Спорт
Мерцедес се договори со поранешниот шеф на Ферари
Тимот на Мерцедес го ангажираше поранешниот директор за дизајн на Ферари, Симоне Реста како нов директор за стратешки развој.
Како што објави денеска Би-би-си, 53-годишниот Италијанец ќе почне да работи во Мерцедес во 2025 година.
Неговото доведување е клучен дел од процесот на реструкција на Мерцедес, бидејќи тие сакаат да се вратат во борбата за титулата.
Реста работеше со техничкиот директор на Мерцедес Џејмс Алисон во Ферари од 2013 до 2016 година.
Алисон, кој во тоа време беше технички директор на италијанскиот тим, го назначи Реста за шеф на дизајн во 2014 година.
Тој беше на таа позиција кога Ферари ги креираше своите болиди од 2017 и 2018 година, најконкурентни дизајни што излегоа од Маранело во претходната деценија.
Реста потоа се пресели во Заубер во мај 2018 година, се врати во Ферари во август 2019 година и се пресели во Хас во 2021 година, каде што остана до заминувањето на директорот на тимот Гунтер Штајнер оваа зима.
Мерцедес ќе го доведе Енрике Самп од Ферари, кој ќе стане шеф на софтверски апликации за перформанси во германскиот тим.
Мерцедес има многу проблеми од 2022 година и воведувањето новите правила во Формула 1. Мерцедес во последните две години оствари само една победа во Формула 1 шампионатот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Активирана ракометна „бомба“ во Подгорица – Дидие Динар е селектор на Црна Гора!
Дидие Динар, членот на генерацијата која доминираше во светскиот ракомет и поранешен селектор на Франција, едно од најголемите ракометни имиња во светот, е нов селектор на репрезентацијата на Црна Гора!
Ова големо ракометно име во Црна Гора носи импресивна кариера и како играч и како тренер.
Динар стана десеттиот селектор на „лавовите“ откако Владо Шола поднесе оставка во мај, по елиминацијата од Италија во баражот за Светското првенство.
Неговото деби на клупата на црногорската селекција се очекува на 6 ноември против Финска, во рамките на квалификациите за ЕП 2026 година.
Спорт
(Видео) Перу го победи Уругвај
Фудбалерите на Перу го победија Уругвај на домашен терен со 1:0, во последниот натпревар од деветтото коло во јужноамериканските квалификации за Светското првенство.
Голот за огромни три бода. го постигна стоперот Мигел Араухо во 88. минута, играч на американски Портланд.
Со оваа победа Перу ги задржа шансите за пласман во Мундијалот во 2026 година.
Перу е претпоследен со шест бода, Уругвај трет со 15. Аргентина е лидер со 19 бодови, Колумбија има 16, Бразил е четврти со 13, Еквадор е петти со 12, исто толку колку и шестопласираната Боливија, а Венецуела е седма со 11.
Над Перу е Парагвај со 10 бодови, а зад „фенерџијата“ Чиле со пет бодови.
Најдобрите шест селекции од Јужна Америка директно ќе се пласираат на СП по 18 одиграни кола, додека седмопласираната ќе оди во интерконтиненталниот плеј-оф.
Спорт
Марка: Би било лошо доколку Реал го врати Серхио Рамос
Реал Мадрид е во криза поради бројните повреди и отсуства кои најмногу ја погодија дефанзивната линија. Повредени се голманот Тибо Куртоа и дефанзивците Едер Милитао, Давид Алаба и Дани Карвахал. Извесно е дека сезоната е завршена за десниот бек, Карвахал.
Откако се повреди Карвахал, дел од шпанските медиуми шпекулираа дека во Реал би можел да се врати поранешниот капитен Серхио Рамос.
38-годишникот е слободен играч откако му истече договорот со Севилја. Дел од навивачите би се согласиле со неговото враќање, но „Марка“, медиум близокдо клуботпишува дека Реал ќе направи голема грешка доколку го врати Рамос.
Главна причина се неговите години, и непишаното правили: „Ако го напуштиш Реал, не враќај се“.
Иако Рамос има култен статус во „кралскиот клуб“, раководството на Реал нема стратегија за потпишување на ветерани. Затоа ни Хари Кејн не дојде пред нешто повеќе од една година. Реал најверојатно ќе се фокусира на доведување на некои помлади играчи, пишува „Марка“.