Спорт
Мекинро: Некои луѓе мислат дека Ѓоковиќ е Дарт Вејдер
Поранешното „лошо момче“ на тенисот, Џон Мекинро вели дека на спортот му се потребни силни карактери, посочувајќи дека дел од навивачите го сметаат Новак Ѓоковиќ како Дарт Вејдер, славниот негативец од филмовите „Војни на ѕвездите“.
Седумкратниот гренд слем шампион Мекинро, кој во својата кариера имаше доста конфликти со судиите и со публиката, се согласува со Ник Кирјос дека на тенисот му се потребни разновидни ликови и карактери.
„Зборував за потребата за вистински карактери во тенисот. Морате да имате вистински интерес во некого. Дали мислите дека е лошо момче, не е важно, некои луѓе сметаат дека Ѓоковиќ е Дарт Вејдер. Од друга страна, сите го сакаат Роџер Федерер. Тенисот не е тимски спорт каде што можете да навивате за својот град или држава, така што е важно да има посебни ликови во спортот“, вели 62-годишниот Американец.
Интересно, во 2012 година, пред мечот со Американецот Сем Квереј, Ѓоковиќ во чест на Хелоувин носеше токму маска на Дарт Вејдер. И покрај неговите 20 гренд слем титули, Ѓоковиќ не добива иста љубов како Рафаел Надал и Роџер Федерер, ситуација што се влоши со неговата депортација од Австралија по одбивањето да се вакцинира.
„Многу е тешко последните 10-15 години да не се фокусирате на тие тројца. Тие направија нешто надвор од овој свет, освоија по 20 гренд слема. Мислев дека седум е фантастична бројка, но сега не изгледа така. Ги гледаме овие легенди како играат во исто време, но од друга страна иднината е пред нас и треба да имаме и други ѕвезди“, додава Мекинро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.
Спорт
Покетино: Лукаку е играч на Челси
Ромелу Лукаку, во целост ја оживеа кариерата во Рома. Клубот има можност да го откупи неговиот договор, но прашање е дали има пари да вложи во трансферот на Белгиецот.
Лукаку не успеа да се наметне во Челси, самиот побара да замине, а неколку пати изјави дека нема намера да се враќа во Лондон. Минатата сезона ја мина во Интер, а оваа е во Рома.
За статусот на курпулентниот Белгиец проговори и тренерот на сините, Маурисио Покетино.
„Тој е играч на Челзи, па ќе обрнеме внимание на него. Ваков став во овој момент има клубот, но се уште немаме донесено никаква одлука“, изјави Покетино.
Лукаку оваа сезона постигна 18 гола на 41 натпревар за Рома во сите натпреварувања.