Заврши сезоната во Првата македонска фудбалска лига. Од порано беа познати шампионот, екипите кои ќе ја претставуваат земјава во европските купови, како и тимовите кои од следната сезона ќе се борат во послаба конкуренција.

Шампион сезонава е тимот на тетовска Шкендија, второпласиран по 33 кола е тимот на Шкупи, додека на третата позиција првенството го заврши екипата на Струга Трим Лум. Овие две екипи ќе играат квалификации за Лига Европа, а тетовци ги чекаат квалификации за ЛШ.

Дамка на последното коло е влегувањето на стадионот во Тетово на навивачите на Шкендија кои и покрај забраната за присуство на навивачи на трибините поради пандемијата на коронавирусот, тргнаа да ја прослават новата титула. Мечот беше прекинат на 15 минути пред крајот затоа што гостинските фудбалери се повлекоа во соблекувалните. Подоцна мечот продолжи, откако трибините беа испразнети, и заврши со резултат 1-1.

Ова се резултатите од денешното последно сезонско коло во ПМФЛ:

Шкендија – Шкупи 1-1,
Вардар – Македонија ЃП 0-2,
Ренова Работнички 1-1,
Академија Пандев – Борец 3-1,
Силекс – Струга ТЛ 0-1,
Пелистер – Беласица 2-0.

Четвртопласирана е екипата на Македонија ЃП, зад неа е тимот на Работнички.

На шестата позиција е Пелистер, зад битолчани е тимот на Академија Пандев. Осмопласиран е тимот на Борец Велес.

На последните 4 позиции на табелата најгоре е Силекс кој, како и Ренова, го чека бараж за опстанок во елитното друштво.

Второлигаши се тимот на Вардар и екипата на Беласица.
Фото: ФК Вардар

Џек Милер – мотоциклистот на Дукати вторпат во низа сезонава победува на трка од Мото ГП натпреварувањето. Милер попладнево беше најбрз на трката за Големата награда на Франција што се возеше на дождливата патека „Леман“.

Токму дождот направи вистински хаос меѓу мотоциклистите, а Австралиецот најдобро се снајде и прв мина низ целта.
На второто место денеска се пласираше Французинот Жоан Зарко, додека место на подиумот имаше за уште еден Французин – Фабио Квартараро.

A trip through the gravel, TWO long lap penalties, and a memorable victory! 👏

What an afternoon for @jackmilleraus! 🔝#FrenchGP 🇫🇷 pic.twitter.com/HdstwK5IRZ

— MotoGP™🏁 (@MotoGP) May 16, 2021

Водечки во генералниот пласман е Бањаиа, втор е Квартаро, додека трет е Вињалес.

Екипата на Наполи со победа од 2-0 попладнево во претпоследното коло од Серија против Фиорентина на гостински терен направи уште еден чекор поблиску до пласман во Лигата на шампионите идната сезона.

Иако тренерот на Наполитанците, Џенаро Гатузо на овој меч не му даде можност за игра на македонскиот репрезентативец, Елиф Елмас, тимот од Неапол со головите на Инсиње (56 минута) и Зиелински (67) минута ги освои трите бода против „виолетовите“ и се искачи на третата позиција на табелата со собрани 76 бода на 37 меча.

Зад Наполи останува Милан кој сега има 75 поени на четвртата позиција (одигран меч помалку, оној вечер против Каљари), додека Јувентус останува петтопласиран исто со 75 бода, но и полош межусебен скор од „Росонерите“.

Фиорентина првенството со сигурност ќе го заврши во вториот дел од табелата.