Спорт
Меси со хет-трик го престина Пеле
Аргентина ја победи Боливија со 3:0, во деветтото коло, во квалификациите за пласман на Светското првенство. Головите за Аргентина ги постигна Лионел Меси. Најдобриот аргентински фудбалер успеа да го урне рекордот на Пеле, тој сега е најдобриот стрелец во историјата јужноамериканските репрезентации. Во деветтото коло победи забележаа сите домаќини.
Аргенина успеа да ја оправда фаворитската улога против Боливија, го задржа второто место на табелата и направи голем чекор кон пласманот на СП.
Меси постигна еден гол во првото и два во второто полувреме.
Играчот на ПСЖ стигна до бројката од 79 голови во 153. настап за репрезентацијата. Тој на вечната листа го престигна Пеле, кој во кариерата за Бразил постигнал 77 голови.
Бразил, во еден шарен состав, лесно го скрши отпорот на Перу. Победата Бразилците ја обезбедија во првото полувреме со головите на Рибеиро и Нејмар.
Значајна победа, на истекот на натпреварот, забележаа фудбалерите на Уругвај против Еквадор. Единственот гол го постигна Переиро во 92. минута.
Парагвај славеше против Венецуела со 2:1, додека Чиле по поразот во Колумбија речиси нема шанси да се пласира на СП. Колумбијците славеа со 3:1. Два гола постигна Борха за нецели две минути, Менесес намали на 2:1, а конечниот резултат го постави Дијаз.
На табелата води Бразил со 24 поени, Аргентина има 18, Уругвај е на третото место со 15, потоа следуваат Еквадор и Колумбија со 13, Парагвај со 11, Перус со 8, Чиле со 7, Боливија со 6 и Венецуела со 4 бода.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пјастри го освои спринтот во Катар пред Расел и Норис
Оскар Пјастри го освои спринтот на патеката „Лосаил“, во пресрет на утрешната Голема награда на Катар. Австралиецот оствари хет-трик во спринтот на оваа патека, победи и претходните две сезони. Пјатри, до победата дојде пред возачот на Мерцедес, Џорџ Расел и тимскиот колега, Ландо Норис.
Апсолутно никакви возбудувања не донсе спринтот во Катар. Првите тројца ги задржаа своите позиции, напредуваше, што беше и очекуано, Макс Ферстапен од шестото на четвртото место.
Во текот на трката, Андреа Кими Антонели успеа да ја поправи својата позиција, стартуваше седми, заврши на шестото место.
Бодови покрај најдобрите тројца, односно Ферстапен и Цунода, освоија и Антонели (Мерцедес), Фернандо Алонсо (Астон Мартин) и Карлос Саинц (Вуилијамс).
Вечерва од 19.30 часот, на програмата се квалификациите за главната трка. Големата награда на Катар се вози утре од 17 часот.
Во генералниот пласман води Норис со 396 поени, има 22 поени повеќе од Пјастри и 25 од Ферстапен. Доколу Норис утре победи ќе ја освои шампионската титула.
Foto/ EPA
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.

