Спорт
Меси луто одговори: Преку глава ми е постојано јас да сум виновен за нешто
Лионел Меси луто одговори на тврдењата дека тој е виновен што Антоан Гризман не се навикнал на животот во тимот на Барселона, одговарајќи дека му е преку глава да ја носи вината за сите неуспеси во клубот.
Чичкото и поранешен агент на Гризман, Емануел Лопес, го критикуваше Меси, посочувајќи го како „изворот на сите проблеми во Барселона“, откако тој се обиде да си замине во текот на летото разочаран од водството на клубот и разочарувачкиот 8:2 пораз од Баерн во ЛШ. Од друга страна, Гризман не ги исполни големите очекувања на Каталонците, според многумина поради Меси и неговото влијание.
„Тој беше убеден дека нема да биде успешен во првите шест месеци, но не го очекуваше ова. Со Меси и тоа што се случува во клубот не е лесно. Меси не работи доволно добро за Барса, која пак сака да му погоди“, изјави Лопес неодамна.
На аеродромот „Ел Прат“ во Барселона, при враќањето од репрезентативните обврски, Меси не беше подготвен да одговара културно на прашањата.
„Уморен сум од тоа секогаш да бидам нечиј проблем во клубот. Пристигнувам тука по 15 часа лет и начекувам даночен агент тука, ова е навистина смешно“, изјави лутиот Меси.
⚽?? Messi ha tornat a Barcelona en bones condicions físiques i ha hagut de pagar un impost a la duana de l'aeroport del Prat https://t.co/OCYt5x5cF7 pic.twitter.com/ehyTCXUizd
— Esport3 (@esport3) November 18, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.