Спорт
Мектоминеј му го расипа совршениот меч на неверојатниот втор голман на Омонија
Кипарскиот клуб Омонија Никозија беше на чекор го направи најголемото изненадување во четвртото коло на Лига Европа, откако предводени од својот втор голман 23-годишниот Нигериец Френсис Узохо го исфрустрираа Манчестер јунајтед во 90 минути, пред замената Скот Мектоминеј во 91. минута да ги донесе трите поени за „ѓаволите“.
„Ѓаволите“ имаа речиси 70 отсто од поседот на топката, над 30 удари на голот, но Узохо беше во неверојатна форма, сопирајќи ги сите обиди кон неговиот гол. Но, во финишот на мечот, по еден корнер, Мектиминеј се снајде најдобро и го совлада несреќниот голман на кипарскиот тим. Реал Сосиедад остануваат лидери во групата со рутинската 3:0 победа над Шериф Тираспол.
Најнеизвесно ќе биде во групата Ф, каде пред последните две кола, четирите клуба имаат по 5 поени. Откако Феенорд одигра 2:2 со Митјиланд, Лацио не издржа со 10 играчи и мораше да се задоволи со 2:2 реми со австрискиот Штурм Грац. Чиро Имобиле ги донесе Лацио во водство со гол од пенал во финишот на првото полувреме, но веднаш потоа Лацари доби црвен картон. Вилијам Бовинг израмни за Штурм во 56. минута, но Педро во 71. најави победа за домаќините, пред Бовинг во 83. минута да ги постави конечните 2:2.
ЛИГА ЕВРОПА, 4.КОЛО
ГРУПА А
ПСВ Ајндховен – Цирих 5:0
ГРУПА Ц
Лудогорец – ХЈК Хелсинки 2:0
ГРУПА Д
Унион – Малме 1:0
ГРУПА Е
Манчестер јунајтед – Омонија 1:0
Реал Сосиедад – Шериф Тираспол 3:0
ГРУПА Ф
Лацио – Штурм 2:1
ГРУПА Х
Ференцварош – Црвена звезда 2:1
Трабзонспор – Монако 4:0
КОНФЕРЕНЦИСКА ЛИГА ЕВРОПА, 4.КОЛО
ГРУПА Б
ФЦСБ – Силкеборг 0:5
Вест хем – Андерлехт 2:1
ГРУПА Ц
Хапоел Бер Шева – Лех Познањ 1:1
ГРУПА Д
Ница – Словацко 1:2
ГРУПА Е
Вадуц – Днипро-1 1:2
ГРУПА Ф
Шамрок роверс – Молде 0:2
ГРУПА Г
Балкани – Сиваспор 1:2
ГРУПА Х
Жалгирис – Пјуник 2:1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.