Спорт
Меси: Со задоволство би се вратил во Барселона, ривалството со Роналдо е историско
Лионел Меси во интервју за „Марка“, говорел за Барселона, ПСЖ, Кристијано Роналдо, Серхио Рамос, Килијан Мбапе, новиот тренер на Барселона Чави…
Аргентинецот, во летниот преоден рок, ја напушти Барселона по 17 години и се пресели во Париз. На „Паркот на принцовите“ го пречекаа големи ѕвезди на светскиот фудбал: Нејмар, Мабпе, Ди Марија, Верати, а му се приклучија Серхио Рамос и Џиџи Донарума.
Финансиската ситуација во Барселона не му дозволи на клубот да го продолжи договорот со Меси.
„Ми кажаа дека не можат да ми понудат нов договор и дека не можам да останам. Нема потреба да се бара виновник, нема потреба да се враќаме на она што веќе се случи. Ќе го прифатам она што го кажаа“, рекол Меси.
Тврди дека еден ден ќе се врати во Барселона, клубот на неговиот живот.
„Тоа е мојот дом, таму ќе живеам. Ако можам да поможам и да придонесам, со задоволство би се вратил во клубот“.
Меси открил дека тој и неговото семејство целосно се прилагодиле на животот во Франција. Прилагодбата одела полесно од она што го очекувал. Главна цел сезонава во е трофејот во Лигата на шампионите. ПСЖ е еден од главните фаворити за победа во ова натпреварување.
„Нема да кажам дека не сме фаворити. Во овој момент ни требаат некои работи за да бидеме моќен и силен тим. Ќе треба да легнат работите. Имаме среќа што имаме играчи кои можат тоа да го постигнат. Но не сме само ние фаворити. ЛШ е тешко натпреварување“.
Меси проговорил и за големиот ривал Кристијано Роналдо, кој ова минатото лето се врати во Манчестер јунајтед.
„Се прилагоди на импресивен начин. Од почетокот почна да дава голови, не му беше потребно време за прилагодување. Во Премиер лигата не им оди најдобро, но таа лига е многу израмнета и тешка. Минаа неколку години откако не се натпреваруваме во исто првенство. Се натпреварувавме индивидуално и тимски, луѓето уживаа. Тоа е убав спомен кој ќе остане запишан во историјата на фудбалот“.
Објаснил како се чувствувал првите денови во соблекувалната и колку му било чудно што го има за соиграч Серхио рамос.
„Имав среќа што дојдов во клуб со добри играчи и добри луѓе, тоа е најважно. Веднаш се прилагодив, и покрај тоа што ми беше малку чудно на почетокот. Чудно ми беше што по толку години ривалство сум во ист тим со Рамос. секогаш се почитувавме. Во ПСЖ видов дека тој е врвна личност“.
Не сака да ја коментира иднината на Килијан Мбапе.
„Можам само да кажам дека ми е драго што е тука оваа сезона. Тој е важен играч за нашиот тим и целите кои ги имаме. Целосно е фокусиран. Што ќе биде понатаму не знам“.
Среќен е што неговиот поранешен соиграч, Чави, се врати во Барселона, сега во улога на тренер.
„Браса е во период на реконструкција. Има многу млади играчи во тимот. Во овој момент има подобри екипи од Барселона, но тоа не значи дека нема да се борат. Пријател сум со Чави, често разговараме. Сигурен сум дека добро ќе му оди, навивам за него. Ситуацијата во Барселона ме прави тажен. Им посакувам се најдобро“.
На крајот, Меси потврдил дека ќе игра на СП во Катар и дека таму Аргентина ќе биде еден од фаворитите за титулата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Влаховиќ се соочува со долга пауза
Јувентус, вчера, го победи Каљари со 2:1, но остана без првиот напаѓач, Душан Влаховиќ. Репрезентативецот на Србија, побара измена во 30 минута.
Препоната е проблемот со кој се соочи Влаховиќ во текот на натпреварот. Со болна гримаса, во очај, Влаховиќ се упати кон клупата кога од неговите усни можеа да се прочитаат зборовите упатени до тренерот Спалети.
„Мистер, мислам дека гадно се повредив“.
На прес-конференцијата, тренерот на Јувентус потврди дека српскиот фудбалер ќе мора да мирува некое време, не е сигурен колку долго, но стравува дека тоа ќе биде подолг период.
