Спорт
Мидлтон го одигра мечот на кариерата, тежок пораз на Далас (Видео)

Милвоки Бакс без најдобриот играч Јанис Адетокумбо ги декласираа Вашингтон Визардс. Мечот го обележаа Крис Мидлтон и Ерик Бледсо кај Милвоки, односно Бредли Бил кај Вашингтон. Синоќа тежок пораз на домашен терен од Финикс Санас доживеаја Далас Маверикс.
Милвоки Бакс со 151:131 забележаа победа над Вашингтон Визардс. Бакс ја забележаа деветтата победа во низа и со скор 41/6 го држат првото место во лигата.
Во отсуство на Јанис, лидерската улуга кај Бакс ја презеде Крис Мидлтон. Бекот на Милвоки го одигра натпреварот на кариерата, постигна 51 поен (7/10 тројки), на кои придодаде 10 скока и шест асистенции.
Брилијантниот Мидлтон голема помош доби од Ерик Бледсо (34 поени, шест скока, 10 асистенции).
Бредли Бил не можеше да го поништи учинокот на овие двајца. Бил дуелот го заврши со 47 поени и шест асистенции.
Далас Маверикс доживеаја тежок пораз на домашен терен од Финикс Санас 104:133. Санс третата четвртина ја добија со 48:22 кога и го решија прашањето околу конечниот победник.
Девин Букер (32 поени, шест скока, девет асистенции) и Диандре Ејтон (31 поен, девет скока) го предводеа Финикс. Кај Далас се истакна Лука Дончиќ со 21 поен, шест скока.
Резултати:
Шарлот-Њујорк 97:92
Филалделфија-Голден стејт 115:104
Кливленд-Њу Орлеанс 111:125
Торонто-Атланта 130:114
Мемфис-Денвер 104:96
Мајами-Бостон 101:109
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
УЕФА жестоко го казни Малме

Дисциплинската и етичка комисија на Европската фудбалска унија (УЕФА) објави дека го казнила Малме со вкупно 110.000 евра поради инцидентите што ги предизвикале навивачите на шведскиот клуб за време на натпреварите против Копенхаген во третото коло од квалификациите за Лигата на шампионите (ЛШ).
На 5 август, фудбалерите на Малме и Копенхаген одиграа без голови во Шведска во првиот натпревар од третото квалификациско коло за Лигата на шампионите на УЕФА. Во соопштението на УЕФА се наведува дека шведскиот клуб е казнет со вкупно 50.000 евра затоа што навивачите палеле факели и ги затворале приодите за време на натпреварот со Копенхаген.
Исто така, Малме доби условна забрана од две години да ја затвори северната трибина во следниот натпревар како домаќин во европските клупски натпреварувања.
УЕФА изјави дека навивачите на Малме предизвикале инциденти и на реванш натпреварот против Копенхаген (0:5), кој се одигра на 12 август во Данска. Малме е казнет со 60.000 евра затоа што неговите навивачи фрлале предмети, кршеле столчиња и палеле факели за време на натпреварот против Копенхаген.
Исто така, шведскиот клуб доби двегодишна условна забрана за продажба на билети на своите навивачи за следната посета на натпреварите на УЕФА.
Спорт
Лидс потроши 20 милиони евра за напаѓач што минатата сезона постигна ниеден гол

Фудбалерот Ноа Окафор потпиша четиригодишен договор со Лидс. Швајцарецот (25) доаѓа од италијанскиот Милан и може да игра на двете крилни позиции, но и како централен напаѓач доколку е потребно.
Лидс му плати на Милан 20,5 милиони евра, а Окафор доби договор вреден 2,4 милиони евра по сезона до 2030 година.
Окафор постигна само еден гол со две асистенции на 21 натпревар во сите натпреварувања минатата сезона.
Окафор ја започна својата кариера во Швајцарија во Базел, каде што беше прогласен за најдобар млад играч на Суперлигата.
Потоа се пресели во Салцбург, каде што одигра повеќе од 100 натпревари во сите натпреварувања и постигна 57 гола.
Спорт
Милвоки донесоа засилување од Лос Анџелес

Поранешниот кошаркар на Лос Анџелес Клиперс, Амир Кофи, е нов играч на Милвоки, објави франшизата од Висконсин.
Овој 28-годишен крилен кошаркар ја помина целата своја НБА кариера со Клиперс. Своите најдобри натпревари ги имаше минатата сезона, кога играше во просек 24,3 минути, постигнувајќи 9,7 поени по натпревар.
Кофи, одигра вкупно 72 натпревари за Клиперс минатата сезона, забележувајќи 2,2 скока и 1,1 асистенција, додека шутираше со 47,1 процент од поле и одлични 40,9 проценти за три поени.
Во текот на својата кариера, Кофи има просек од 6,7 поени, 1,9 скока и 1,1 асистенција по натпревар.
Минатата сезона, Милвоки го заврши натпреварувањето во НБА лигата во првото коло од плејофот, со поразот во серијата против Индијана.