Спорт
Моќниот Стоилов и Вардар со голема победа над Флензбург

Капитенот Стојанче Стоилов го предводеше Вардар до импресивна 31:26 (17:15) победа над Флензбург, за македонскиот шампион, конечно, да се врати во ЕХФ Лигата на шампионите по одложувањето на претходните два меча.
Гладен за ракомет и за победи, тимот на Стевче Алушевски, одигра одличен меч против германскиот фаворит, кој досега имаше три победи во три меча во ЛШ, контролирајќи го мечот и стигнувајќи до импресивна победа, прва во новата сезона.
Натпреварот не започна најдобро за „црвено-црните“, откако гостите стартуваа со 0:2, но потоа веднаш се вратија за да го преземат водството со 4:2, водство кое се оддржуваше во првите 20 минути, пред германскиот клуб да израмни на 10:10. На полувреме, Вардар отиде со два гола предност 17:15 предводен од расположениот и оздравен капитен Стојанче Стоилов.
Флензбург успеа да израмни на стартот на второто полувреме, но потоа Вардар го „крена“ нивото и направи пет гола разлика на 10 минути пред крајот (27:22) за да се осигура победата.
Стоилов заврши со фантастични 8 гола, Кристијан Дисингер и Ловро Јотиќ додадоа 4, а по три постигнати гола имаа Дибиров и Чупиќ. Кај гостите, Горан Јохансен имаше 6 постигнати гола.
Првата победа по два порази (од Мешков и Флензбург), стигна и Пари Сен-Жермен, триумфирајќи убедливо со 35:29 над Елверум, додека Порто исто така забележи убедлива победа над унгарскиот Пик Сегед од 25:19.
ЛИГА НА ШАМПИОНИ, ГРУПА А
Вардар – Флензбург 31:26 (17:15)
Порто – Пик Сегед 25:19 (15:10)
Пари Сен-Жермен – Елверум 35:29 (17:13)
Табела: 1.Кјелце 6, 2.Флензбург 6, 3.Порто 4, 4.Мешков Брест 4, 5.ПСЖ 2, 6.Вардар 2, 7.Елверум 2, 8.Пик Сегед 0
Фото: РК Вардар 1961 / Denis Dukovski
.@HCVardar are in command vs @SGFleHa and saves like this one from 19-year-old Marko Kizic are certainly helping ? #ehfcl pic.twitter.com/CJJamoCnwN
— EHF Champions League (@ehfcl) October 15, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Пафос освои бод кај Олимпијакос, Бодо/Глимт се врати од 2:0 против Славија

Вчера деботантите Карабаг и Унион Сен Жилоа забележаа сензационални победи во Лисабон над Бенфика, односно во Ајндховен над ПСВ, а и вечерва клубвите што прв пат играат во Лигата на шампионите имаа успешни настапи. Пафос одигра 0:0 против Олимпијакос во Атина, а Бодо/Глимт во Прага се врати по минусот од два гола и одигра 2:2 со Славија.
Спорт
Одбраната на трофејот во Купот Вардар ќе ја почне против Новаци
Фудбалскиот клуб Вардар одбраната на титулата во Купот на Македонија ќе ја започне на домашен терен против Новаци.
Во Куќата на фудбалот со ждрепка беа одредни осминафиналните двојки. Се игра еден натпревар, а термините се 24.09.2025 и 29.10.2025.
Осминафинални двојки во Купот на Македонија:
Македонија ЃП – Струга Трим Лум
Охрид Лихнидос – Шкупи 1927
Вардар – Новаци
Башкими 1947 – Силекс
Шкендија – Тиквеш
Работнички – Брегалница 2008
Шкендија Арачиново – Пелистер
Беласица – Детонит Плачковица
Спорт
Парти инсистира дека е невин по обвиненијата за силување

Фудбалерот на Виљареал, Томас Парти, претпладнево се изјасни за невин кога се појави пред судот во Лондон, по обвиненијата за силување и сексуален напад.
Парти беше обвинет по пет точки за силување и едно обвинение за сексуален напад, поради спорни настани во 2021 и 2022 година. Обвиненијата се однесуваат на три жени.
Парти во тоа време беше член на Арсенал, а веќе една година англиските медиуми пишуваат за овој случај.
„Топџиите“ не го продолжија договорот со 32-годишникот, па тој го напушти клубот како слободен агент и се пресели во Шпанија со одобрение на судот.
Според условите што ги постави судот, Парти не смее да контактира со ниту една од трите жени, мора да пријави каква било промена на адресата во полиција и мора редовно да одговара на судските покани за сослушувања. Следното е закажано за 2 октомври.
Фудбалерот ги негира сите обвинувања.
Парти синоќа играше за Виљареал, против Тотенхем во првиот натпревар од Лигата на шампионите, на тереното влезе во 78-та минута, но не можеше да го спречи поразот на „Жолтата подморница“.
Парти е роден во 1993 година во Гана, а на 19-годишна возраст дојде во шпански Леганес. Набрзо се пресели во Атлетико Мадрид, во чиј прв тим беше од 2015 до 2020 година, исклучувајќи ги позајмувањата во Мајорка и Алмерија.
Тој беше член на Арсенал од летото 2020 година, кога клубот за неговиот трансфер на Атлетико му плати 50 милиони евра.
Foto/ EPA