Капитенот на Реал Мадрид, Марсело (33), по завршувањето на сезоната, ќе го напушти клубот.

Марсело има намера да се врати во Бразил и тоа во клубот каде што ја почна кариерата. „Оле“ тврди дека Марсело се договорил со Флуминенсе.

Марсело во Реал пристигна пред 15 години, со клубот освои 22 титули, меѓу кои четири во Лигата на шампионите.

Коронавирусот предизвика вистински хаос во Тотенхем, два дена пред дуелот со Рен во Конференциската лига. Рен го обезбеди првото место во Г-групата, Тотенхем мора да го победи својот противник и во исто време да се надева дека Витесе нама да ја совлада Мура.

Најмалку шестмина фудбалери и двајца членови на стручниот штаб се заразиле со коронавирусот. Тоа се Сон, Лукас Моура, Брајан Хил, Бен Дејвис, Емерсон и Кристијан Ромеро, односно Кристијан Стелини и Рајан Мејсон.

Во клубот, во текот на денот ќе бидат извршени дополнителени тестирања.

Според правилата на УЕФА, доколку во клубот има 13 незаразени играчи, вклучувајќи и голман, тогаш тимот има обврска да го одигра натпреварот. Во овој момент на списокот на Тотенхем, од оние кои се пријавени за настап во Конференциската лига има 18 здрави фудбалери.

Англиските медиуми пишуваа дека во случај да се појави уште некој позитивен случај, кубот ќе бара да му биде одложен натпреварот со Брајтон.

Фудбалскиот сојуз на Германија го казни Џад Белингем за изјавата што ја даде по натпреварот Борусија Дортмунд-Баерн Минхен. Натпреварот заврши со победа на Баварците 3:2.

Баерн го доби дербито во Дортмунд со голот на Левандовски од пенал во 79.минута. Судијата Феликс Цвајер досуди пенал за Баерн, откако Хумелс играше со рака пред својот гол.

„Имавме судија кој е обвинет за местење на натпревар. На тој судија му дадовте да го суди најголемиот натпревар во Германија. Што можевте да очекувате? Мислам дека немаше пенал, Хумелс воопшто не ја виде топката, која потоа го погоди во раката“, рекол Белингем.

Фудбалскиот сојуз на Германија парично, со 40.000 евра, го казни Белингем. Истрага за овој случај отвори и обвинителството.