Спорт
Менаџерот на Левандовски на итен состанок во Минхен
Роберт Левандовски со секој ден е се подалеку од Баерн Минхен. Полјакот влегува во последната година од договорот, а се уште не добил понуда од клубот да ја продолжи соработката.
„Билд“ денеска открива дека Левандовски не е во добри односи со тренерот Јулијан Нагелсман, не се согласува со неговите тактички замисли.
Левандовски со години е главната гол-машина на Баерн, Нагелсман има различни идеи, сака да ја распореди својата муниција во нападот и Полјакот повеќе се жртвува за своите соиграчи.
„Билд“ пишува дека преговорите за нов договор се во застој, дека менаџерот на фудбалерот Пини Захави најверојатно денеска ќе се сретне со Хасан Салихамиџиќ и Оливер Кан за да ги претстави плановите за својот клиент.
Баерн очекува Захави денеска да ја претстави понудата на Барселона, откако доби гаранции од неговиот пријател Жоан Лапорте дека Каталонците ќе му понудат на Лева тригодишен договор.
Барса по секоја цена го сака Левандовски откако се откажа од прескапиот Ерлинг Халанд.
Каталонците немаат пари за Дарвин Нуњез, а Лева влегува во последната година од договорот, незадоволен е и на 34 години би можел да биде на „попуст“.
Каталонските медиуми тврдат дека Левандовски и неговото семејство сакаат да живеат во Барселона, Полјакот е подготвен да ја намали својата плата, што нема да прифати во Баерн по се што направи за клубот.
Пини Захави и Лапорта имаат одлични односи, па останува само Баерн да ја прифати потенцијалната понуда на Барселона, која не може да издвои повеќе од 40 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Му успеало со Мбапе: Емирот на Катар ќе го убедува Зидан да седне на клупата на ПСЖ

Емирот на Катар лично ќе има преговори со француската фудбалска легенда Зинедин Зидан и ќе се обиде да го убеди да го преземе кормилото на Пари Сен Жермен. Тоа истото претходно го направил и со Килијан Мбапе, на кого му објаснил дека францускиот првак ќе доминира во светот на фудбалот во наредната деценија.
Емирот Тамим бин Хамад Ал Тани во наредните неколку дена ќе го покани Зинедин Зидан во својата резиденција во Катар и ќе му ги образложи плановите на клубот.
Финансискиот дел од приказната се чини дека не е проблем, со оглед на моќта што ја има ПСЖ. Една од главните причини е што Зидан израсна во Марсеј и го носеше дресот на овој клуб во текот на кариерата, а тоа е „смртниот непријател“ на ПСЖ.
Спорт
Чиле го назначи Едуардо Берисо за нов селектор

Чиле го назначи искусниот aргентински стратег Едуардо Берисо за нов селектор на фудбалската репрезентација по неуспехот на селекцијата да се пласира на Светското првенство оваа година. Берисо доаѓа на местото на Мартин Ласарте, кој беше отпуштен во април откога Чиле ја пропушти завршницата на мундијалот во Катар.
Берисо (52) ја почна својата тренерска кариера како помошник на тогашниот селектор Марсело Биелса во 2007 година. Оттогаш тој беше тренер на аргентинскиот клуб Естудијантес, Севилја и на Атлетик Билбао во Шпанија, а до неодамна го предводеше Парагвај.
Неговите први натпревари на кормилото на Чиле ќе ги има следниот месец против Јужна Кореја и против Тунис.
Спорт
Мурињо е „фудбалскиот Цезар“ – Португалецот доби фантастичен мурал во Рим (ФОТО)

Португалскиот стратег Жозе Мурињо го донесе првиот европски трофеј за Рома, откако италијанскиот тим го совлада Феенорд во финалето на Конференциската лига на УЕФА. По ова, Мурињо стана „вечен“ во „вечниот“ град.
Фановите на Рома му посветија мурал – Мурињо насликан како Цезар.