(function (el) {
window.addEventListener(“message”, (event) => {
if (event.origin.startsWith(“https://www.sofascore”)) {
if (el.id === event.data.id) {
el.style.height = event.data.height + “px”;
}
}
});
})(document.getElementById(“sofa-standings-embed-33-42415”));