Реал Мадрид во првиот официјален натпревар во новата сезона одигра 0:0 во Сан Себастијан против Реал Сосиедад.

Во натпревар без многу убавина најголемата шанса за постигнување на гол ја имаа домашните фудбалери. Во 43 минута репрезентативецот на Шведска Исак шутираше но Куртоа брилијанто го спаси својот гол.

Баренечеа имаше обид на стартот од вториот дел кој заврши крај голот. Реал единствено се заканија преку Бензема чии удар го одбрани Ромеро.



Андреа Пирло и неговиот Јувентус со победа стартуваа во новата сезона во Серија А. Бранителите на титулата во првата рунда славеа над Сампдорија со 3:0.

Од стартот Пирло изненади со поставата која го започна мечот на теренот се најдоа младиот Фработа и засилувањето од Шалке, Американецот Мекени. Одбраната на Сампдорија првиот пат капитулираше во 13 минута. Успеаја да го запрат Кристијано Роналдо, но топката се одби до Кулушевски, кој од 15 метри пласираше и го погоди спротивниот агол на голот кој го брани Аудеро.

Летното засилување го постигна дебитантскиот гол за најтрофејниот италијански тим.

Отпорот на Сампдорија Јувентус конечно го скрши во последните десет минути од натпреварот.

Бонучи ја дуплираше предноста во 79 минута, а конечниот резултат го постави Кристијано Роналдо во претпоследната минута.

Ливерпул славеа на „Стенфорд Бриџ“ против Челси со 2:0 во премиерлигашкото дерби одиграно во рамките на 2.коло. Одново одбраната на челси беше таа која го турна тимот во пораз. Кристенсен на истекот на првиот дел доби врцен картон, а голманот Кпеа во второто полувреме на противниците им го подари вториот гол.

Во тактичко надмудрување, без многу убавина во играта мина првиот дел, во кое Ливерпул ја контролираше играта, но без конкретна закана кон голот на „сините“.

На истекот на првиот дел Мане му побегна на Кристенсен, Данецот направи фаул за кој доби црвен картон.

Во вториот дел Ливерпул влезе со намера што побргу да постигне гол, тоа им успеа во 50 минута кога по акцијата на Салах и Фирмино, Мане му побегна на Џејмс и од непосредна близина ја зафати топката со глава и го матираша Кепа.

Четири минути подоцна Сенегалецот успеа да пресече едно додавање на голманот на Челси и го постави конечниот резултат.

Жоргињо не реалзиираше пенал за Челси во 72 минута. Алисон Бекер го одбрани неговиот удар. На пеналот му претходеше прекршокот на Алкантара врз Вернер. Десет минути подцна Алисон се истакна уште еднаш кга го одбрани ударот на Ејбархам.

Во финишот Кепа забележа две интервенции со кои спречи повисок пораз на својот тим.