„Го одморив против Боде/Глимт бидејќи не сакав да го преоптоварувам, но и покрај таа претпазливост, тој се повреди. Според мене, тој скапо плати за ударот што не го изведе како што сакаше – ако имаше целосен контакт со топката, немаше да се повреди. Штета, ќе бидеме без него долго време.“
Точниот степен на повредата на Влаховиќ ќе се знае во текот на денот кога ќе биде подложен на детални прегледи во амбулантата на клубот.
Лошата среќа со Влаховиќ доаѓа во лошо време за Јуве, пред месецот во кој тимот ќе игра со кандидати од врвот на табелата: Наполи, Болоња и Рома.
Спорт
Жељко Обрадовиќ дефинитивно го напушти Партизан
Жељко Обрадовиќ повеќе не е тренер на кошаркарскиот клуб Партизан, официјално објави клубот.
„Поранешниот тренер на црно-белите остана доследен на својата одлука да не ја повлече оставката поради фактот што не се гледа себеси како работи со сегашниот тим, како и влијанието што секојдневната работа на ова ниво го има врз неговото здравје. На тренерот Обрадовиќ му беше дадена целосна и недвосмислена поддршка да продолжи со својата работа и да преземе сите потребни чекори за црно-белиот тим да ја надмине сегашната криза на играта и резултатите.
По состанокот, а потоа и неколку дополнителни обиди од претседателот Остоја Мијаиловиќ и членовите на Извршниот одбор да го убедат Обрадовиќ да ја промени својата одлука“, се вели меѓу другото во соопштението објавено на официјалната клупска страница.
Освојувачот на двете европски титутли (пет со ПАО, по една со Партизан, Хувентуд, Реал и Фенербахче), во средата поднесе неотповиклива оставка на функцијата. Ден подоцна се врати во Белград, каде беше пречекан од навивачите на аеродромот „Никол Тесла“.
Еуфоричната атмосфера не влијаеше врз него да ја смени одлуката. По еден состанок со клупските челници, потврди дека си оди клубот. Покрај Обрадовиќ, ден претходно клубот го напушти и спортскиот директор, Зоран Савиќ.
Партизан игра лошо оваа сезона во Евролигата, има скор од четири победи и девет порази и се наоѓа на 16-то место на табелата. Во моментов тимот има седум порази на последните осум натпревар.
Во 14.коло, во Белград ќе гостува Баерн Минхен на 4 декември.
Спорт
(Видео) Најмладиот прв пик во историјата ги растури ЛА Клиперс
Младиот американски кошаркар Купер Флег го одигра најдобриот натпревар во својата НБА кариера во ноќта помеѓу саботата и неделата.
Флег ги предводеше своите Далас Маверикс до победа од 114:110 над Лос Анџелес Клиперс.
Суперталентираниот 18-годишник го заврши натпреварот со 35 поени (13/22), осум скока и две асистенции.
Флег со тоа стана најмладиот НБА играч во историјата со 35+ натпревари во својата кариера, на 18 години и 343 дена.
Покрај тоа, тој беше херој на својот тим бидејќи постигна осум поени во последните три минути и му даде можност на Далас да дојде до голема победа во пенал завршницата.
Ентони Дејвис повторно не играше, а покрај Флег се истакнаа и Клеј Томпсон со 23 и Наџи Маршал со 18 поени.
Од друга страна, 30-те поени и осум скока на Кавај Ленард, 29-те поени, осум скока и 11 асистенции на Џејмс Харден и 19-те поени и 11 скока на Ивица Зубац не беа доволни Клиперс да го избегнат поразот.
Двата тима се лоши од почетокот на сезоната, се наоѓаат на 12-то и 13-то место во Западната конференција, зад нив е само Њу Орлеанс.
Резултати:
Минесота – Бостон 119:115
/Едвардс 39 – Браун 41/
Шарлот – Торонто 118:111
/Бриџис 25 – Барнс 30/
Индијана – Чикаго 103:101
/Сијакам 24 – Гиди 17/
Мајами – Детроит 135:138
/Вигинс 31 – Канингем 29/
Милвоки – Бруклин 116:99
/Адетокунбо 29 – Волф 22/
Голден Стејт – Њу Орлеанс 104:96
/Батлер 24 – Вилијамсон 25/
Феникс – Денвер 112:130
/Брукс 27 – Јокиќ 26/
Скопје утрово се разбуди со температури под нулата
Најниска температура утрово е измерена со во Скопје – Петровец – 2 степени, во Штип, Струмица, Крушево, Маврови Анови –...
