Спорт
Модриќ: Не ни пречи Бразил да биде фаворит
Капитенот на Хрватска, Лука Модриќ го коментираше претстојниот дуел против Бразил во четвртфиналето на Светското првенство во Катар.
„Се претставивме одлично со пласманот во четврт-финалето. Сепак, сакаме повеќе. Знаеме дека нè очекува најважниот натпревар на турнирот против еден од фаворитите за титулата. Од досега прикажаното, заслужено се на оваа позиција. Мора да го одиграме нашиот најдобар натпревар и ќе имаме шанси. Ние веруваме во нашите можности“, изјави Модриќ.
Играчот од средниот ред зборуваше за неговиот соиграч од Реал Мадрид, Винисуис Жуниор, против кого ќе се соочи на теренот.
„Убаво е да се слушнат неговите пофалби. Тој е одлично момче и имаме одлична врска. Тој се разви многу од неговото доаѓање во Реал. Ќе им дадам совет на соиграчите како да го спречат, но тие се запознаени со неговите квалитети. Сум играл против Бразил неколку пати и се уште не сме го победиле. Се надевам дека можеме да го промениме тоа. Бразил има феноменални играчи на секоја позиција, едни од најдобрите во светот. Мораме да бидеме многу агресивни, да не им дозволиме да играат. Многу е важно кога топката не е во наш посед да бидеме агресивни. Нормално е да го дефинираат Бразил како фаворит, но многупати сме покажале дека фаворитите не победуваат секогаш. Тоа воопшто не ни пречи. Го почитуваме секој тим, но веруваме во нашите сили“, изјави Модриќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.