Фудбалерите на Ливерпул му дадоа поддршка на Мохамед Салах, пишуваат англиските медиуми.

Ливерпул поминува низ најтурбулентниот период во последните неколку години. Резултатите се лоши, играта е под сите стандарди, а и атмосферата во тимот не е добра.

Најновите информации од Англија велат дека тензиите во соблекувалната се преточиле во сериозен раскол помеѓу ѕвездата на тимот Мохамед Салах и тренерот Арне Слот.

По ремито со Лидс (3:3), Салах дополнително го потресе клубот – тој најави можно заминување и остро го критикуваше Слот, што, според медиумите на островот, предизвика верижна реакција.

Наводно, капитенот Вирџил ван Дајк веднаш потоа свикал состанок со играчите и ги повикал своите соиграчи да го поддржат египетскиот ас. Според истиот извор, тие едногласно го прифатиле барањето на капитенот.

Набрзо бил формиран ставот на тимот: играчите сакаат Арне Слот да ја напушти клупата на Ливерпул.

Проблемот е длабок и не е од вчера. Салах, иако има нов договор од почетокот на годината, игра во многу послаба форма од претходно – со само четири гола и две асистенции во сезоната.

Почесто, како што е опишано, тој му носеше штета на тимот отколку корист. Сепак, целата соблекувална стоеше зад него, што дополнително ја комплицира ситуацијата.

Она што става дополнителен притисок врз клубот е фактот дека Салах наскоро оди на Африканскиот куп на нации. Се поставува прашањето: дали ќе го одигра својот последен натпревар во дресот на Ливерпул пред тоа?

Мохамед Салах индиректно го најави своето заминување од Ливерпул.

Ливерпул се соочува со невидена криза, а најновиот шок го доживеаја на „Еланд Роуд“. „Црвените“ испуштија победа во судиското продолжение. Иако тимот водеше со 2:0, а подоцна и со 3:2, мечот заврши 3:3, што дополнително ги продлабочи проблемите.

Дека атмосферата во Ливерпул не е добра, потврди и изјавата на Салах по натпреварот. Репрезентативецот на Египет ја отвори душата, откако натпреварот против Ливерпул го гледаше од клупата за резерви.

Тој не играше и на претходниот натпревар против Вест Хем, додека на натпреварот против Сандерленд одигра само 45 минути.

Индиректно за „Скај Спорт“, Салах го најави своето заминување од „Енфилд“.

„Многу сум разочаран, направив толку многу за овој клуб сите овие години, особено минатата сезона. Ми се чини дека клубот ме фрли под автобусот. Така се чувствувам. Некој сака да го пронајде виновникот во мене. Клубот ми вети многу пред почетокот на сезоната. Сега сум на клупата, па можам да кажам дека не го одржаа своето ветување.“

Инаку, попладнево ќе се одржи кризен состанок во Ливерпул. Ќе присуствуваат сопствениците Џон Хенри и Том Вернер, генералниот менаџер Мајкл Едвардс и раководителот на спортски операции Ричард Хјуз.

Челниците процениле дека целата ситуација околу клубот е доста лоша, што бара итна реакција за да не се изгуби сезоната дефинитивно.

Наводно според челниците проблем е Мо Салах. Неофицијално, водечките луѓе од спортскиот сектор на денешниот состанок ќе добијат препорака од сопствениците радикално да реагираат, што подразбира почеток на процесот на „екстрадиција“.

Според некои информации, Арне Слот би можел да добие поддршка за да продолжи со својата работа, ни не е исклучено дека може да биде отпуштен, додека Салах ќе биде ставен на трансфер листата и исфрлен од тимот.

Салах ги поканил родителите да присуствуваат наредниот викенд на натпреварот со Брајтон, кој може да биде негов последен во дресот на Ливерпул.

„Ги поканив моите родители и им реков да дојдат на натпреварот против Брајтон. Не знам дали ќе играм или не, но сепак ќе уживам. Ќе бидам на „Енфилд“ да се збогувам со навивачите и да одам на Африканскиот куп на нации. Не знам што ќе се случи потоа, не знам што е следно. Секогаш ќе го сакам и ќе го поддржувам Ливерпул, јас, моите деца. Ливерпул секогаш ќе биде мојот тим“, рече Салах.

Ливерпул е во една од најтешките сезони во последните неколку години – проблемите со засилувањата, лошата форма на тимот и потенцијалното заминување на најголемата ѕвезда го ставаат клубот пред сериозен предизвик.

Foto/ EPA

Македонскиот репрезентативец, Ненад Димитријевиќ, сезонава го носи дресот на Зенит од Санкт Петербург. Димитријевиќ, летово се врати во Русија, откако имаше неуспешна сезона во дресот на Олимпија Милано.

Димитријевиќ е голем навивач на Партизан, тоа го потврди и во интервјуто за „Баскетбол Сфера“.

„Мојата голема желба беше да дојдам во Партизан, особено откако ја напуштив Валенсија. Мислам дека тогаш беше одлична можност, но никогаш не добив никаква конкретна понуда или интерес. Вистина дека имав голема желба, но повикот никогаш не се случи“, рече Димитријевиќ, а потоа го коментираше и заминувањето на Жељко Обрадовиќ од црно-белата клупа.

„Мислам дека е тажно за Евролигата и за Партизан што Жељко Обрадовиќ си замина. Мислам дека тој е најголемата легенда на клубот, тој е поголем од кошарката таму. Тоа е кошарката, дел од работата, понекогаш нема среќен крај“.

Foto/ EPA