Поплавени дворови, подруми и ниви во Општината Чешиново – Облешево, не се чистеле каналите
Во Општината Чешиново – Облешево во повеќето од населени места се поплавени дворови, подруми, ниви со неожнеан ориз и житни...
Марш на ангелите“ во Кочани: До кога ќе се одложува правдата и вистината за „Пулс“
Родителите и блиските на загинатите во пожарот во „Пулс“ одржаа уште еден „Марш на ангелите“ во Кочани, кој почна од...
Анализите покажаа дека нема тешки метали во водата што ја пиеле затруените деца од ОУ „Димо Хаџи Димов“
Институтот за јавно здравје (ИЈЗ) денеска информира дека целосно се завршени анализите на мострите од вода земени од ОУ „Димо...
Поголем дел од Скопје утре без вода
ЈП „Водовод и канализација“ – Скопје информира дека утре, 30 ноември (недела), поради два одделни зафати на водоводната мрежа, повеќе...
Бесплатни уролошки прегледи денес во амбулантата на Специјализираната болница за геријатриска и палијативна медицина
По повод Месецот на машкото здравје – Мовембер, во амбулантата на Специјализираната болница за геријатриска и палијативна медицина „13 Ноември”...
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти. Градоначалникот...
Преговорите со САД за мировниот план за прекин на конфликтот со Русија ќе почнат наскоро, вели Зеленски
Украинскиот претседател Володимир Зеленски изјави дека на преговорите со Соединетите Американски Држави за мировниот план за прекин на конфликтот со...
Во притвор се сите осомничени за грабежот во Лувр во Париз вреден 88 милиони евра
Четворицата наводни главни извршители на кражбата на скапоцености во Лувр во Париз сега се зад решетки, соопшти вчера јавниот обвинител...
ЕУ ѝ постави ултиматум на Украина
Киев мора да преземе решителни мерки за гонење на корумпирани политичари и бизнисмени ако Украина сака да се приклучи на...
Главниот советник на Зеленски поднесе оставка
Андриј Јермак, моќниот шеф на кабинетот на украинскиот претседател Володимир Зеленски, поднесе оставка. Оставката дојде откако агенти од Националното биро...
Трамп му ги предава окупираните украински територии на Путин, пишува Телеграф
САД наводно се подготвени да ја признаат руската контрола врз Крим и другите окупирани украински територии со цел да се...
Во мусаката од првата смена пронајдени бактерии, истите откриени и на чешмите во училиштето „Димо Хаџи Димов“
По стомачните тегоби кај десетици ученици во „Димо Хаџи Димов“, инспекциите утврдија нехигиена на чешмите во училниците и кујната. На...
Од 1 декември поскапува парното: сметките повисоки за околу 130 денари
Регулаторната комисија за енергетика, водни услуги и управување со комунален отпад (РКЕ) ја информира јавноста дека од 1 декември цената...
Мицкоски: Имам информации дека судија известител ставил потпис на извештајот со кој се укинува линеарното покачување на пензиите
„Ќе кажам дека вчера за време на пратеничките прашања бев многу прецизен и кажав дека имам информации дека е отпочната...
Mаж најден починат утрово на тротоар на „Илинденска“
Утрово околу 07:00 часот, во полицијата било пријавено дека на тротоар на булеварот „Илинден“ во Скопје бил пронајден починат Т.К....
(Видео) Мицкоски: Без ефикасна и чесна даночна администрација нема силна економија и одржливи јавни финансии
Без ефикасна и чесна даночна администрација нема ниту силна економија, ниту одржливи јавни финансии, ниту држава што може да планира...
Струмичанецот што со шприц сакаше насилно да ѝ вшприца на сопругата пестицид ќе одговара за обид за убиство
Струмичанец со шприц сакал насилно да ѝ вбризга на сопругата пестицид. Таа почнала да вика, а двете малолетни деца слушнале...
Водата во ООУ „Димо Хаџи Димов“ е исправна и може непречено да се употребува, велат од „Водовод“ по труењето во училиштето
Од ЈП „Водовод и канализација“ – Скопје информираат дека по извршениот вонреден мониторинг, водата во ООУ „Димо Хаџи Димов“ во...
(Фото) Отстранета дивоградба на улицата Орце Николов, Герасимовски најави расчистување на бесправните објекти
Во рамките на обемната акција за отстранување дивоградби, Општина Центар ја урна нелегалната доградба на деловен објект на улица „Орце...
