Спорт
Мората: Ми праќаат ужасни пораки, се надевале дека моите деца ќе умрат!
Напаѓачот на шпанската фудбалска репрезентација, Алваро Мората на ЕУРО 2020 проживува тешки моменти затоа што поради неговите промашувања стигнуваат смртни закани за него, но и за неговите најблиски.
Мората промаши пенал против Словачка, а имаше уште неколку нераализирани шанси. Поради неискористените зицери тој подол период е мета на навивачите, но се чини има навивачи кои претеруваат со морбидните пораки.
„По мечот со Полска не заспав 9 часа. Примит толку многу закани, навреди за членови на моето семејство, пораки во кои пишува дека се надеваат дека моите деца ќе умрат. Најмногу ми пречи она што се пишува за моите жена и деца. Јас давам се од себе за репрезентацијата, а тие не ми даваат ни дел од кредитите кои ги добиваат останатите играчи“ изјави Мората за шпанските медиуми.
Тој се осврна и на промашениот пенал против Словачка.
„Горд сум што шутирав, затоа што никој друг не се осудуваше. Погледнав и видов дека никој не сакаше да го изведе. Шутирав и голманот одбрани, и што сега? Светот не пропадна. Касилјас, Реина и Раул ми дадоа поддршка и ми рекоа да не им придавам важност на критиките. Можеме да отидеме до самиот крај. Ако тоа не се случи потпишувам дека нема да одиграм ниту минута повеќе. Не дојдов овде да глумам ѕвезда, туку да го освојам европскиот трофеј“ вели Мората.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Барела ќе стане најплатен италијански играч во Серија А
Фудбалерот на Интер, Николо Барела наскоро ќе потпише нов договор и ќе стане најплатениот италијански играч во Серија А, објавија италијанските медиуми.
Како што пренесува „Газета дело спорт“, Барела ќе има годишна плата од седум милиони евра со одередни бонуси.
Неговиот актуелен договор истекува во јуни 2026 година, а директорот Пјеро Аусилио пред неколку дена изјави дека 27-годишниот играч од средниот ред најверојатно ќе потпише нов договор пред неговиот тимски колега Лаутаро Мартинез.
„Газета дело спорт“, наведе дека Барела ќе го потпише договор до јуни 2029 година.
Моментално има плата од пет милиони евра годишно, според новиот договор ќе добива 6,5 милиони, но лесно ќе ги исполни бонусите и ќе достигне сумата од седум милиони евра годишно.
Според информациите, најплатен италијански фудбалер во Серија А е Алесандро Бастони од Интер, кој моментално има 5,5 милиони евра по сезона, додека фудбалерот на Јувентус, Федерико Киеза има годишна плата од пет милиони евра.
Спорт
Тим потврди дека ја завршува кариерата
Австрискиот тенисер Доминик Тим потврди дека на крајот од сезоната ќе ја заврши кариерата.
Победникот на Ju-es open во 2020 година најверојатно кариерата ќе ја заврши во Виена, на турнирот што ќе се одржи од 21 до 27 октомври.
„Можам да потврдам дека оваа сезона ќе ми биде последна во кариерата. Од повеќе причини ја донесов оваа одлука. Мојот зглоб не е добар, не е во состојба каква што сакам да биде, втората причина е мото внатрешно чувство. Долго време размислував за ова, за целиот мое патување во тенисот кое беше неверојатно. Бев успешен и освојував трофеи.“
Тим е далеку од светскиот врв веќе три и пол години, а се започна веднаш по освојувањето на првиот и единствен Грен слем.
Почнаа проблемите со мотивацијата и психата, а заедно со тоа дојдоа и повредите, пред се на зглобот.
Никогаш не успеа да се врати на претходното ниво, а моментално се наоѓа на само 117. место на АТП листата.
OFFICIAL: Dominic Thiem announces his retirement at the end of the season.
Very emotional video.
"I'm gonna finish my career at the end of this season (…) My wrist is not at the way it should be and how I want it. I was thinking about this decision for a very long time" pic.twitter.com/qAyuNkOm9A
— José Morgado (@josemorgado) May 10, 2024
Спорт
Роналдо го поврзуваат со трансфер во европската сензација
Португалскиот фудбалер Кристијано Роналдо би можел да се врати во Европа, пренесуваат саудиските медиуми.
Роналдо пристигна во Саудиска Арабија, во Ал Наср на почетокот на 2023 година.
Според информациите, Баер Леверкузен на чело со Чаби Алонсо е заинтересиран за Кристијано.
Стратегот на „фармацевтот“ е добар пријател со Роналдо, кој со години му беше соиграч во Реал Мадрид.
Роналдо е главната ѕвезда во Арабија, па вистинското прашање е дали има желба повторно да се докаже на највисоко ниво на 39 години.
Оваа сезона има учинок од 42 гола на 41 натпревар.
Во текот на кариерата играше за Спортинг, Манчестер унајтед,Реал Мадрид и Јувентус.
Пет пати ја освојуваше „Златната топка“.