Актуелниот англиски шампион Ливерпул, по репрезентативната пауза, викендов им се враќа на обврските во Премиер лигата.

Екипата на Арне Слот моментално го зазема осмото место на табелата со шест победи и пет порази, а ќе имаат можност за нов почеток во сабота пред домашната публика на „Енфилд“,против Нотингем Форест.

Сепак, холандскиот стратег се соочува со нови кадровски проблеми. Меѓу отсутните е и засилувањето Флоријан Вирц, кој е повреден.

„Има два мускулни проблеми. Не очекувам Конор Бредли да биде во конкуренција во следните 22 дена. За Флоријан Вирц, закрепнувањето можеби нема да трае толку долго. Џереми Фримпонг исто така е надвор од игра на неодредено време и сигурно нема да биде достапен во наредните недели. Можно е еден или двајца играчи да мора да играат на позиции кои не им се природни“, рече Слот.

Сепак, има добри вести за навивачите – Алисон се врати во тимот по повредата и ќе биде подготвен за дуелот со Нотингем Форест.

Кол Палмер навистина нема среќа со повредите оваа сезона. Токму кога се врати во тренажен процес, по двомесечна пауза поради проблеми со препоните, асот на Челзи мора да направи уште една пауза. Палмер, во својот дом скршил прст на ногата.

„За жал, имаше несреќа дома, скрши прст на ногата. Не е толку лошо, но сигурно нема да игра следната недела, а имаме натпревари против Барнли, Барселона во Лигата на шампионите и Арсенал. Ќе видиме следниот викенд, пред натпреварот со Арсенал, но да не шпекулираме сега “, објасни менаџерот на Челзи, Енцо Мареска.

Палмер одигра само четири натпревари оваа сезона, три во Премиер лигата и еден во Лигата на шампионите, постигнува два гола за вкупно 235 минути на теренот.

Помина речиси еден месец од Ел Класико, во кое Реал Мадрид ја победи Барселона со 2:1 на Сантијаго Бернабеу. Дербито беше полно со тензии од двете страни, а долгогодишниот голман на Реал, Тибо Куртоа, проговори за она што се се случуваше.

Белгиецот беше вмешан во инцидент со Ламин Јамал, кој претходно се расправаше со капитенот на Реал, Дани Карвахал.

Пред натпреварот, Јамал ја „вжешти“ атмосферата, со изјавата дека играчите на Реал постојано се жалат дека се ограбени. Минатата сезона Реал остана без трофеј, но оваа сезона играат најдобро во првенството и имаат три бода предност пред Барселона.

„Ламин Јамал кажа секакви работи и го разгоре огнот пред натпреварот, а новинарите го искористија тоа. Видов дека разговараше со Карвахал на натпреварот. Секако, ако почне да зборува нешто, ќе реагирам. Веќе споменав дека атмосферата беше напната. Тензиите беа високи, адреналинот работеше. Понекогаш се кажуваат непотребни зборови во такви услови. Ел Класико е такво, ни треба таква атмосфера. Минатата сезона загубивме од Барселона четири пати. Тие се наши ривали. Не нè почитуваа ниту еднаш кога победуваа, не нè почитуваат ниту сега. Немам проблем со Јамал, конфликтите се нешто што се случува на теренот.

Да го видам утре во ресторан, би го поздравил. Нема проблеми меѓу мене и него, но конфликтите понекогаш се случуваат во фудбалот. Она што го направи пред натпреварот беше да додаде масло на огнот. Нè мотивираше во Ел Класико уште повеќе од вообичаено“, изјави Куртоа за КОПЕ.