Дебаклот на Манчестер јунајтед во градското дерби го шокираше поранешниот капитен на клубот од „Олд Трафорд“, Рој Кин. Јунајтед беше поразен со 6:3 од градскиот ривал Сити, што е добар резултат со оглед на она што се случуваше на теренот на „Етихад“.

Во последните пет минути гостите со двата гола на Ентони Марсијал успеаја максимално да го ублажат понижувањето од страна на „граѓаните“. Сити го „скрши“ Јунајтед веќе во првите 45 минути кога дојде до водство од 4:0.

Поранешниот капитен, кој за време на неговите играчки денови беше олицетворение на борбеноста и го предводеше Јунајтед до седум титули во Премиер лигата, четири во ФА купот и една Лига на шампиони, откако одигра 472 натпревари, беше шокиран од играта на својот поранешен тим.

„Не можам да верувам што гледам. Јунајтед е мизерен во одбраната, очајно додава, насекаде имаат дупки. Фред и Ериксен како играчи од средниот ред ги развлекоа насекаде по теренот, се носат лоши одлуки… И можеше да заврши и полошо. Пред тренерот е огромна работа. Мора сега да излезе со се што има. Тој води голем клуб, тоа е Манчестер јунајтед, тој не може да дозволи ваков срам…“ изјави Кин како коментатор на „Скај спорт“.

„Не ми се верува колку е лош Јунајтед.. . Гордост, личност… Ништо од тоа не покажуваат“.

Монологот на запрепастениот Кин стана вирален. Поради начинот на кој го кажа, како и поради изразот на лицето додека со гадење зборуваше за играчите кои го резилат клубот на неговиот живот.

Roy Keane's half-time thoughts…????pic.twitter.com/urWkVlAtTC

— Pure Roy Keane (@PureRoyKeane) October 2, 2022

Мајами Хит го „врза“ најдобриот шести играч во лигата за минатата сезона, Тајлер Хиро со нов четиригодишен договор.

Хиро, по сезоната во која имаше просек од 20,7 поени по натпревар, доби договор вреден 130.000.000 долари.

Мајами Хит го зедоа Хиро, како 13. пик на драфтот во 2019 година, минатата сезона го формираше столбот на Хит заедно со Џими Батлер и Бем Адебајо, кои исто така добија договори вредни над 100.000.000 долари од Мајами.
Хиро минатата сезона како резерва постигна најмалку 30 поени на осум натпревари, што е најмногу од сезоната 2018/2019, кога такво остварување имаше Лу Вилијамс.

Заедно со Џордан Кларксон од Јута, тој е единствениот играч кој како резерва постигнал најмалку 1.000 поени.

Хиро е шестиот играч од класата 2019 кој добил продолжување на договорот, вклучувајќи ги и првите тројца избрани Зион Вилијамсон, Џа Морант и Ар-Џеј Берет.

Новак Ѓоковиќ, вчера, победи на турнирот во Тел Авив од серијата 250. Ова беше првиот турнир по Вимблдон на кој настапи српскиот тенисер.

Со освојувањето на трофејот во Тел Авив, Ѓоковиќ стана првиот тенисер кој освоил барем еден турнир на секоја подлога оваа сезона. Тој го освои Мастерсот во Рим на земјена подлога, победи на тревата на Вимблдон, а вчера на бетон триумфираше во Тел Авив.

Ѓоковиќ од Тел Авив се упати кон Казахстан, каде ќе игра на турнирот од серија 500 во Астана.

Доколку слави и во Казахстан, ќе стане првиот тенисер во историјата кој освоил по еден турнир во сите четири категории во една сезона.

Тирнирот во Астана е многу силен оваа сезона, учесници се Карлос АЛкараз, Стефанос Циципас, Данил Медведев, Феликс Оже Алијасим, Андреј Рублев.