Марио Балотели открива дека неговата мајка „плачела“ од среќа кога дознала дека тој потпишал за својот клуб од детството Бреша, додавајќи дека било сон на неговиот татко да го види во овој дрес.

Иако Балотели е роден во Палермо од родители со потекло од Гана, тој се пресели во Бреша, Ломбардија на две години и семејството кое го посвои уште живее таму, иако неговиот татко неодамна почина. Бреша затоа е негов „матичен“ клуб иако тој почна во академијат ана Лумецане и никогаш не играше за Бреша.

„Се сретнав со претседателот на Бреша уште во Англија пред многу години. Мино Рајола ми ја даде идејата и не беше тешко да се склучи договор. Воопшто не се плашам. Целта е овој клуб да расне и да помогнам на соиграчите. Не ги читам весниците, ниту гледам телевизија, така што сите негативни приказни околу мене се кажувани од другите. Бреша е мој град, така што тука можам да го дадам максимумот. Мојата мајка плачеше кога и кажав дека ќе се вратам во Бреша. Мојот татко беше од Бреша, навиваше за клубот и сонуваше да ме види во овој дрес, така што сметам дека и тој е среќен“, вели Балотели.

 

View this post on Instagram

 

Finalmente torno nella MIA CITTÀ, Brescia ci sono @brescia_calcio #finallyMario #homecoming

A post shared by Mario Balotelli🇮🇹👨‍👧‍👦🦁 (@mb459) on Aug 18, 2019 at 11:14am PDT

Филипе Кутињо како да сакаше што е можно побргу да избега од „Ноу Камп“, откако на презентацијата како нов фудбалер на Баерн Минхен проговори за своите неславни година и пол во Каталонија.

Бразилецот беше донесен како огромно засилување на Барселона во јануари 2018 година од Ливерпул за 160 милиони евра, но честопати беше на мета на навивачите, откако по осумте гола во првите 18 меча во Ла лига, лани одигра само 22 меча како стартер. Тој признава дека работите не одеа како што треба во Барселона.

„Работите не се остварија како што очекувавме, но Барселона сега е во минатото. Ова е нов клуб, голем и важен клуб и се надевам дека ќе бидам тука долго време и ќе освојам многу титули. Сепак, искуството небеше лошо во Барселона. Научив многу во тој клуб и потоа ја освоив Копа Америка со Бразил што беше многу важно за мене“, вели Кутињо.

Тој додава дека спортскиот директор Хасан Салихамиџиќ е најзаслужен за трансферот.

„Воопшто не се сомневав кога ми се јави Хасан. Тој навистина сакаше да дојдам во Баерн, дојде во Барселона ми го покажа проектот и од првата секунда беше јасно каде ме гледаат“, вели Кутињо, кој може да дебитира за Баерн веќе во сабота на гости кај Шалке.

ФИФА ги објави десетте кандидати за „Пушкаш наградата“ за најдобар гол во 2019 година, а помеѓу кандидираните се и Лионел Меси, Златан Ибрахимовиќ, како и ветеранот на Сампдорија, Фабио Кваљарела.

За фантастичните голови можете да гласате до 31 август, а од топ 3 според гласовите на јавноста ќе биде одреден победникот од панел на легенди на ФИФА. Прогласувањето ќе биде на доделувањето на ФИФА наградите во Милано на 23 септември.

Помеѓу кандидираните се и Матеус Куња (РБ Лајпциг), Хуан Фернандо Квинтеро (Ривер плата), Аџара Ншут (Камерун), Ејми Родригез (Јута ројалс), Били Симпсон (Клифтонвил), Андрос Таунзенд (Кристал палас) и Даниел Жори (Дебрецен).