Спорт
Милевски: Без разлика на се, мислам дека сме на вистинскиот пат
Фудбалската репрезентација на Македонија загуби на домашен терен од Бугарија со 0-1 во последниот натпревар од ова издание во Лигата на нации. Селекторот Благоја Милевски вели дека и покрај поразите во низа, Македонија е на вистинскиот пат.
„Момците покажаа голема желба за победа и немам ништо да им замерам од таа страна. Во овие момци има потенцијал. Се наоѓаме во период на транзиција каде овие млади играчи што доаѓаат мора да добијат минутажа за да бидат конкуренти во квалификациите за ЕВРО 2024. Мислам дека сме на вистинскиот пат без разлика на сите проблеми што ги имаме, многуте откажувања и натпреварувачката форма. Дали двајца или тројца фудбалери имаат фул минутажа во своите клубови. Повторно од наш корнер примаме гол. Тоа се моменти на деконцентрација и мислам дека се тоа доаѓа од физичката неподготвеност. Но, имаме време до март и мислам дека фудбалерите многу повеќе ќе играат и во клубовите“, изјави Боби Милевски.
Селекторот на Бугарија, Младен Крстајиќ, беше многу порасположен по триумфот.
„Бугарија по четири години победи на гости. Одигравме добар натпревар. Не треба да се измислува топла вода во фудбалот. Без атмосфера и желба не може да се направи ништо во репрезентација. Никој не веруваше во нас пред овие два меча. Едноставно моравме да направиме рез. Јас бев победник како играч, тоа сакам да бидам и како селектор. Не е лесно да се игра пред овие прекрасни навивач, околу 20 илјади луѓе, овие млади играчи требаше да го издржат притисокот и да стигнат до победа“, изјави Младен Крстајиќ, селекторот на Бугарија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Чурлинов во 98.минута погоди за триумф на Јагелонија во Копенхаген
Јагелонија со победа ги започна натпреварите во Конференциската лига, благодарение на македонскиот репрезентативец Дарко Чурлинов.
Полскиот тим направи изнеандување бидејќи со пресврт победи во Копенхаген. Голот за победа го постигна Чурлинов во 98.минута.
Чурлинов на натпреварот не беше стартер и во игра влезе во 55. минута.
Инаку, Копенхаген до предност дојде преку Хатзидиакос во 12.минута, а резултатото во 51.минута го изедначи Пулулу.
GOAL🇪🇺 | København 1-2 Jagiellonia | Darko Churlinov pic.twitter.com/JWW64zubS8
— Kevin Highlights. (@abongo_jr) October 3, 2024
Спорт
Веспрем е светски клупски првак
Ракометарите на Веспрем победија на 17. издание на Светското клупско првенство. Натпреварот се одигра во престолнината на Египет, Каиро.
Веспрем во финалето славеше над минатогодишниот шампион, Магдебург. Натпреварот во регуларниот дел заврши 28:28, на крајот Веспрем славеше 34:33.
За тимот од Унгарија ова беше прва титула светски клупски шампион.
Во победата блескаа француските репрезентативци Фабрегас со девет и Ремили со осум гола.
Најдобар кај Магдебург беше Омар Магнусон кој постигна седум гола.
Спорт
(Видео) Мегваер херој – Јунајтед во Порто испушти водство 0:2
Комплетирано е второто коло во Лига Европа, а во дербиto Порто и Манчестер jунајтед ремизираа 3:3 (2:2) на „Драгао“.
Овој натпревар може да биде последен за Ерик тен Хаг, бидејќи Јунајтед има само два бода по две кола во Лигата на шампионите, против Порто „црвените ѓаволи“ испуштија предност од два гола, а бод спасија во 91.минута.
Веќе во седмата минута погоди Маркус Рашфорд, а истиот играч му асистираше на Расмус Хојлунд во 20. минута за 0:2.
Сепак, ниту тоа не вредеше бидејќи само осум минути му беа доволни на Јунајтед да прими два гола.
Најпрвин Пепе постигна гол во 27. минута за 1:2, а Саму Омородион израмни во 34. минута.
Порто продолжи да игра уште поофанзивно и тоа им донесе резултат во 50. минута, кога Саму Омородион со својот втор гол направи целосен пресврт.
Манчестер Јунајтед не успеа да најде одговор по тој колапс, а се изгледаше завршено во 81. минута кога Бруно Фернандеш доби втор жолт картон. Капитенот на Манчестер јунајтед втор натпревар по ред доби црвен картон.
Две минути подоца Гул имаше шанса да го реши мечот, меѓутоа Онана излезе како победник во дуелот „еден на еден“.
Казната Порто го стигна во 91. минута кога Хари Мегваер изедначи на 3:3.
Најголемото изненадување го припреди Елфсборг. Шведскиот тим со голот на Баиду од пенал ја победи Рома.
Резултати:
Бешикташ – Ајнтрахт 1:3 (0:2)
/Масуаку 93 – Мармус 19п, Ебимбе 22, Кнауф 82/
Твенте – Фенербахче 1:1 (1:0)
/Клапа 29 – Тадиќ 71/
ПАОК – ФЦСБ 0:1 (0:1)
/Бирлигеа 45+8/
Атлетик Билбао – АЗ Алкмар 2:0 (0:0)
/Вилијамс 72, Сансет 86/
Сен Жилоа – Боде Глимт 0:0
Пилсен – Лудогорец 0:0
Ренџерс – Лион 1:4 (1:3)
/Лоренс 14 – Фофана 10, 55, Лаказет 19, 45/
Елфсборг – Рома 1:0 (1:0)
/Baidu 44/